رواية بقلم شروق محمد

عشان نعزيه وبعد شويه الظابط وافق وجاب حمدي المكتب اول مادخل
عمي اخر انسان كنت افكر انه يجي
ليه ياابني انت مهما كان ابني البقاء لله ياحبيبي
ماټ وهو زعلان منيادعيله احسن هو عمره مايزعل منك فعلاا ياحمدي باشا هو لاخر مكالمه بيوصيني عليك والي حصله كان عشانك وانا هعمل قصاري جهدي عشان تطلع من هنا لا يامتر انا خلاص ماعتش عاوز اطلع
ليه كدا ياابني معلش ياعمي وانا اسف علي كل الي حصل مني قبل كدا واتأسف لشهد كتير خليها تسامحني اذيتها يامه وكمان الشاب الي كان ھيموت بسبب غلي
ربنا يهديك ياابني ويسامحك
لو سمحت يامتر نعم الورث بتاع عمي رجعه ليه مع الفوايد والمكسب بتاعه وعمي يباشر الشغل ولو ليا نصيب وهخرج يكون ليا قرش وعمي اكتر واحد هياخد باله من مالنا حاضر ياحمدي
ليه كدا ياابني
حقك ياعمي وعشان يكون ابويا مرتاح ف تربته وابقي زورني كتير ياعمي اوعي تنساني
انساك ازاي ياابني عمر الډم مايكون مايه وسلم عليه كتير كتير وسابه ومشي روح وهو زعلان ع كل الي حصل لاخوه وابن اخوه
السلام عليكم
وعليكم السلام البقاء لله ياحبيبي ربنا يرحمه
يارب ياام شهد استفاد ايه من عمايله حتي ابنه ياااه الدنيا دي ماتسواش حاجه ماحدش بياخد حاجه معاه الدنيا فانيه وابنه قال للمحامي يرجعلي حقي معقوله والله زي مابقؤلك كدا
يارب سامحه واغفرله يارب ياابو شهد
الباب خبط هقوم اشوف مين لا خليك هشوف انا
اهلا اهلا ياابني عامل ايه اتفضل الحمد لله ازي حضرتك
ايه ياابني طلعك من البيت انت لسه تعبان
ولا تعبان ولا حاجه ياعمي وبعدين لازم اقف معاك البقاء لله تسلم يا ابني سامحه ياكريم
مسامح ياعمي والله
انت محترم ياكريم ربنا يسعدك ياابني
قعد شويه واستأذن وقام مشي وعدي يومين تلاته شهر واتنين
وبعدين كريم راح يزورهم وقابلوه
انا عارف انه مش وقته بس
لا ياابني قول براحتك عاوز ايه
كنت بقول يعني نتفق ع الفرح لو حضرتك عاوز ناجل شويه تحت امرك
لا ياابني خلينا نشوف الفرح شويه وكفايه الايام الي فاتت
طيب انا جهزت الشقه من كله كل الي عاوزه شهد وبس من غير كمان شنطة هدومها
لا ياابني ماينفعش عمي شهد دي بالنسبه ليا مش هتكون زوجه وبس لأ دي ام واخت وبنتي وزوجتي دي المؤنسات الغاليات الرسول صلى الله عليه وسلم وصانا عليهم عليه افضل الصلاة والسلام ياابني
تمام وننزل نجيب الشبكه ف الوقت الي يريحكم
خلاص ياعمي تمام كدا بس كنت عاوز خدمه من مامت العروسه من عيني ياعريس بنتي
تسلميلي يوم الفرح تحضري شنطه بكل الهدوم الي شهد تعوزها عشان بعد الفرح هنطلع ع المطار عشان هنروح شهر العسل ف السعوديه تبقي بدايه حلوه لينا وياريت ماحدش يجيب ليها خبر عشان عاوز اشوف الفرحه ف عنيها
الله ربنا يسعدكم دي اجمل حاجه الله يهنيكم
لسه ماكملتش هيعدي اسبوعين وحضرتك وعمي هتيجو لينا هناك كنت نادرها وكنت عامل حسابي من زمان وكان ليا حساب ف البنك والحمد لله جه وقتها
لا ياابني كفايه انت ومراتك لأ ياعمي والله ماتحصل تمام كدا قبل شهد ماتيجي وتسمع تمام يا ابني
ان شاء الله بكره نجيب الشبكه
خلاصةياحبيبي واخر الشهر نكتب الكتاب ونعمل الفرح
لسه اخر الشهر
ياابني اخر الشهر ده كمان أسبوع
نعماحم ماهو كتير برضه
هقوم انا بقي امشي
تمشي ايه لا لا انت هتتغدي معانا
مش هقدر ياست الكل مره تانيه
وانا قلت لأ خاف ع نفسك من الحكومه ياكريمفضلو يضحكوو كتير لغايه ماشهد جت من الشغل واتغدو سوا وفضلو شويه وبعدين استأذن ومشي مامت شهد دخلتلها الاوضه ماما تعالي
