خطيئة اخي بقلم ياسمين

وشكلها متغير سرحان فيها وقد ايه هي اتغيرت شكلها بقي مغري اكتر بس نفض الافكار عن دماغه
ليندا نعم يا باسل
باسل سؤال انا لو مكنتش شوفتك انهارده بالصدفه كنتي هتفضلي مخبيه ان عندي بنت
باسل انتي بتقولي ايه حتي لو مكنتش في وعي بس انتي مراتي واللي فوق دي بنتي من حقي اكون موجود في حياتها انا عايش وحيد مفيش ام وله اب حتي الاخ خلاص معنديش حد في الدنيا انا عايز بنتي يا ليندا
ليندا انا معنديش حد في الدنيا اللي هيا ومقدرش استغني عنها عايز تاخدها مني
وفاء ادخلت الحوار مش كده يا جماعه انت ابوها يا باسل ومحدش هنكر ده وليندا كمان امها انتم اتظلمتو ابدا مع بعض صفحه جديده وانسو اللي فات عشان بنتكم قبل ما يكون عشانكم
باسل صعب الواحد ينسي.
ليندا بصتله بغيظ فعلا صعب
وفاء صعب بس مش مستحيل لازم تدو لنفسكم فرصه و تبدوأ من اول وجديد
باسل وليندا ساكتين وبيفكرو
وفاء اتفضل فوق يا باسل ارتاح انا عايشه لوحدي هنا
باسل مش هينفع انا هرجع لبيتي ولو هي تحب ترجع معايا انا مش همنعها بس انا مش هسيب بنتي تبعد عني
ليندا هتتكلم بس وفاء بصتلها تسكت
وفاء عشان خطړي يا باسل انا ست كبيره ووحيده زي ما انت شايف انا لو مت محدش هيحس بيا ولادي هاجرو وعايشين بره ومحدش بيسال عليا خليكم معايا
ليندا ماما متقوليش كده انا معاكي علي طول
باسل انا مش هسيبك كفايه اللي عملتيه مع بنتي
وبص لليندا بتحدي اكنها مش مهمه عنده.
وفاء ربنا يخليكم ليا

اطلع يا باسل انهارده ارتاح فوق وبكره نتكلم عشان خطړي
باسل اضطر انه يسمع كلامها لانه شايف الحزن في عنيها وفاء قالت لليندا تطلعه علي اوضه ينام فيها
ليندا خدته علي اوضه اتفضل
باسل هي لينا فين
ليندا في اوضتي عايز تشوفها
باسل اه طبعا
ليندا خدت باسل علي اوضتها باسل قرب من سرير لينا كانت صاحيه وبتحرك ايدها ورجلها وبتعمل اصوت ببوقها باسل ابتسم ليها بحب وقلبه بيدق جامد شالها وضمھا ليه
باسل بهمس وفرحه لينا انا بابي تعرفي انك قمر انا عمري ما هبعد عنك تاني عشان انتي بنوتي الحلوه
باسل شايلهفي كل مكان في وشها وايدها ليندا سرحانه في باسل كان وحشها حنيته مكنتش متخيله انه هيتقبل لينا ويحبها كده بصلهم وهي مبتسمه
باسل بصلها متفتكريش اني هسامحك
ليندا ردت عليه بغيظ ومين قالك اني منتظره منك تسامحني انت مش في دماغي اصلا
باسل بابتسامه حزن عارف اني مش في دماغك واضح جدا.
