تمن طلاقي بقلم عادل عبدالله

قرري .
قالي ان قضية الشاب ده تتلخص في ان أمه حرمته من الميراث !!
ولما سألته انا دخلي ايه بحاجة زي كده قالي ان امه جارتي وعايشة لوحدها معنا في نفس البيت وان انا اكتر واحدة ممكن اساعده .
و قالي اني لو قدرت اقرب من الست دي وادخل بيتها و اخد الاوراق اللي تثبت انها كتب املاكها لباقي اولادها و اعطيتها للمحامي هيطلقي من جوزي بدون ما ياخد مني اي فلوس !!! وفي نفس الوقت هتجوز قريبه ده اللي يعتبر عريس لقطة !!
قولتله انت ازاي تطلب مني حاجة زي كده !! قالي اني مش هعمل حاجة غلط بالعكس انا باللي هعمله هصلح الغلط اللي ام الشاب ده عملته لما تحرم واحد من عيالها من ميراثه !!
بدأت افكر في كلامه و لما حس اني بفكر قالي معاكي يومين تفكري وتردي عليا بس ارجوكي متتأخريش في الرد وصدقيني دي فرصة بالنسبالك من كل النواحي .
خرجت من عنده وانا بفكر في كلامه لكن كنت حاسة من جوايا ان اللي هعمله ده غلط وبعد تفكير طول الليل تاني يوم قولت لبابا علي كلام المحامي والعرض اللي عرضه عليا .
بابا زعل علشان روحت للمحامي ده لوحدي وزعق شوية وقالي ان اللي كنت هعمله غلط كبير وسواء الست دي غلطت في كتابتها لميراثها او لا ده مش سبب اننا ندخل بيوتها ونسرق اوراقها حتي لو كنا بنظن اننا هنصلح به غلطها .
وبعدين اخدني وروحنا لمحامي تاني وحكيت للمحامي التاني علي مشكلتي مع جوزي واسباب الخلاف الدائم ببنا وقولتله اني عايزة اتطلق منه .
المحامي التاني ده قالي هاتي اوراقك واعطيني فرصة يومين وهرد عليكي. .
بعد يومين لقيته بيتصل بيا وقالي انه عايزني مع والدي في مكتبه الليلة .
اخدت بابا وروحنا له المكتب لقيت جوزي قاعد عنده في مكتبه !! اول ما شوفته اتضايقت جدا و كنت همشي لكن المحامي هداني وقعدني انا وبابا وبعدين بدا يتكلم معنا في مشكلتي انا وجوزي وبعد حوالي ساعة كنت قومت انا وجوزي
بعد ما اصطلحنا واتفقنا اننا عمرنا ما نزعل ولا ندخل حد بينا تاني ابدا .
وبابا قالي شوفتي يا بنتي الدنيا زي ما فيها ناس مش كويسين ضميرهم مېت فيه ناس تانيين كويسين جدا وبيعملوا لمصلحة الناس حتي لو كان علي حساب مصلحتهم .
انتهت .