قربان بقلم جمال الحفني

جوزي اتجوزني عشان يقدمني قربان للجن عشان يوافق ويفتح مقپرة أثرية, وكنت أنا اللي هكون القربان.

اتجوزت وعمري 14 سنة زواج تقليدي عادي من ابن خالة أمي, وبعد ما كملت أربع شهور بدأت أحس بحاجات غريبة بتحصلي وتحصل حواليا لحد ما بدأت أحكي لزوجي وأهله لكنهم اتهموني بالجنون, كنت بشوف حاجات مرعبة بتحصل في البيت, وحتى لو نمت كنت بحلم بكوابيس, ومع تكذيبهم ليا ولحكاياتي بدأت مقولش اللي بيحصل لكن دخلت في مرحلة اكتئاّب شديد, وكمان وقتها كنت حامل.

الغريب إن أهل جوزي عندهم برود غير طبيعي, لما كنت احكيلهم, مكانش بيبان عليهم الدهشة مثلا أو حتى الاستغراب, كانوا يسمعوا حكاياتي ويهزوا راسهم وميعملوش حاجه, لدرجة إني شكيت فيهم وفي اللي بيحصل حواليا.

لحد ما في يوم رحت لأهلي وحكيت لأبويا اللي بيحصل معايا, خاف عليا جدا وقرر ياخدني لشيخ من معارفه يطمن عليا, ووقتها اتفاجأنا من الحكايات والمعلومات اللي قالهالنا واللي أنا نفسي كنتي مغيبة عنها ومفكرتش فيها.

كانت فيه أوضة كدا معينة في البيت وأهل جوزي كانوا بينقبوا عن الاّثار فيها, وكانت دايما مقفولة ومش مسموحلي أدخلها, والقربان اللي هيتقدم للشيطان اللي جواها كنت أنا.

الشيخ السفلي اللي كان بيتابع عملية الحفر كان بيعمل كل الطقوس عليا أنا, وأنا مغيبة, جوزي كان بيخدرني وبيحضروا الجن على جسمي, ودا السبب اللي خلاني أحلم بكوابيس دايما وأشوف جن وحاجات بتتحرك في البيت لوحدها ومكانوش بيصدقوني لما أحكيلهم, لدرجة إني انا نفسي قولت يمكن تهيؤات وبتحصل مع ناس كتير ومش لازم أكبر الموضوع.

والشيخ قالنا كمان إن الجن طلب ډم مني, فالدجال السفلي قطع جزء من صباع إيدي الصغير وبعدها لما فوقت لقيت نفسي على السرير وجوزي جمبي ولما شوفت إيدي متضمدة وسألت حصل إيه جوزي بص في عيني وقالي بكل حب وخوف إني قطعت جزء من صباعي وأنا في المطبخ وأغمى عليا فاضطر ياخدني للمستشفى وعملولي الللازم.

وقتها رجعنا من عند الشيخ دا وأبويا مش لاقي كلمات مناسبة يواسيني بيها لكن كنت شايفة ملامح وشه كلها حزن وأسى, ومن يومها مرجعتش لبيت جوزي تاني وطلبت الطلاق.

لكن مشكلتي فضلت مستمرة, كوابيس في النوم ومواقف مرعبة في اليقظة, كنت بشوف عالم الجن كإني واحدة منهم ومنفعتش معايا كل المهدئات والمسكنات.

والدي كان كل فترة ياخدني لشيخ استمر معاه يومين وفي اليوم التالت ېموت, في الأول كنت فاكره إنها مجرد صدفة لكن لما اتكررت تلات مرات عرفت إن الموضوع خطېر وأنا في مشكلة كبيرة.

كنت بخاف على الناس اللي هروحلها لإني عارفة مصيرهم هيكون إيه, وكنت برفض واقول لأبويا لأ لكنه كان يصر, ومع ذلك بمجرد ما نروح لشيخ وقبل ما ندخل عنده يروح يقول للتابع بتاعه يطردنا بره, والدي كان بينصدم من رفض المعالجين لينا لكن أنا اتعايشت مع الأمر عشان محسش بتأنيب الضمير.

وبعد فترة في المحاكم قدرت اتطلق من جوزي وبعدها سمعت إنه ماټ في حاډثة عجيبة ملهاش تفسير.

مشكلتي متحلتش وبقيت عايشة حياتي كلها بعمل حاجات مش بكون عايزه أعملها, ومبقاش عندي القدرة للسيطرة على جسمي وأمي هي اللي اهتمت برعاية بنتي.

قصة حقيقية.
لو خلصت قراءة اكتب تم عشان يوصلك كل جديد
#قربان_بشري
جمال الحفني