دعني احطم غرورك الجزء الأول الحلقة 1-25 بقلم منال سالم

هتخلصي علينا ده انتي ولا عزرائيل
لم تستمع جانا لما يقوله عز ونزلت من السيارة مسرعة ..
ظل عز الدين يتأوه من الآلم في عيونه ولحق بباقي العائلة عند محل المصوغات
سهير ايه يا
جوجو كنتي فين
جانا مافيش يا أنطي انا موجودة أهوو
سهير لعايدة تعالي نشوف الحاجات اللي هناك دي يا عايدة هانم بصي يا دينا معانا
دينا مامي
استغرب صاحب محل المصوغات من هيئة جانا ولكنه لم يعلق ...
عز صباح الخير يا شريف
شريف صباح الخير يا عز باشا أنا جهزت لحضرتك تشكيلة حلوة عشان العروسة اتفضل شوفها ...
عز ممم فعلا حلوين وريهم للخدامة
جانا نعم
عز حلو استايل الخدامة ده عليكي فعلاااااا شبهك جدااااااااا لأ و لايق اوي عليكي!
جانا خدامة في عينك !!!
عز مكملا ناقصك ودي سهل اجيبهالك
وشوية ژبالة وتبقى مية مية .. صورة بقى عشان البروفيل
ثم التقط لها صورة بحالتها المزرية بهاتفه المحمول
جانا لشريف الصائغ مش عاجبني اي حاجة
عز أه فعلا هاتلها حاجة على هيئة صفيحة ة ولا زمبيلهتليق اكترررر
جانا ما تلم نفسك يا سقيييل
عز شوف يا شريف انت تعمل اللي بقولك عليه وفكك من اي حاجة تقولهالك هاتلنا بقى الدبل
جانا دبل ايه مش عاوزة البس دبلتك!!
عز وهو يمسك يدها اليسرى ليدخل دبلة ضيقة مممم الدبلة دي هتليق على صوباعك اوي
جانا بتآلم أي صوباعي سيب ايدي آآآآي
عز بعد ان نجح في ادخال الدبلة خلاص هناخد دي
جانا لشريف وهي تحاول خلعها شيل الدبلة دي من ايدي انا مش عاوزاها !!
عز طيب يا شريف ده شيك تحت حساب الحاجة
وهنا قاطعتهم سهير ها يا ولاد اختارتوا حاجة
عز مسرعا ايوه يا طنط الآنسة جانا اختارت الدبلة وصممت متقلعاش من ايدها
جانا والله ما حصل ده هو الل.......
عز خلاص يا جانا قصدي يا آنسة جانا طنط مش هتضايق انك عملتي كده صح يا طنط ولا ايه
سهير بضحكة هههههه حلوة يا بنتي ويارب ماتتقلع من ايدك ابدااااا ابدااااا
جانا
عز ابقى حاولي بس وهتشوفي ...!!!
.....................
نودي قصة ... دعني أحطم غرورك !!
الحلقة السادسة عشر
على مدار يوم كامل حاولت جانا بكل الطرق أن تخلع من يدها الدبلة ولكن كل محاولاتها باءت بالفشل حتى وهم في رحلة البحث عن فستان مناسب للخطوبة
جانا اوووووووف يعني مش هعرف أشيلك
دينا الدبلة سميكة اوي يا جوجو انا مستغربة ازاي انتي لبستيها
جانا مش انا مش أنا المنيل على عينه هو اللي حشرها في صوباعي
سهير ها يا عروسة قررتي هتلبسي ايه أنا مش عاوزة کاړثة من بتوعك
جانا ينفع ماحضرش
سهير وده كلام يا بنتي ده الليلة ليلتك يا عروستنا
جانا ليلة سودة ومهببة
سهير وهي تنتقي فستان بصي ده هيبقى حلو أوي عليكي
جانا لأ شكله بلدي
دينا بمرح ده ع اساس انك كنتي لابسة
وانتي بتختاري الشبكة
جانا متفكرنيش ده انا قولت امه هتطفش وتفركش اما تشوف منظري لاقيتها ولا في دماغها
دينا مكتوبالك يا قمر
جانا بطلي يا دينا
واستمروا في البحث عن ضالتهم ...
.....
في
فيلا يوسف الكيلاني
عايدة انا مستغربة من تصرفات جانا اوي يا يوسف حاسة انها بتعاند ومش حابة الخطوبة
يوسف ليه بتقولي كده
عايدة مشوفتش امبارح وهي نازلة معانا تشتري الشبكة كان شكلها فظيع انا اټصدمت بصراحة واحدة المفروض انها عروسة بتكون على سنجة عشرة لكن اللي شوفته استحالة يتوصف
يوسف ههههههههه طالما عاجبة ابنك يبقى خلاص هو حر
عايدة اللي مستغرباه انها كانت عايشة بره محدش يصدق أبداااا
يوسف والله يا ديلة كانت عايشة بس هي بتحاول تبان انها بنت بلد يعني بتخفي حقيقتها
عايدة ومين قالك كده
يوسف حسين قالي انها رقيقة جداااا وحساسة أوي وبتحب تكون مميزة في كل حاجة من الاخر كده بونبوناية بسكويتة حاجة كده رقيقة
عز مقاطعا مين دي اللي بونبوناية
عايدة جانا
عز الصرااااااحة ااااااه
عايدة انت بتهزر يا عز انت ماشوفتش كانت عاملة ازاي امبارح
عز ياماما سيبك م اللي هي بتعمله ده كله كلام فاضي
عايدة وعرفت منين
عز مش محتاجة يا ماما هبقى أقولك بعدين لأحسن متسعجل...