حبيبة قلب ماما ربنا يهنيكي حبيبتي ويسعدك ويريح قلبك وبالك ويناولك الي بتتمنيه
الله ياست الكل ايه الدعاوي الحلوه دي
فرحانه ليكي ياقلب امك ربنا يجعله الزوج الصالح هو فعلاا محترم
هو قال ايه بالظبط وانا مش موجوده
ماقالش حاجه ياقلبي بكره ان شاء الله هنجيب الشبكه
ونروح نجيب الفستان والفرح اخر الشهر
ربنا يتمم ع خير
ابو شهد انت بتعملي ايه هنا ياام شهد
قاعده مع بنتي الله كلها كام يوم وتتجوز وتسبنا
بقى كدا وتسبيني
شهد ومامتها ضحكو عليه
شهد ايه ياسي بابا انت مش زعلان اني هسيبكم
انا لا طبعا فرحان قصدي زعلان
كلمة الحق بتطلع الاول اعترف ياسيدي بابا همشي واسيب البيت هتكونو براحتكمياشقي
باباها بس ابت بجد فرحان ان ربنا رزقك بواحد زي كريم طول عمرك مستحمله عمايل حمدي ومديقاته ليكي بس ربنا عوضك وعوض ربنا مافيش احسن منه
كريم وضب الشقه من كل حاجه مافضلش فيها حاجه كلها زوق راقي وتحفه من كل حاجه شقه دوبلكس جنان مش ناقصها غير شهد وعمل ف الشقه كلها صور ليها كان بياخدهم وهيا مش واخده بالها وكان بيطبعها ويعلقها ويقعد اكتر الاوقات يتكلم معاهم ع تفاصيله
جه يوم شړا الشبكه راح اخد شهد ومامتها وباباها ونزلو لفوو كتير جبلها الشبكه الي اختاروها سوا شهد هيا صممت انه يختارها معاها وبعد ماخلصو لفو ع الفساتين واختارت فستان رقيق جدا عليها وصممت انه مايشفهوش غير يوم الفرح وكريم اخدهم يتغدو سوا وفضلو وقت كبير بره
شهد يووووه نسيت
باباها نسيتي ايه ياحبيبتي
بصت ع كريم واتكسفت
كريم كان
مستني انها تاخد بالها ويحس انها مهتمه
باباها ايه ياشهد ياحبيبتي نسيتي ايه
نسيت اجيب الدبله بتاعت كريم ونكتب عليها وع دبلتي
كلهم ضحكوووو وهيا اتكسفت ووشها احمر من الخجل هو انا قلت حاجه عشان تضحكوو
كريم لا ياشوشو تعالي نروح نجيبها ونكتب عليهم اخدها وسبقو بخطوتين وباباها ومامتها بعدهم بشويه
تعرفي انا كنت مستني انك تاخدي بالك هيا اه حاجه عاديه بس كنت عاوزك انتي تهتمي بيها
ايوه انت جبتلي كل حاجه واي حاجه من غير مااطلب
استني بس انتي مسؤله مني واي حاجه تخصك مسؤليتي كل الي عاوزه انك تفضلي تحبيني وتهتمي بيا
بتسمع منه كل كلمه وقلبها بيتنفض ويدق جامد
دخلو وكريم صمم انها هيا الي تختار واختارت دبله شيك جدا وكتبو عليها وكريم وصلهم وروح مبسوط انه هيكمل حياته مع الانسانه الي قلبه دقلها وحبها وقعد يتخيل شكل ايامهم سوا وفضل يحلم بيها لغاية ما النوم غلبه هوووووخ
شهد روحت وقلبها بيدق جامد وتتفرج ع اللبس الي اختارته هيا وكريم ومبسوطه بحبه ليها ومشاعرها نحيته يوووه ياكريم شكلك جننتني ضحكت وغمضت عنيها ونامت منتظره الايام الجميله الي بتحلم بيها مع فارس احلامها
وجه معاد الفرح
كريم لبس بدله شيك اوووي عليه زادته وسامه وراح عشان ياخد شهد من البيت لانه صمم ان يجي بنات ليها ف البيت وهيا ماتخرجش بره
قبل مايوصل كان متفق ان المكان الي هيا ساكنه فيه يتملي بالونات وورد والمنظر كان فوق الخيال
وصل عند البيت ووقف تحت وبعلو صووت بحبااااااااااااااااك ياقلب كريم بحبااااااااااااك ياشهد حياتي بحبااااااااااك ياقلب كريم
شهد سمعت صوته وجرت ع الشباك مبهوره من المنظر ودمعه ڠصب عنها نزلت مسحتها بسرعه وفضلت تضحك وباباها جه من وراها حضنها جامد شوفتي جننتي الواد ربنا يستر جت مامتها حضنتها جامد ربنا يباركلك فيه يابنتي
ام شهد شايف ياابو شهد وانت مش جبتلي حتي وردهلا دا انا انزل اټخانق مع الواد ده كريم جه من وراهم احم الورد كله ليكي ياست الكل بس خليني اخد عروستي واعملي الي انتي عاوزاه
