رواية حكاية زهرة بقلم شيماء منير

عمر هو في ايه بالظبط
عمر وبصلها من فوق لتحت بضيق من طريقتها
فتون وقفت بتوتر
عمر في ايه يا انسه
فتون انا السيستم واقف عندي ليه مش عارفه اسجل شغلي عليه
عمر شغل ايه انتي اصلا مش شوفتلك شغل تقريبا بقالي شهر اصلا وطالما معندكيش شغل يبقا ملوش لازمه السيستم معاكي
فتون بتوتر انا كنت ببتعت الشغل مع زمايلي وانت كنت بتمضلي عليه
عمر وسيادتك مبتجيش على رجلك نقش الحنه
فتون بضيق انا مسمحلكش بالتريقه دي
عمر ووقف متسمحيش براحتك زي زي غيرك تطلعي تسلمني الشغل ودا شئ ميعبش اي انسان انا نفسي بنزل تحت واكيد شوفتي قدامك لما بيكون عندي شغل بنزل اخلصه
ثم اكمل بمكر في كمان امر اداري مالي بخصم
١٠٪ من مرتبك لانك مهمله في شغلك
فتون وضړبت برجليها في الارض بضيق كمان انا لازم اعرف عمو مصطفى بالحوار دا
عمر وهو يقعد ببرود اتفضلي المكتب بتاعه ميتوهش
فتون بصتله بضيق وخرجت
ورزعت الباب وراها
عمر ابتسم بخفه وقال مجنونه
دخل حسام بتعجب
حسام مالها فتون طالعه عامله كدا ليه
عمر وابتسم بخفه مفيش انت عارف الستات معدتهم تقيله على الشغل
حسام وقعد قدامه لا بجد طالعه متنرفزه وبتربطم وبكلمها مردتش عليا
عمر سيبك حوار في الشغل ..المهم جاي متاخر ليه سألت عليك من ساعه مكنتش موجود
حسام كنت عند مازن عشان حوار الرجوع دا
عمر بانتباه وايه الاخبار
حسام هيرجعوا يوم الجمعه
عمر بفرح طيب كويس اووي ان خالتو جيهان وافقت
حسام مش اووي يعني بس ان شاء الله الامور واحده واحده هتنظبط
حسام ياارب
_
اخر النهار مازن روح
كالعاده جنا وزهره قاعدين مع بعض
اتعشوا وجنا نامت
مازن كلم زهره في الموضوع
زهره مكنتش مصدقه معقول عادي كدا هي عارفه ان طول الفتره اللي فاتت كانت فيه حورات بس متوقعتش تخلص بالسرعه دي ودا اكدلها اكتر ان اهله بيحبوه اووي زي ماكان بيقول
جيه يوم الخميس
مازن وزهره كانوا نايمين عل. السرير
زهره مكانش جيلها نقوم وكانت قلقانه مش عارفه هتقابلهم ازاي
مازن بطلي حركه بقا ونامي
زهره وقامت قعدت هو احنا هنروح بكره خلاص
مازن وبصلها اكيد اومال انتي من الصبح بتحضري في الشنط ليه
زهره مازن انا خاېفه
مازن مټخافيش الموضوع هيبقا بسيط
تنهدت بزهق ماشي وجنا عارفين انها جايه
مازن طبعا عارفين كل حاجه
مازن وقام قعد وخدها في حضنه مش عايزك تقلقي من حاجه وانا جمبك بس خودي بالك انا رايحين في مكان هيبقا معانا ناس فيه هنا كنا براحتنا ..هناك مش عايز حد يسمع بنا في حاجه ومش عايز حد يعرف اللي بينا متصالحين متخاصمين مټخانقين ايان كان ايه حالنا محدش يعرف حاجه
زهره حاضر متقلقش
مازن انا بقولك عشان دا ميعملش مشكله بينا وعشان مش عايز اسمح لحد يدخل بينا
زهره ماشي تمام حاضر
مازن يلا بقا ننام
زهره ماشي يلا
تاني يوم
