خېانة زوجي بقلم سولييه نصار

فجأة حسيته مسك دراعي وقال
ممكن بس تديني فرصة ...ابوس ايديكي يا هنا متضيعيش حياتنا ...
ضحكت وانا بقول
لما ابقي اخونك واطلب السماح هقول انها نزوة يا محترم ....
زقيته ومشيت ...مرضيتش اروح لأهلي عشان متكبرش المشكلة ...قررت اروح عند اختي حنان المتجوزة ...
........
وقفت قدام الباب وانا متوترة وماسكة دموعي بالعافية بس قررت اخبط...
فتحت اختي الباب وقالت بدهشة
هنا ايه...
قاطعتها وانا بقول
جوزك والولاد هنا !
هزت راسها بلأ ولسه هتتكلم وانا بعيط ...
حنان وهي مړعوپة ...مكنتش فاهمة ايه اللي بيحصل بالضبط ...بس سابتني ابكي وافضي حزني وقهري ...
......
بعد شوية بعد ما حكتلها كل حاجة بالتفصيل ...
يا مصېبتي وحامل منه كمان!
هزيت راسي وانا بعيط وقولت
جوايا ڼار يا حنان ....أنا مقصرتش معاه عشان يعمل كده ...ده حتي لما عرفت اني مش هخلف قولتله اتجوز ده حقك ومش هزعل وهقبل ان واحدة تشاركني فيك ...بس هو أرتكب يا حنان اختار يعصي ربنا ...أنا مقهورة عليا وعليه وعلي البنت الصغيرة دي اللي لو اهلها عرفوا هيقتلوها ...ده دمر مستقبلها خلاص ...قضي عليه ..مش عارفة أعمل ايه انا تعبانة ومحتارة ومقهورة ...
حنان قالت
طيب اهدي وارتاحي دلوقتي ...فكري في نفسك بس مش فيهم هو الاتنين ميتساهلوش تقلقي عليهم ...جوزك والتانية عرفت انه متجوز بدل ما تبعد وافقت تبقي علي علاقة معاه ...هو الاتنين من طينة واحدة ...
هزيت راسي وانا بقول
ممكن ابقي عندك النهاردة ...انتي قولتي جوزك. الاولاد راحوا لبيت جدهم وهيباتوا صح ..
هزت حنان راسها وقالت
اه يا روحي هيباتوا هناك يومين كمان ...اقعدي واهدي لحد ما تشوفي هتتصرفي ازاي ...
هزيت راسي وانا موافقة كلامها بس قولت
معلش يا حنان بلاش تقولي لأمي وابويا اللي حصل بالله عليكي ...لحد ما أنا أعرف هحل المشكلة ازاي ..
هزت حنان راسها وسكت وانا دماغي بتودي وبتجيب ...حطيت ايدي علي قلبي وانا بسأل نفسي ليه عمل كده !ده أنا بنفسي قولتله اتجوز عشان أنا مبخلفش ...عمري ما قصرت معاه ...ولا رفضتله طلب ...يبقي هو ده جزائي ...هو
غرق نفسه وغرق بنت صغيرة وابنه اللي لسه هيجي ...الله يسامحك يا انور لاني عمري ما هسامحك ...
.....
تاني يوم صحيت علي رنة تليفوني ...رديت علي التليفون من غير من اعرف مين اللي علي التليفون واتجمدت وانا بسمع صوت رانيا وهي بتقول
الحقيني يا مدام هنا ابوس ايديكي أنور بعد ما مشيتي امبارح قالي انه مش هيتحمل مسؤولية الطفل ده واداني فلوس عشان انزله...ابوس ايديكي ساعديني أنا خاېفة انزله تحصل حاجة واخواتي يعرفوا ...ساعديني أنا مليش بعد ربنا حد غيرك ...استري عليا ...
مقدرتش اتجاهلها رغم ان كنت متعصبة منها لانها غلطت في حقي زي انور ...هي البنت اللي جوزي خانني معاها...كان مفروض أقل حاجة اقفل السكة في وشها بس مقدرتش ...اتنهدت وقولت
تمام هلبس واتصل بيكي واقولك تقابليني فين.
.....
بعد شوية فتحت باب شقتي ولقيت انور قدامي كان نايم علي الكنبة وحاضن صورتي...كان شكله فعلا تعبان بس أنا مقدرتش اتوجع عشان لان الۏجع اللي في قلبي كان اقوي بكتير ...
انور
قولتها بصوت عالي عشان يقوم ...فتح هو عينه وصحي أول ما شافني اتنفض ومسك دراعي وقال
حبيبتي انتي هنا ...هنا بالله عليكي سامحيني أنا .
قاطعته وقولت
عايزني اسامحك!
هز رأسه وقال
ايوة طبعا ...ده أنا ھموت من امبارح عشانك..
ابتسمت وقولت
تمام عايزني اسامحك يبقي تتجوز رانيا!!!
يتبع
الجزء التالت بقلم سولييه نصار
انتي بتهزري صح!
قالها پصدمة فرديت ببرود
انت شايف اني بهزر يعني!رجوعي ليك بشرط تتجوز البنت دي !
انا اتجوز دي!!
زعق پعنف فرديت