بنتي مؤذية

بنتي مؤذية
واحده بتقول
السلام عليكم
محتاجة حل لمشكلتي عندي مرات ابني ربنا يحفظها جميلة وتستاهل كل خير ولما تنزل عندي مبحبش تعمل حاجة لان عندها أطفال وهي نضيفة جدا في شقتها وعندي بنتين متجوزين واحده عسل بتجي يوم في الأسبوع الله يباركلها بتفهم وتحبنا وصديقة لمرات اخوها رغم ظروفها بسيطة لكن دايما تجيب حلويات للاطفال زي عيالها واوقات تجيب حاجات وهي جاية والتانية الله يهديها جوزها مهندس بينزل اجازة الخميس ويمشي السبت وباقي الاسبوع عندي متعبة جدا ومفيش اي خصوصيه تفتش زي البوليس السياسي في كل مكان لو طايله تفتح المراتب والخشب تفتش كانت عملتها والله ما نعرف نشيل حاجة منها واحنا ما نعرف حاجه عنها وكدابة ودايما تدعي الفقر
ان مفيش حيلتها حاجه وعندها طاقة للمشاكل مع كل البيت وطماعة تاخد ومتديش وتنكر اي خير من ناحيتنا احنا الحمد لله مستورين لكن هي وعيالها أسرة تانيه في النوم والاكل ومفيش عندها استعداد تجيب اي حاجة ومفهمة جوزها انها بتجيب وقسما بربي محصل وتروح تتسوق هي و اختها فاختها قلتلها نجيب طلبات لماما
بهدلتها واټخانقو في الشارع وتقولها انتي تجامليهم براحتك وبخيله جدا ولا ليها جمايل انا زعقت للطيبة عشان اوقف خناقهم مقدرش علي بنتي الطماعة وجودها متعب للغاية ولو عملت شغلانة في البيت عايزة مرات ابني تعمل وانا رفضت والبيت قلب حريقة ومبقتش قادرة اتحمل قرفها والله كل همها توفر لنفسها وعايزة اي حاجة ليها وشيفانا كلنا وحشين وبلاوي كتير جدا وجودها اذي لكل البيت ومش عوزة تقعد في بيتها مدة غياب جوزها عشان بتزهق ووالدها واخواتها مش طايقنها والمصېبة انها مش حاسة بافعالها واننا ظالمينها وجاين عليها
والنبي حد يدبرنا نعمل فيها ايه