بعد الساعه ٢
مازن اخد زهره وجنا وراحوا على الفيلا
مازن وقف بالعربيه قصاد الفيلا وضړب كلاكس
جنا احنا هنا ليه يابابا
مازن دا بيتي ياجوجو
جنا الله شكله كبير اووي
مازن وهيعجبك من جووو اكتر
البواب فتح
مازن نزل من العربيه وزهره وكمان جنا
البواب وقرب من مازن حمدلله عل السلامه يامازن بيه
مازن الله يسلمك ياعبده نزل الشنط من العربيه وهلى الشغالين يطلعوها اوضتي
عبده امرك يا بيه
مازن اخد زهره وجنا ودخل
الفصل الثامن عشر
مازن اخد زهره وجنا ودخل على الفيلا
كان مصطفى وحسام ومريم في استقبالهم
الكل اندهش من شكل زهره الكل كان متوقع انها اكبر من كدا شكلها صغير مستحيل تكون عندها بنوته
قطع النظرات دي
حسام اللي طبعا مش اكيد هيتأمل في مرات اخوه
حسام بابتسامهحمدلله على السلامه
مازن الله يسلمك
مازن ولاحظ ان جيهان مش موجوده
مازن ودخل وسلم على مصطفي وقبل ايده ودماغه
مصطفى حمدلله على السلامه يابني
مازن الله يسلمك يابابا
مازن ازيك يامريم
مريم الله يسلمك ازيك يامازن حمدلله على السلامه
مازن الله يسلمك
مازن وشد ايد زهره اللي كانت واقفه وراه ومحرجه وشها احمر من الإحراج
مازن وحط ايده على كتفها دي زهره مراتي
مازن وكمل دا بشمهندس مصطفى والدي
زهره بابتسامه خفيفهاهلا بحضرتك ياعمو
مصطفى اهلا بيكي يابنتي نورتي
زهره وابتسمت بخفه شكرا
مازن دا بشمهندس حسام اخويا الكبير
حسام اهلا بيكي نورتي
زهره

اهلا بحضرتك
مازن دي بقا مريم ومرات اخويا وبنت خالتي في نفس الوقت
مريم وقربت من زهره وسلمت عليها
مريم اهلا بيكي نورتنا والله
زهره بابتسامه تسلمي ياحبيبتي
مازن وشال جنا اللي كانت واقفه جمب زهره دي بقا جنا بنت قلبي .....بوصي بقا ياجوجو دا جدو مصطفى ودا انكل حسام ودي طنط مريم ماشي
جنا بابتسامه ماشي يابابا
كلهم بص لبعضهم بدهشه من كلمة جنا
مازن ولاحظ دا بس كمل عادي يلا ياجوجو سلمي على الكل بقا
جنا وسلمت على الكل
مصطفى بمرح وهو ېلمس على شعر جنا نورتي ياجوجو
جنا بابتسامه شكرا ياجدو
مصطفى ولاحظ ان جنا نسخه مصغره من زهره نفس لون العيون البندقيه حتى نفس لون درجة بياض البشره
قعدوا كلهم مع بعض واتكلموا في مواضيع مختلفه
بعد كدا مازن اخد زهره وجنا
وطلعوا على فوق يبدلوا ملابسهم عشان الغداء
مازن وزهره كان ليهم غرفه لوحدهم وجنا كانت ليها غرفه لوحدها
دا قلق زهره في الاول لكن مازن طمنها
دخلوا الاوضه وبداء يبدلو ملابسهم
مازن خرج قبل زهره
وقرر انه يروح لجيهان ويتكلم معها هو عارف انها زعلانه
راح وخبط على اوضتها
جيهان ادخل
مازن ودخل رأسه من الباب متاكده
جيهان وقفت مكنتش متوقعه انه يجيلها
جيهان مردتش
مازن ودخل انا عارف انك زعلانه وحقك بس بكره الايام تثبتلك ان قراري مش وحش
جيهان انت حر بس ياريت متندمش بعد كدا
مازن تمام..
