عشق ملوث بقلم اسراء ابراهيم

انتي بجد هتروحي يا اسيا طب وفريد طليقك ماهو اكيد هيكون هناك
كانت بتتكلم نيرة اخت اسيا بقلق وهي واقفة وراها قدام المراية
اسيا بثقة طبعا هروح يا نيرة كفايا عشت سنة مبخرجش وكأني فعلا مذنبة لكن من انهاردة مش هخاف تاني وهواجه اي حد لو روحتي ممكن تسمعي كلام يوجعك
اسيا بسخرية هيقوله ايه يعني اكتر من اللي قالوه هيقوله
نيرة باندفاع يا اسيا الناس ليها الظاهر واللي حصل وقتها مكنش هين عشان الناس تنساه بسهولة ولا ان فريد يغفره
اسيا پغضب ودموعها بتنزل الناس الناس دول معليهمش لوم يا نيرة عشان ميعروفنيش لكن اللي بتتكلمي عليهم دول اهلي عارفة يعني ايه اهلك عيلتي اللي المفروض تدافع عني ولو شافتني بعنيها تكدب عينيها وتصدقني يمكن فريد ابن عمي موجعنيش اكتر وهو خلاص انتهي من حياتي
نيرة باندفاع كدابة يا اسيا لانك رايحة دلوقتي عشانه عشان عرفتي
اسيا بسخرية لا يا نيرة انا رايحة عشان ابين براءتي قدام الكل ووقتها بس هحس اني كرامتي رجعتلي
نيرة بشك انتي تقصدي ايه وتبيني براءتك ازاي اسيا انتي ناوية علي ايه بالظبط
اسيا بتنهيدة كل خير يا نيرة ها هتروحي معايا ولا خاېفة من باقي العيلة صدقيني لو مش حابة تيجي مش هزعل منك
نيرة بثقة انتي هبلة يا اسيا علي اساس اني هسيبك يعني تروحي لوحدك لا طبعا معاكي وربنا يستر
اسيا بتفكير خير يا حبيبتي خير متقلقيش
كان واقف فريد سرحان وهو في القاعة بتاعة الخطوبة لحد ما سمع صوت نوال امه من وراه
نوال باستغراب في ايه يا فريد مالك يا حبيبي وواقف بعيد ليه كدة
فريد بجدية مفيش يا امي بس يعني حاسس اني اتسرعت في الخطوة دي
خلاص يا امي مش كل شوية تفكريني بيها قولتلك ان اللي بينا انتهي بدليل اني وافقت
نوال بخبث انت زعلت ليه انا بهزر معاك وبشوف يعني لسة بتفكر فيها ولا لا صدقني ده انت عين العقل اللي عملته وبكرة تقول امي قالت ان جوازتك دي بقي هتبقي جوازة الهنا
فريد بجدية قولتلك يا امي اني مش مستعد دلوقتي انا مضغوط في شغلي وورايا حجات كتير
نوال پصدمة وهي بتبص ورا فريد يا نهارها اسووود هي ليها عين تيجي بعد اللي حصل
بص فريد مكان ما امه بتبص واتفاجأ باسيا داخلة من باب القاعة فاټصدم وقبض علي ايديه پغضب
نوال پغضب انا هروح اوريها مقامها بنت جميلة
كانت داخلة اسيا بثقة ومعاها نيرة اختها اللي كانت مسانداها وواقفة في ضهرها وبتبص پغضب لاي حد يبص لاختها بنظرة شماتة واتهام لحد ما وصلو للترابيزة اللي قاعد عليها عمها مجدي ابو فريد وباقي العيلة
اسيا بثقة ايه يا عمي مش هتقولي اتفضلي مش كفايا اني متعزمتش في فرح ابن عمي
اسيا بضحك لا يا عمي الفضايح بجد لسة جاية متقلقش ومش همشي من هنا قبل ما اتأكد انها حصلت
مجدي بحدة عيب يا نيرة
خدي اختك
وامشو من
هنا وكفاايا اللي حصل منها
اسيا پغضب ايوووة بمناسبة اللي حصل منها بقي هو فين ام العريس عشان الموضوع يخصها
نوال پغضب وصوت عالي وكمان ليكي عين تيجي لحد هنا ده انتي واحدة .. وواحدة غيرك كان المفروض ميبقاش ليها عين انها تخرج ولا تحط وشها في وش حد
نيرة بتردد يلا يا اسيا نمشي مش قولتلك
اسيا بصوت عالي لا منا جيت هنا انهاردة
عشان استغل الجمع الحلو ده واعرفهم مين اللي المفروض يا جماعة نواال مرات عمي واللي المفروض انها كانت حماتي استغلت ابنها وثقته