حكاية ليلي

شان
طيب طيب خلاص هنمشي دلوقتى
ليلي
كل ما افتكر أننا لسه هنسافر يلهوي يا زين بشيل الهم اكتر
زين
لو حابه تغيري الفستان قبل ما نمشي وتلبسي حاجه مريحه عادي
ليلي
لا لا هدخل شقتي بفستاني
ناد زين علي محمود وقاله يعني يخلص الليله علشان ليلي تعبانه
قمر بجانب ليلي
فيكي حاجه
ليلي
اه مصدعه شوية دماغي تقلت بقولك هاتيلي اي عصير لحد ما يخلصوا الفرح ده
قمر
عيوني
خلصوا الفرح اخيرا وركبت ليلي وزين العربيه وكان في الإمام يقود محمود وبجانبه قمر بعدما قاموا بكتب الكتاب هما الآخرين في الفرخ
والعربيه الاخري حسين وبجانبه هلال
وليلي وناهد ورا
ليلي
بسم الله الرحمن الرحيم كده هاتولي اكل
زين
الله يفضحك في اكل في شنطه العربيه بعت جبته علشان عارف الي هيحصل وقف يا محمود علي جنب لحظه هنزل اجيبه
ركن محمود السيارة ونزل زين
عدي بجانبه هلال فركن امامه هو الاخر نزل هلال من سيارته بقلق
في حاجه ولا ايه وقفتوا ليه
زين
ابدا ياسيدي الست ليلي جعانه بجبلها الاكل الي في الشنطه
هلال بضحك يحدث ليلي
ولو مكفاش رنيلي بس اجبلك تاني
ليلي
والله انت اجدع اب ربنا يخليك ليا
زين
طيب مش يلا علشان نتحرك ونوصل قبل ما الشمس تطلع علينا
هلال
يلا خلي بالك من سواقتك يا محمود
محمود
متقلقش يعمي حاضر
تحركت السيارة
وكانت ليلي بتاكل بنهب
ليلي
زين عندك عصير
زين
اه خدي
ليلي
افتحهولي وشربني مش هعرف امسك من الفستان والساندوتش
وبعدين عربيتك دي ضيقه ليه كده خنقتوني
زين
والله العربيه برضو الي ضيقه دنتي قاعده انتي والفستان عليا شوية كده هلزق استيكر في الباب
خلصت ليلي اكل اخيرا ومسحت ايدها وبوقها
ليلي
اطفي بقا يا محمود نور العربيه ده واقفلي الاغاني دي وعلي التكيف
ومش عايزاه اسمع صوت انا هنام
زين
اي أوامر تاني
ليلي
لا كتر خيرك والله شيل الفستان شوية بس كده عليك علشان انام مرتاحه
زين
عنيا طبعا وماله
لم بكمل باقى كلامه وكانت
ليلي مستغرقه بالنوم ظلت قمر تصورها هكذا هي وزين
بعد عدت ساعات كانوا قد وصلوا اخيرا
صعدت ليلي الشبه بمساعدة زين وقمر وناهد
ثم نزلوا مره آخري
زين وهو يغلق الباب
يلهوي اخيرا قفلت علينا باب واحد
ليلي
والله يا زين الوصل ليك طلع أصعب من سلم النجاح دنا اتفرمت
زين بضحكه رجوليه
انتي لسه شوفتي حاجه
ليلي
اهو وماله ياخويا تعالي بس فك العشرين الف دوبس دول علشان الطرحه خنقتني وانا عايزاه انام
زين
بس كده انت تؤمر
ساعدها زين بفك الطرحه وكان كل لحظه يطبع قبله علي وجهها سريعا
ليلي
مكفايه بقا يا زين فك بسرعه
زين
قنبلة رومانسيه
ليلي وهي تشد الطرحه بنفاذ صبر
يااااه اخيرا خنقتني
وسع بقا علشان ادخل اغير الفستان
زين
ده بقا هتعرفي تغيريه لوحدك
ليلي
اه هعرف متشلش انت هم ودخلت سريعا غرفه الدريسينج واغلقت الباب
بعد نص ساعه
زين
انتي مۏتي جوا ولا ايه
ليلي
بص ادخل ساعدني بس بأدب علشان انا الفستان خلص عليا
زين بخبث
بس كده دنا عنيا ليكي
ساعدها زين واخيرا تحررت منه
ليلي
يلا بقا هوينا هكمل انا لوحدي
زين
والله بجد
ليلي
ايوه والله بجد
خرج زين برخامه
وابدلت ليلي ملابسها انا بيجامة ستان اوف وايت التي اشترها هي وزين وخرجت تدلك شعرها بيداها حتي خف الألم الموجود براسها
زين
ده ايه ده ان شاء الله
ليلي
انا عارفه ان مش ده لبس النهارده بس انا هلكانه عارف يعني ايه هلكانه ويدوبك اصلي وانام
زين
لسه مصدعه
ليلي
اوي حاسه دماغي هتتفرتك بس يلا نصلي هروح اتوضي
زين
ماشي
اتوضوا هما الاتنين وكان زين امامها في الصلاة قشعر صوت زين بدنها فكان يقرأ بخشوع لم تعتاد عليه بعد الصلاة لف زين اليها ووضع قبله اعلي جبينها ويده علي راسها وردد الدعاء
زين
الحمد
لله
يا ليلي انك قدامي دلوقتى الحمد لله وربنا يقدرني واعوضك عن كل لحظه صعبه ومتعبه عشتيها بسبيي
ليلي
انا مش السبب ابدا كفايه عندي انك جنبي في الاخر والله ياريت كل الطرق الصعبه نهايتها انت يا زين
زين
يلهوي بتتكلمي وانت عاقله مره يلهوي مش مصدق