مازن وقرب منها وقبل رأسها وحشتني ياجيجي
جيهان ودموعها نزلتكذاب لو وحشتك فعلا مكنتش غبت كل دا ومتسألش عني ولاعلى باباك
مازن انتي عارفه اني مش بكذب ياجيجي
جيهان وكانت واحشها كلمة جيجي منهعموما ملوش لازمه الكلام اهم انك رجعت جمبنا وخلاص وعلى فكره انا وافقت انها تيجي هنا عشان خطرك انت بس...
مازن وفهم هي تقصد ايه
وعارف انها مش متقبله وجود زهره وجنا
مازن وجيهان خرجوا من غرفة جيهان
كانت زهره هي كمان خرجت بعد ما غيرت لبسها
خرجت كانت لابسه إسدال بيتي واسع
جيهان كانت خارجه هي ومازن
زهره شافتهم
وقفت بحرج
جيهان اما شافتها وشها اتغير
بصتلها من فوق لتحت بضيق
زهره حست بالتوتر
مازن قطع واصلة النظرات دي
وراح عند زهره وماسكها من ايدها ووقف قدام
جيهان
مازن اعرفك ياجيجي دي زهره مراتي....ماما يازهره
زهره اهلا بحضرتك
جيهان ببرود اهلا ..يلا ننزل عشان الغداء
واتحركت من مكانها
زهره بصت لمازن نظره فهمها
مازن معلش شويه كدا خليها عندك المره دي
زهره تمام ثواني هجيب جنا
زهره جابت جنا ونزلوا
قعدوا على السفره
زهره كانت مضايقه بس بتحاول تبان طبيعيه وميبانش على وشها ودا بردوه عشان خاطر مازن
الكل كان بيتكلم ماعدا هي بتاكل بصمت وبتاكل بنتها
جنا خلصت اكل قامت بسرعه وقفت
جنا بمرح طفوليبابا انا هطلع العب في الجنينه شويه
جيهان وانتدهشت من الكلمه والضيق ظهر على وشها
جيهان ينفع اللي بتعمليه دا مينفعش متقوميش من على الاكل طالما كلنا لسه بناكل او تستاذني اتعلمي الذوق وبعدين وطي صوتك شويه واتكلمي براحه
جنا مسكت في زهره پخوف
حسام ومريم بصوا لبعض بتعجب من طريقة جيهان
مصطفى بضيق جيهان في ايه دي طفله
مازن كان بيسمع بهدوء خارجي
مازن روحي ياحبيبتي العبي
جنا حركت دماغها بالرفض وهي ماسكه في زهره
جيهان وقامت من على الاكل ووجهت كلامها لمازن عايزاك جوو تعالى
مازن وقام وراه بضيق
زهره وقامت واقفت معلش انا اسفه انا شبعت انا هطلع فوق
مصطفى ماشي يابنتي اطلعي
زهره اخدت جنا وطلعت
في غرفه استقبال في الفيلا
جيهان ومازن كانوا بيتكلموا
جيهان في ايه إن شاء الله ايه حكاية بابا دي انت ابوها منين
مازن عادي ياماما يعني فيها ايه البنت نفسها تقولي كدا ايه المشكله
جيهان لا تقولك انكل عمو اي حاجه بابا دي لا. .
