غفوة

الفصل الاول
كانت ندى تجلس شارده الذهن
تنظر الي العشاء الرومانسي الذي قامت بإعداده لكي تفاجئ احمد به محاوله منها لتخفيف التوتر الذي اصبح جزئ من حياتهم
نظرت بيأس الي الطعام البارد والي الساعه والدموع تجري علي وجنتيها
بعد منتصف الليل استمعت الي صوت المفتاح بالباب
انتفضت بعصبيه
مساء الخير يابيه لا بجد لسه بدري ولا ليه انت بتتعامل كأنك قاعد في فندق مش في بيت
احمد في ايه ياندى وطي صوتك وبعدين اعمل ايه ما انا كنت في الشغل
ندى باستهزاء
شغل ايوه طبعا وانا المفروض اصدق
اكيد طبعا كنت مع الزفته دي ده حتى الوقت اللي بتكون معايا فيه بتكلمها في التليفون طبعا مش قادر تبعد عنها
احمدباستغراب
زفته مين ايوه ايوه قصدك نسرين
قولت مليون مره انها مهندسه معايا في الشغل
واما بنتكلم بيكون في الشغل اكيد مش بحب فيها مثلا
ندى هههه وانا الهبله اللي هتصدق الكلام ده
تقدر تقولي انت فين في حياتي وحياه بناتك
ده حتي وانت قاعد معانا مش بتسيب التليفون من ايدك
ممكن تقولي انت تعرف ايه عن بناتك تعرف ايه عني انا
انا خلاص تعبت
لا وانا اللي قاعده بعمل في عشاء وورد وشموع وانت مقضيها مع الست هانم
احمد بعصبيه
ايه الهبل اللي بتقوليه ده
وبعدين انا اللي تعبت ياست هانم مش انتي
طول الوقت خناق وعصبيه طول الوقت قرف
انتي مش بتقدري
انتي اللي تعرفي ايه عني
انتي تعرفي انا بشوف ايه في الشغل تعرفي عندي كام مشكله
وتعرفي ليه اصلا وانتي عمرك ما اهتميتي بيا ولا تعرفي عني حاجه
كل يوم برجع تعبان وطالع عيني و بدل اما ارتاح في بيتي بتيجي انتي تكملي عليا بجد انا خلاص جبت اخري
ندى باستهزاء
انت استاذ خلاص قلبت كل حاجه عليا وانا اللي بقيت شريره في الروايه
بس ايه اللي مخليك مستحمل كل ده
انا ميرضنيش اشوفك كده
طلقني
احمدندى ابعدي عني دلوقتي انا عفاريت الدنيا كلها قدامي
ندي وانا مش هبعد انا خلاص مش عايزاك مش قادره اكمل معاك اكتر من كده
طلقني
احمدبغضب
تمام انا هريحيك
انتي طالق طالق طالق
الفصل الثاني
يا ندى قومي ياحبيبتي بقالك اسبوع دلوقتي مش بتطلعي من الاوضه علي الاقل قومي شوفي البنات بيسألو علي احمد
ندي مش عايزه اسمع اسمه ياماما طبعا زمانه مقضيها مع الزفته اللي اسمها نسرين
الام انا مش قادره اصدق ان احمد يعمل كده
ندى انتي لسه بتدافعي عنه ياماما بعد اللي عمله
طيب هو فين فكر يرفع سماعه التليفون علي بناته
الام ايوه اتكلم انهارده علشان يطمن على البنات
ندى ماما ممكن تسبيني شويه انا محتاجه اقعد مع نفسي لازم اعرف هعمل ايه الخطوه الجايه
انا هنزل ادور علي شغل لازم اعوض كل اللي فاتني كفايه لحد كده لازم اهتم بنفسي
الامطيب والبنات ياندي اوعي تعندي علي حساب بناتك
ندى مين اللي قال كده انا ههتم بنفسي وببناتي
هو اصلا ماكنش ليه وجود في حياتنا
ماما لو سمحتي سبيني دلوقتي
الامحاضر