تمن طلاقي بقلم عادل عبدالله

" رحت لمحامي عشان يطلقني من جوزي عرض عليا عرض ما فيش واحده ست محترمه ممكن توافق به " .
بعدما حصلت بيني وبين جوزي مشكلة كبيرة طلبت منه الطلاق لكن جوزي رفض سبت البيت ورجعت لأهلي و قولتلهم اني لازم اتطلق منه .
اهلي حاولوا يقنعوني ارجع له لكني كنت مصممة .
رحت انا ووالدي عند محامي مكتبه قريب من بيت اهلي و طلبت منه يرفع لي قضية طلاق علي جوزي .
المحامي طلب من والدي مبلغ كبير لزوم قضايا الطلاق والنفقة والقايمة واتفقنا اننا هندفع المبلغ علي دفعات .
فوجئت بالمحامي بعدها بيومين بيتصل بيا وبيقولي انه عايزني علشان القضية وطلب مني اروح له لوحدي مكتبه من غير والدي !!
استغربت طلبه وقولت اروح اشوفه عايز ايه يمكن حاجة تفيد في القضية .
روحت مكتبه و طلب لي عصير لكن كنت شايفة نظرات مريبة منه ولذلك خۏفت اشرب العصير .
المحامي بدأ كلامه بأن مصاريف قضية الطلاق كبيرة وانه عايز الفلوس
دفعة واحدة قولتله مش هينفع لأن الفلوس مش جاهزة كلها دلوقتي .
قالي اعتبري موضوع طلاقك من جوزك خلصان وكمان مش هاخد منك اي اتعاب لكن بشرط انك توافقي علي العرض اللي هعرضه عليكي دلوقتي .
بدأ يقولي كلام حلو و قالي اني حلوة وجميلة والف واحد يتمناني وانه عنده واحد قريبه شاب ووسيم وغني بيدور علي عروسة جميلة بنفس مواصفاتي ومش مهم تكون اتجوزت قبل كده وانه شايفني مناسبة له !!
قولتله انا مش هفكر في جواز تاني خصوصا دلوقتي .
قالي بغض النظر عن موضوع الجواز فيه عرض تاني مهم جدا وفرصة بالنسبالك مش هتتعوض .
قولتله طيب قول العرض بسرعة من فضلك علشان اتأخرت .
قالي ان الشاب اللي عايز يتجوزني ده محتاج مساعدتي في قضية تخصه !! وأني لو ساعدته في القضية دي مش هياخد مني اي فلوس وهيترافع عني بدون اتعاب !! ده طبعا بالاضافة لجوازي من العريس ده اللي يعتبر عريس لقطة !!
حسيت بقلق من كلامه و قومت وكنت همشي .
قالي اقعدي الاول اسمعي العرض للأخر وبعدين