ليلي
وسع بقا عايزاه انام
زين
ياستي نامي ياست نامي
خلعت ليلي اسدالها وذهبت الي السرير سريعا وظلت تدلك شعرها بعض الشئ
زين وهو فارد اليها ذراعيه
تعالي
ليلي
انا بجد تعبانه
زين
والله مش هعمل حاجه هخليكي تنامي بس
اقترب منه ليلي ووضعت راسها علي صدره بسکينه ولف زين يده علي جسدها حتي تسترخي وتنام
شعر بانتظام نفسها فعلم انها نامت اخيرا
فسند راسه علي راسها ونام هو الاخر بكل سکينه اخيرا
باليوم التالي استيقظت ليلي في البداية
وبدأت تتأمل ملامح زين بكل حب
زين بنصف عين
شايفك علي فكره
ليلي
صباح الخير
زين
ده احلي صباح الخير في الدنيا والله يارب باقى حياتي كلها صباحي يبقا كده
ليلي
اقولك سر
زين
قوليلي سر
ليلي
انا جعانه
زين
تعالي في اكل في التلاجه كتير تعالي نسخن اي حاجه يلا
نهضت ليلي سريعا معه
وظلوا وقت بالمطبخ
ليلي
واابطه دي بقا هنسخنها ازاي وهي علي بعضها كده
زين
انت متعرفيش
ليلي
ولا عندي خلفيه والله
زين
ولا انا بجد يمكن هنحط عليها ميه
ليلي
ميه وهي متحمره احنا هنسلقها تاني كده
وهي مش هدخل الميكرويف بحجمها ده
زين
نحطها في صنيه ونحطها علي البوتجاز
ليلي
اعتقد وقتها هتتحرق وانا هزعل بص انا هرن علي ماما خلاص انتهي حلو الارض
امسكت هاتفها
ليلي
صباح الخير ياست ماما
ناهد
صباحيه مبارك ياست عروسه
ليلي
صباحيه اه طب بقولك ايه يا ماما البطه الي رابطينها دي نسخنها ازاي وهي مربوطه كده
ناهد بضحك
فيكيها هي
هتطير اقطعي منها الجزء الي هتاكلوا وحطيها في طبق وحيطها في الميكرويف يلهوي علي خلفتي الهباب
ليلي
ايه الذكاء ده يماما ازاي مخطرتش علي بالنا
زين
قالتلك ايه
ليلي
قالتلي ينفكها يعني نقطع نصها مثلا لو هناكل ونحط الباقى في التلاجه ونسخنها في الميكرويف عادي كده هتدخل احنا اغبيه اوي يا زين
زين
دي حقيقه شكرا والله يحماتي خدي علي الاسئله المتخلفه دي علطول بقا
ناهد
براحتكم يحبيبي افطروا براحتكم وعلي المغرب كده ولاد عمك وعمتك عايزين يطلعوا يرخموا عليكم
زين
قاااالك يطلعوا عادي مش هتفرق
ليلي وهي بتنغظ زين بالسکينه
زين
يخربيتك ھټموټني
ليلي
علشان تسكت
ناهد
باااس خلاص روحوا شوفوا الي بتعملوا سلام
ليلي
مش لازم نحكي لماما ولا لحد
زين
هو انا قولت حاجه ياستي
ليلي
كنت هتقول
زين
ابدا والله وريني بقا البطه دي هتتفك ازاي
حواديتمنالواقع
كفايه كده علشان تعبانه النهارده حقكم عليا
بارت 12
متجمعين كلهم في شقة زين وليلي
ليلي كانت بتقدم ليهم عصير
هلا
عيشت وشوفتك فاتحه بيت يا ليلي يحبيتي
زين كان بيشرب العصير وشرق بسبب الضحك
ناهد
سلامتك سلامتك فاتحه بيت اه
ليلي
والله يا بابا مفيش حد بيدعمني غيرك معرفش انا اتجوزت زين ده علي ايه مش واثق في قدراتي خالص
ليلي بټضرب زين علي ضهر سلامتك يا حبيبي تشرب ميه
ناهد
متقوليش لهلال رنتيوا عليا ليه الصبح
ليلي
ابدا والله مكناش عارفين نسخن البطه وهما مكتفينها
هلال
مااا ايييه
ليلي عمتها
هما الاتنين اعيل من بعض والله سبحان من جمعهم
محمود
وعمتوا ايه في البطه في الاخر
ليلي
طلع ممكن نقطعها بالسکينه ونسخنها عادي بس انا وانا لسه صاحيه مش بكون عارفه افكر
وزين التاني طلع بطيخه
زين
والله بطيخه
حسين
الله يعينك والله يابني او وقت تحتار او تحتاس انزل تحت هتلاقي حماتك مطبخها دايما مفتوح
ليلي
ايه ده يعني هو هينزل لوحده محڼا كل يوم هننزل نتغدا تحت انتوا فاكريني هعرف اعمل حاجه
زين
هي شكلها سنين بيضا بعون الله
ظلوا جميعا يتسامرون بالحديث الممتع ثم سافر هلال ومحمود وقمر وليلي اخته الي البلد وبقى ناهد وحسين بشقتهم وليلي وزين بشقتهم
في شقة زين
زين
ليلي بقالك عشرين ساعه جوا بتعملي ايه
ليلي
كنت بعمل ايس كوفي بس نسيت المعلقه جوا الخلاط وحصل الي انت شايفه ده
زين
يلهوي علي سنين يانا انتي كنتي بتحاربي في المطبخ ياستي كنت نزلت اشتريته جاهز اسهل وارحم وأقل خساير
ليلي
والله شكرا يا أصيل يابن الاصلاه
علي العموم يعني هو فشل اصلا فشوف بتعرف تعمل