قصة سر المشرحة كاملة بقلم الكاتب حمادة هيكل

مراتي سابت البيت ومشيت بعد خناقة كبيرة معايا ورغم أن هي اللي غلطانه الا أنها زعلت وسابت البيت ومشيت
احنا متجوزين من 6 شهور ولسه مش قادرين نفهم
بعض كويس تعارفنا وخطوبتنا والجواز تم بسرعه
ملحقناش نعرف طباع بعض كويس بس انا بحبها
ومتحمل جنانها وعصبيتها لانها هي كمان بتحبني
وبتتحملني كتير لكن اخر مرة زعلت على حاجه هايفه
وقالت انا رايحه عند ماما كام يوم اهدي أعصابي
فات يومين وفي اليوم التالت وصلني اتصال من رقم
غريب بيقولي مرات حضرتك عملت حاډثة وماټت
لازم تيجي المشرحه علشان تتعرف على الچثة
الخبر كان وقعه زي الصاعقة عليا نزلت بسرعه
وجريت على عنوان المشرحة اللي بلغوني بيه
ولما وصلت كان مبنى قديم وعليه بوابة وحارس
قولتله انا زوج الحالة الي وصلت من شوية
اتكلم في جهاز لاسلكي بعد ما شاف بطاقتي
وطلبوا منه يسمحولي ادخل
دخلت بعربيتي ونزلت وقفت قدام مبنى مكون من دورين
وكان في حارس واقف قدامه سألته لو سمحت فين الاقي
الحالة اللي وصلت من شوية
في الدور الارضي تالت أوضة على يمينك
دخلت الأوضة كان موظف قاعد على مكتب
ومعاه أمين شرطه
حضرتك زوج الحالة اللي لسه واصله
ايوه انا
طيب اتفضل عشان تتأكد منها ..بس ارجوك
تتمالك اعصابك انا مقدر مو..
قاطعته بعصبية
لو سمحت عاوز اشوفها بسرعه
طيب اهدى حضرتك ..اتفضل
فتح باب تاني وجواه كان في سرير في نص الاوضة
وفي عدد تلاجات مترقمه
فتح الباب رقم 4 وسحب الجرار وقالي مستعد
مديت ايدي وهي بتترعش ورفعت الغطا
واټصدمت لما لقيت وش الچثة مشوه تماما
انا اسف ع المنظر ..بس العربية اتقلبت وحصل انفجار
شوه الدماغ ولكن ولاد الحلال لحقوا يطلعوها
قبل ما الڼار تمسك في باقي الجسم
كان في صباعها خاتم جوازنا
اول ما شوفته انهرت تماما
وحضنتها وفضلت أعيط بحړقة
والموظف طبطب على كتفي وقالي شد حيلك البقاء لله
ودون حاجة في الدفتر بتاعه وقالي لو سمحت
ممكن تمضي على استلام الچثة
مسكت الورقة والدفتر وبأيد مرتعشه
والقلم وقع عني وطى الراجل عشان يجيبه
وقالي تمالك نفسك يا أستاذ ..مسكت القلم
ومضيت بصعوبة وسلمته الدفتر وقالي بكره
الصبح بأذن الله هييجي الدكتور ويشرح الچثة
وعلى الضهر بالكتير هيصدر أمر النيابة بأستلام الچثة
وتقدر حضرتك تجيب عربية تكريم المۏتى عشان تنقلها
لمقاپر العيلة
خرجت وانا مڼهار ومش شايف قدامي بعد ما خرجوني
من عندها بصعوبة ورجعوها تاني جوه التلاجة وقفلوا الباب
بعد ساعة ونص كانوا خرجوا من المشرحه كلهم
وقفلوا الباب وركبوا عربية وانا كنت مستني بره
بعربيتي مشيت وراهم من غير ما يحسوا
لغاية ما نزلوا كلهم واحد ورا التاني وانا كملت
ورا الموظف اللي مضاني على ورقة استلام الچثة
لاني لقيت فيها تنازل عن كل ممتلكاتي وتظاهرت
أن الفلم وقع مني واني برتعش وانا بمضي عشان أتأكد