ليندا انت ليه مش حاسس بيا انا افتكرت انك خونتني ومستحملتيش ۏجع جديد
باسل كان مفروض تسمعي الاول قبل ما تحكمي عليا
ليندا بدموع مقدرتش يا باسل
باسل بصلها مش مهم خلاص
باسل قعد علي الكنبه وبيكلم لينا حبيبه قلبي تنامي معايا
ليندا مش هينفع تنام معاك كل ساعتين محتاجه رضعه
باسل بتتعمل ازاي وانا هتعامل معاها
ليندا مش هتعرف خليها هنا انت مش هتعرف تنام من دوشتها
باسل ملكيش دعوه
ليندا بعصبيه دي بنتي علي فكره
باسل پغضب وبنتي انا كمان ع فكره
لينا خاڤت من صوتهم العالي وعيطت
باسل عجبك كده وفضل يطبطب علي بنته ويحضنها لحد اما هديت
ليندا قاعدت علي السرير تعبانه وعايزه تنام بس باسل شايل بنته وبيلعبها شويه ونامت وهي قاعده علي السرير باسل شافها نامت راح دخل بنته في سريرها وراح لليندا وغطاها وفضل شويه يتاملها وطبع علي جبينها ورجع شال لينا وراح علي الاوضه اللي هينام فيها فضل يلعب معاها لحد اما نامت علي صدره وهو كمان نام وهو ليندا قامت بعد ساعتين تعمل الرضعه لبنتها راحت علي سريرها ملقتهاش جريت علي الغرفه اللي فيها باسل وهي مړعوبه يكون خدها زي ما قال ومشي دخلت الاوضه وشافت باسل وهو حاضن لينا وهي نايمه علي صدره اتنهدت وقفت قدمهم شويه وبعدين راحت تشالها من عليه باسل صحي وهي وشها قريب ليه وبتشيل بنتها من علي صدره بصلها اوي في عيونها نظره عتاب
ليندا سيب لينا
باسل خليها معايا
ليندا ابتسمت هاكلها والاول وبعدين خدها تاني
باسل طيب اكليها وانا معاها
ليندا مش هتنام يعني
باسل لا هفضل جنبها
ليندا متصورتش انك هتحبها كده
باسل انا اول اما شفتها وقعت في حبها
ليندا اتنهدت خفت لتقول انها مش بنتك
باسل انتي
مجنونه ازاي يعني مش بنتي وبعدين انتي بتحكمي عليا من قبل ما تعرفي رأي ليه
ليندا باسل انت وبعد اما رجعنا من السفر كانت تصرفاتك بدل انك مش فاكر حاجه من اللي حصل ما بينا
ليندا ضحكت قولتلي انا ضايقتك وهو ده سؤال بيدل انك فاكر اللي حصل
باسل كنتي عايزاني اقولك ايه وله اسالك ازاي
ليندا وشها احمر واتكسفت وشالت لينا وراحت علي غرفتها وهو راح وراها
ليندا بتشرب لينا اللبن وباسل قعد جنبها ومبتسم
ليندا الحمد لله هنا يا قلب مامي
باسل كده خلاص شبعت صح
ليندا اه الحمد لله.
باسل هاتيها بقي وانتي نامي
ليندا وانت
باسل مش جايلي نوم انا عايز اشبع منها.
ليندا هتزهق منها ومن زنها
باسل بالعكس دي ربنا بعتهالي هدايه في وقت انا محتاجها فيه
ليندا شبهه مين فينا
باسل باصص للينا شويه وبص لليندا شبهي طبعا
ليندا يا سلام دي شبهي انا علي فكره انا بس كنت عايزه اعرف هتقول الحقيقه وله لا
باسل وانا عمري ماكدبت عليكي
ليندا عارفه يا باسل ده كان سؤ تفاهم وهما قدرو يوقعو ما بينا
باسل انتي اللي اديتلهم الفرصه قولتيلي انك مش هتبعدي عني وبعدتي عملتي اكتر حاجه بكره في حياتي
وقام من جنبها وشال لينا ورجع علي غرفته وليندا عيطت جامد وحاسه ان علاقتهم عمرها ما هتتصلح طول الليل باسل شايل لينا طلع نهار جديد وباسل اصر انه يرجع شقته مع بنته
وفاء يا بني خليك معايا انا قاعده لوحدي هنا
باسل مش هرتاح غير في بيتي طيب ماتيجي انتي تقعدي معانا وانا هشيلك في عيني والله
وفاء ربنا يخليك ياحبيبي مش هينفع يابني
ليندا ماما انا عمري ما هبعد عنك اما باسل ينزل الشغل بيسافر كتير بره البيت ممكن اجي هنا اقعد معاكي او انتي تيجي تقعدي معانا
وفاء ماشي يا ليندا مش عايزه اتقل عليكم بس خلي بالكم من بعض وبلاش تتخانقو مع بعض عشان لينا
باسل متقلقيش
ليندا مع سلامه يا ماما
وفاء اول اما توصلو بيتكم اتصلو طمنوني
ليندا حاضر
باسل مع السلامه
ودعتهم وفاء بدموع ليندا خدت شنطتها ورجعت معاه علي الشقه ډخله وبتتفرج علي الشقه كل حاجه في مكانها متغيرتش وحنين ودفا للمكان حست بيه ليندا بتبص في الشقه وبتبتسم
باسل متقوليش ان الشقه وحشتك
ليندا هي فعلا وحشتني
باسل ضحك باستهزاء مش مصدق
ليندا براحتك مش محتاجه ابررلك
باسل وانا مش عايز اسمع حاجه