مازن ماما لو سمحتي البنت مشافتش باباها اصلا مېت ومامتها حامل٤شهور فيها وطلبت مني دا ومستحيل ارفضلها حاجه زي دي ..ثم ان مش ضارني في شئ ايه المشكله
جيهان انت اصلا مديهم حجم في حياتك كبير وبعدين هي دي اللي عجتك انت كتير عليها اووي
مازن خلاص بقا ياماما قفلي على الحوار دا هي مراتي وانا بحبها وبكره الايام تثبتلك انها تستحقني وبعدين بصراحه انتي زودتيها اوي مع البنت ايه المشكله فرحانه بالمكان الجديد
جيهان انت اللي نسيت الاصول والصح والغلط اللي انت اتربيت عليه
مازن ماشي انا معاكي ان دا الصح بس البنت مطيعه جدا وبتفهم الصح بسرعه لو كنتي نصحيتها بطريقه اهدا من كده شويه او قولتلي وانا عرفتها افضل ..
_
زهره واخدت جنا وقعدت في اوضتها
زهره ونزلت الدموع من عيونها هي حست من اول لحظه انها مش قابله وجودها من وقت من دخلت الفيلا ومكنتش موجوده في استقبالهم
جنا انتي بټعيطي ياماما
زهره ومسحت دموعها لا ياحبيبتي دي عيني واجعني تعالي في حضڼي ياقلبي
جنا ببراءهوهي تيته جيهان مش بتحبني
زهره لا ياقلبي دي بتحبك جدا بس هي بتقولك عشان تعرفي الصح
جنا بس انتي مكنتيش بتقوليلي حاجه لما كنا في شقتنا
واقوم من على السفره
زهره بوصي ياجوجو هنا غير هناك هنا حاجات مختلفه عن هناك اي حد كبير يقولك على حاجه قولي حاضر
جنا ماشي
مازن دخل
متكلمش ودخل الى الحمام على طول
زهره ممكن تروحي اوضتك ياجوجو
جناحاضر ياماما
مازن خرج من الحمام بعد ما اخد شاور
لاقى زهره
واقفه في نص الغرفه
مازن
باستغراب واقفه كدا ليه
زهره عايزه اتكلم معاك
مازن جنا فين
زهره في اوضتها
مازن تمام عايزه تتكلمي في ايه
زهره بتردد مازن انا حاسه ان وجودي انا وبنتي مش مقبول
مازن من قال كدا
زهره محدش قال بس واضح من تصرفات مامتك
مازن متكبريش الموضوع لو على اللي حصل تحت فهي كانت بتعرف البنت الصح من الغلط
زهره بضيقمش بالطريقه دي
مازن زهره حاولي متاخديش المواضيع بحساسيه
نتكمل بصراحه اكتر لو جنا دي بنتي من دمي وكانت جدتها بتعلمها كدا كنتي هتزعلي
زهره بصتله بصمت وسكتت
مازن وكمل صدقني امي مفيش اطيب واحن منها بس شويه كدا
مازن وقرب منها
مازن سيبك بقا من الحورات دي انتي واحشتني على فكره
مازن قرب منها وحضنها
زهره وكانت دماغها مش فيها وبتفكر ايه اللي هيحصل الايام الجايه معها
في غرفة مصطفي وجيهان
جيهان انا مغلطش يامصطفى انت عارف اني طول عمري بربي ولادي كدا
مصطفى عارف بس يكون براحه شويه وكمان كان في طريقه تانيه كان ممكن تعرفي ابنك وهو يعرفها بطريقته
جيهان بصتله وسكتت
مصطفى كمان براحه شويه على البنت يتيمه
جيهان هو انا جيت جمبها وبعدين ماهي بتقوله يابابا
مصطفى اممم انا عارف ان دا هو اللي ضايقك بس عادي على فكره البنت صغيره ومتعرفش حاجه جبر خواطر ياستي
جيهان المشكله اني مش قادره اتقبل فكرة الجوازه دي نهائي
مصطفى سبيها على الله دا نصيب
...
_
تاني يوم الصبح
مازن صحي واخد شاور
خرج من الحمام
كانت زهره صحيت
كانت بتخرجله لبس من الدولاب يلبسه
مازن وحضنها من الخلف صباح الفل
زهره بابتسامه صباح الورد
مازن ووضع قبله على خدهافي حد بيبقا قايم من النوم قمر كدا
زهره