كلهم ضحكو
وبص ع شهد لقاها ايه ف الجمال
جميله جدااااا بسم الله ماشاء الله ايه الجمال ده اسمحلي ياعمي اعاكس مراتي
لا ياروح عمك لما نروح القاعه الاول واكتبو الكتاب وعاكس براحتك انا اصلا بفكر اخليها معانا وماتتجوزش
ليه بس خلاص انا ساكت اهوه
كلهم ضحكو ونزلو ركبو ف العربيات الي كانت مجهزه كل حاجه كانت جميله وخيال وفرح
راحو ع القاعه ودخلو لقو المأذون مستني كتبو الكتاب
كريم قام مره واحده مسك المايك وبدأ يغني
كتبو كتابك يانقاوة عيني
كنت كل يوم استني بس المحك
كنت بس احلم بنظره منك
كنت بحلم بيوم امسك ايدك
كنت بحلم تبقي مراتي
كنت كل يوم امش وراكي اوصلك
انتي بنتي وحبيبتي وضي عيني
انتي روحي وحياتي ف الدنيا دي
انتي الحياه بيكي جنه
ومن غيرك مش عاوز اعيشها
كتبو كتابك يانقاوة عيني
بحباااااااااااااااااك وجري عليها حضنها جامد ودمعه نزلت من عيونه هيا مسحتها بسرعه
وانا كمان بحبك ياكريم بحب اهتمامك بيا بحب خۏفك عليا بحب كل حاجه منك
الكل سقف وصفر وهو لف بيها جاااااامد وبدأ يرقصو ع اغاني رومانسية وكان الفرح كله جنان ف جنان وغير المفاجئات الي كان بيعملها وهيا مبهوره من الي بتشوفه
انت عملت كل دا امته من يوم ماحبيتك كنت بتخيل يوم فرحنا وكنت بحلم واقول هعمل كذا وكذا والحمد لله حصل وكل حاجه اتعملت فاضل حاجه واحده
ايه هيا
كمان شويه تعرفي
الفرح خلص والكل انبسط ليهم ع الحب الي باين من عيونهم
حضرتي شنطه شهد ايوه ياحبيبي ربنا يسعدك خد بالك منها اوعي تزعلها وانا هوصيها عليك
حاضر ياست الكل من عيوني وبعدين لما ازعلها مين يصالحها ويحبها
ربنا يهديكم لبعض ويسعدكم
هتوحشيني ياقلب ابوكي خدي بالك من نفسك ومن عريسك
وانت كمان يابابا خد بالك من نفسك ومن صحتك ومن ماما حبيبي بطل دموع كلها كام يوم واكون معاكم ف البيت بس يابت انتي ايه ناويه تهربي منه
ايوه كدا اضحك بقي
ايه ياعمي ناوي تاخد عروستي مني ولا ايه ياله بقي عشان الوقت حضرتك عارف
شهد وقت ايه
كريم اخدها من ايديها وسلمو عليهم ومشيو
ايه رأيك ياقلبي ف الفرح
كان جميل بجد ياكيموو
ايه كيمووو
لا حلوه كيموووو ياقلب كيموووو
شهد وشها احمر من الخجل هو ده طريق بيتنا
بصي
هو انا عامل مفاجئه هتعرفيها كمان شويه
لا قؤلي دلوقتي
يامجنونه اصبري هتعرفي
كدا ماشي طيب بص
نعم
انت بتحبني صح
بحبك دانا بعشقك
طيب قولي بقي
بتستغلي ضعفيع العموم احنا وصلنا خلاص ياله انزلي
ايه ده احنا ف المطار
ايوه ياقلبي ف المطار
هنروح شهر عسل صح
ايون
بس انا مش معايا اي حاجه خالص
ودي حاجه تفوتني برده جاب شنطه من العربيه اومال دي بتعمل ايه
ايه دا
دي كل الي هتعوزيه مامتك حضرتها
اها عشان كدا بابا ضحك لما بقؤله كمان يومين هكون معاك
دخلو المطار وخلصو الورق وطلعو ركبو الطياره مسك ايديها باسها بحبط اووي ياشهد وقلت عشان ربنا يباركلنا ف حياتنا لازم نبتديها صح قررت اننا نروح مع بعض ع السعوديه نعمل عمره ونفضل هناك شويه وكمان اسبوع او اتنين باباكي ومامتك يجيو لينا ع هناك
شهد كانت بتسمعه والفرحه ماليه قلبها وباينه ف عينيها انت ازاي كدا ازاي عرفت الي بفكر فيه والي كان نفسي اعمله
عشان حبيتك وحبيت قلبك
شهد رمت نفسها ف حضنه جامد بحبك اوووي ياكريم فرحانه من عوض ربنا
انت اجمل حاجه ربنا بعتها ليا ربنا يخليك ليا
ويخليكي ليا ياشهد حياتي
فضلو كتير يتكلمو ويضحكو ويتصورو لغايه ماوصلو وبدأو حياتهم الجديده الي