يوسف على فين العزم يا بني
عز هاروح النادي يا بابا أعزم أصحابي ع الخطوبة!
يوسف اوك متتأخرش وربنا يهنيك يابني
عز حاضر سلام
.....
وفي النادي
دارين پصدمة بتقول ايه يا عز هتخطب
عز ان شاء الله يا دارين منتظرك بكرة
دارين ده حصل امتى وازاي وفين و....و...
عز حيلك حيلك .. بعدين هبقى اديكي التفاصيل المهم هنتظرك بكرة
دارين بحزن بقى أهون عليك يا مون شيري تعمل فيا كده وتخطب غيري بعد الحب اللي كان بينا
عز بحدة حب ايه وزفت ايه وهو انا وعدتك بحاجة فوقي يا دارين !!
دارين بجد انا مش.......
حازم مقاطعا مبروووك يا
زيزووو هنجي شور الخطوبة فكك يا دارين وباركي لعز
دارين باقتضاب مبروك
عز لباقي الشلة متتأخروش يا جماعة هستناكو
ياسين من بعيد ميتأخروش على ايه
عز أخيرااااا طليت علينا
ياسين سوري يا جماعة كان ورايا كام مصلحة بخلصها
عز ماشي يا عم المهم بكرة خطوبتي أنا وجانا متتأخرش
ياسين ايه ده بجد يعني هتخطبها بجد ولا كده وكده
عز وهي الحاجات دي فيها هزار يا سينو
ياسين معاك انت كل شيء جايز
عز خف تعوم يا سينو هستناك متتأخرش
ياسين وهو عز ماشي يا عررررريس من بدري هتلاقيني فوق دماغك
.........
أعلن منزل حسين الدمنهوري الطواريء استعدادا لحفل الخطوبة الليلة كان الجميع يعمل على قدم وساق لانجاز الكثير في وقت قليل
سهير بسرررعة ايوه هنا بس كده شكلهم حلو أوي سنية حطي طقم السرفيس في الحوض عشان يتشطف أه وشوفي الطباخين خلصوا ولا لأ
سنية حاضر يا ست سهير هانم
دينا مامي انا نازلة البيوتي سنتر هلبس هناك واجي ع طول
سهير لأ مافيش نزول باباكي قال ان البنات اللي في السنتر هيجوا هنا يزوقوكم
دينا اوووف يامامي
سهير روحي شوفيلي جانا بتعمل ايه الوقتي
دينا بتأفف اوك
ثم
انطلقت دينا إلى حجرة جانا
دينا يا عروسة
جانا وهي تضع الغظاء على رأسها امشي يادينا سيبيني أنام
دينا يالا بقى فوقي ده النهاردة يومك
جانا يووووووه انا مش عاوزة أقوم ولا أعمل حاجة الهي يااا رب اليوم يبوظ عشان ترتاحوا
دينا ده انتي عروسة يعني المفروض تفرحي بعريسك هااااااااه ده كيوت ووسيم تقييييل اموووت أنا في الصنف ده
جانا خديه اشبعي بيه انا متنزلالك عنه!!
دينا ياريت كان ينفع بس هو بيحبك انتي
جانا حبه برص هو ده بتاع حب أصلا
دينا طب يالا البنات
________________________________________
من البيوتي سنتر هيجوا كمان شوية عشان يجهزوكي يا أحلى
جانا ولمعت في عقلها فكرة اهاااا حلووو اوي !!!
دينا ها فكرتي هيكون استايلك ازاي في اليوم ال ده
جانا اومال .. ودي حاجة تفوتني ! ده انا هبهركم
دينا بقلق ربنا يستررررررر .. قلبي عندك يا عز
جانا بدل ما أطلعهم عليكي انتي .... !!
دينا اوك اوك .. بس متناميش
بدأت جانا تستعد لحفلة الليلة وطلبت من فتيات مركز التجميل ان يعاونوها في تجهيز الاستايل الذي تريده .. ورغم غرابة طلبها كعروسة إلا انهم لم يكن أمامهن إلا الانصياع .. فهي العروسة وتلك هي رغبتها ....
..........
نودي قصة ... دعني أحطم غرورك !!
الحلقة السابعة عشر
جاء المساء وبدأ الضيوف في التوافد على منزل حسين الدمنهوري الذي أصبح بمثابة قاعة صغيرة لحفل يتميز بالرقي والجمال
حسين اهلا وسهلا اتفضلوا شرفتونا
أحد الضيوف الف مبروك حسين باشا
حسين الله يبارك فيك