وخد لينا ودخل علي غرفته وليندا دخلت علي اوضتها وشافت هدومها في الدولاب وكل حاجتها موجوده بس كان في برفانات باسل وحجته فهمت انه كان بينام هنا مسكت ازازه البرفان وشمتها وهي مبتسمه
ليندا واقفه بتكلم نفسها اتغيرت اوي يا باسل بتعملني بطريقه مش متعوده منك عليها بس لازم يفهم ان ڠصب عني اني بعدت كنت مچروحه اوي منه عارفه انه اتظلم بس انا كمان اتظلمت زيه بس لا انا مش هستسلم انا بحبه وهو كمان بيحبني انا واثقه في كده لهفته عليا اما شافني هحاول معاك يا باسل عشان خاطر لينا بنتنا كمان يارب خليك معايا وقف جنبي
اما باسل فهو في دنيا تانيه مع لينا خدها علي غرفته ونايمها معاه علي السرير وطول الوقت بيلعب معاها وحاسس ان ربنا عوضه دخلت ليندا عليهم وواقفه وهي مبتسمه
باسل انتبه ليها بصلها وكشر عايزه حاجه
ليندا انت هتفضل طول الوقت كده شايلها هتتعود علي كده يا باسل
باسل وانتي مالك متتعود
ليندا اضايقت من طريقه معملته ليها هو مكنش بيكلمها كده ده كان احن واحد عليها
ليندا بهدوء بس هي كده هتتعود علي الشيل
باسل تتعود براحتها انا بعوضها عن الفتره اللي اتحرمت منها او بمعني تاني الفتره اللي انتي حرمتيني منها
ليندا بنرفزه واما حضرتك تنزل الشغل
باسل قطعها وانتي لزمتك ايه هنا واتفضلي اخرجي وسبيني مش عايز اتعصب واعلي صوتي عشان متخفش وټعيط
ليندا بصتله پغضب ماشي يا باسل
وخرجت من الاوضه وهي حاسه انها بتتعامل مع انسان جديد ومعندهاش فكره هتتعامل معاه ازاي اتغدو مع بعض وطول الوقت باسل متجهلها ومش بيتعمل معاها اتصل بالشركه وخد اجازه من الشغل عشان لينا باسل اتصل بعفاف وصلاح وقالهم ان ليندا في البيت وزاروها وكانو فرحانين برجوعها ولينا
صلاح حمد لله علي السلامه يا ليندا قلقتينا عليكي
ليندا الله يسلمك يا عمو انت عامل اي
صلاح بخير يا بنتي الحمد لله اطمنت عليكي
عفاف شايله لبنا وبتلعبها ليه كده يا ليندا تحرمينا

منك طيب حتي كنتي قولتنا انتي فين كنا وقفنا جنبك وانتي بتولدي
ليندا الحمد لله ربنا بعتلي ماما وفاء انسانه جميله وطيبه اوي هي اهتمت بيا وانا حامل واما ولدت
صلاح مكنش ليه لازمه انك تبعدي كل ده
ليندا كنت مخنوقه ومضايقه وحاسه ان قلبي واجعني
عفاف سلامه قلبك يا ليندا بس ايه البنوته العسل دي واخده منك ومن باسل
ليندا اه فعلا
بس شبهي انا اكتر
قضو اليوم معاها وباسل كان معاهم وبعدين رجعو بيتهم
ايمان كمان عرفت انها رجعت وراحت تشوفها وهي فرحانه
ليندا ايه ده يا ايمان انتي حامل
ايمان هو انتي كنتي بتسالي غير كل فين وفين انا اتجوزت وحامل في الرابع
ليندا انا اسفه يا ايمي سامحيني كنت مچروحه من كل حاجه
ايمان ليندا انتي اكتر من صحبيتي باسل اتعذب اوي واتغير في بعدك علي طول حزين ومش بيضحك
ليندا طيب وانا ما انا اتعذبت اخوه ضيعني
ايمان طيب وباسل ذنبه ايه علي طول واقف في ضهرك ومعاكي هو كمان اتظلم
ليندا عارفه وقلبي وجعني عليه بس هو مش مديني فرصه متجنبني ومش بيكلمني طول الوقت يا اما بينزل او مع لينا
ايمان لينا دي سكر ما شاء ربنا يحميها شبهك اوي بس واخده لون عين باسل العسلي
ليندا بس هي علي احلي
ايمان وليندا قضو اليوم كله مع بعض باسل رجع البيت بليل كانت ليندا منتظره
ليندا حمد لله علي السلامه
باسل الله يسلمك
ليندا احضرك العشا
باسل لا هي لينا نايمه
ليندا اه . وارجوك خليها تكمل نومها
باسل مسالش فيها دخل للينا وباسها وبعدين دخل علي اوضته وقفل الباب وراها
ليندا واقفه متغاظه منه اووف حتي الكلام بينطقه بالعافيه
باسل خرج من غرفته علي صوت عياط لينا مالها بټعيط كده ليه
ليندا بدموع مش عارفه بحاول معاها
باسل هاتيها طيب شالها وفضل يطبطب عليها ويروح ويجي بيها لحد اما هديت ونامت
باسل اهي نامت شوفتي وبعدين لو هي بټعيط انتي كمان تعملي كده صحيح طفله
ليندا لا انا مش طفله ومتضيقنيش بالكلمه دي
باسل هتفضلي علي طول طفله
ليندا وقفت قصاده لا انا مش طفله يا باسل بطل ترخم عليا
باسل بصلها وپغضب ألزمي