جعلتني عاشقا بقلم أسماء محمد

انا جيت
داده اشرقت اهلا وسهلا ست الستات كلهم
صفاء عامله ايه ياداده
داده اشرقت نحمده ونشكر افضاله يابنتى
صفاء فين الباقي
احلام نازله علي السلم وماسكه وسام لقت صفاء ايه ده .. صافي .. ازيك
صفاء لولا عامله ايه وحشانى
احلام من يوم كتب الكتاب متجيش
صفاء قولت اسيبك مع عرييسك بقي وغمزتلها
احلام تيجي في اي وقت
صفاء امال حمزه فين
احلام حمزه نزل الشغل
صفاء اه تصدقي نسيت .. هقعد استناه بقي
احلام طويب كويس نقعد سوا
صفاء ويسو كده
متجيش لعمتو صفاء اخدت وسام قعد يعيط لحد ما رجع تانى لاحلام ايه ده بقي ده انا كده هصدق انك مامته
احلام ياريت فعلا اكون مامته
صفاء بهزر يا لولا انتى فعلا مامته اليوم بابا وماما جاين من السفر
احلام اه ما حمزه قالي امبارح
صفاء هتحبي بابا قاسم اووي كأنه باباكي
احلام انتى تعرفي انى مشوفتش بابا
صفاء بجد
احلام اه والله ماټ وانا صغيره اووي ملحقتش اشبع منه اصلا انا مش فاكراه حتى ماما اللي كانت دايما تحكي عنه وتوريهونى في الصور
صفاء الله يرحمه ياحبيتى .. ان شاء الله بابا قاسم يعوضك عن فقدان باباكي
الباب بيرن جه حمزه بعديه علي طول اميمه وقاسم
عثمان اهلا ياسعات الباشا اهلا سعات البيه .. البيت نور يا باشا
قاسم بتعب اهلا بيك ياعثمان .. واحشنى لعب الطوله معاك ياجدع
عثمان ليك واحشه ياباشا
اميمه سنده معايا يا عثمان .. وخلي البودي جارد دول يشيلوا الشنط .
عثمان حاضر ياست هانم
الباب بيتفتح
صفاء وحمزه اهلا بابا وماما نورتونا
احلام واقفه من بعيد شويا وماسكه وسام
حمزه وحشتنى يا والدي
قاسم ازيك يابنى .. واحشتنى والله
صفاء وانا يابابا ماليش واحشه ولا اكمن حمزه الصغير
قاسم هو الصغير بس انتى البكريه
اميمه طيب يلا ندخل انا اتهد حيلي
احلام ازي حضرتك الف سلامه عليك وحمدلله علي سلامتك
قاسم الله يسلمك يابنتى .. هاتى الكربوشه ده وسام لما راح لقاسم عيط لحد ما رجع تانى لاحلام شوفتوا ماسك فيها ازاي ده عيب المربيين بقي
احلام مخدتش بالها اوي من الكلمه وقالت ما انا فعلا مربيه لوسام
اميمه براحه ياقاسم صحتك
قاسم ده ابن الغالي والغاليه .. امال فين ميسا ياجماعه معقوله متجيش تسلم عليا
5
احلام ازي حضرتك الف سلامه عليك وحمدلله علي سلامتك
قاسم الله يسلمك يابنتى .. هاتى الكربوشه ده سام لما راح لقاسم عيط لحد ما رجع تانى لاحلام شوفتوا ماسك فيها ازاي ده عيب المربيين بقي
اميمه براحه ياقاسم صحتك
قاسم ده ابن الغالي والغاليه .. امال فين ميسا ياجماعه معقوله متجيش تسلم عليا
احلام بصت عليهم كلهم وبصت في الارض من الكسفه
حمزه تعالي يابابا وانا هفهمك
احلام بتدي لصفاء وسام عن اذنكوا هطلع اريح شويا واسبكوا مع بعض
احلام سمعت وسام بيعيط مع ذلك سبته يعيط بردو وطلعت
حمزه بينادي علي احلام سابته ومشيت وطلعت تجري احرجتوها
اميمه اعمل ايه يابنى .. مقدرتش اقوله وهو في الحاله دي
صفاء بس ياحبيبي بس .. اتعود عليها ومش عاوز يسكت
قاسم بتوشوشوا في ايه .. تعالو اقعدو قولولي في ايه
حمزه متقلقش بالك يا بابا كل حاجه تمام
قاسم امال فين ميسا يابنى مجتش تسلم عليا يعنى
صفاء بس ياحبيبي خلاص بتبص لحمزه مش راضي يسكت
حمزه هاتيه انا هطلعه لاحلام .. الوحيده اللي بيسكت معاها
قاسم مش دي المربيه يابنى
حمزه بصله .. لا يابابا دي مراتى وسابه ومشي
قاسم مراته ازاي يعنى امال ميسا فين
اميمه محبتش اقولك يا حبيبي .. عشان متتنكسش .. ميسا اديتك عمرها .. ماټت وهي بتولد وجوزنا حمزه عشان تربي وسام
قاسم لا اله الا الله .. وانا اخر من يعلم .. شهر وي وانا معرفش بالي بيحصل هنا.. ازاي تخبوا عليا حاجه زي دي .. هو انا هنا طيشه ولا ايه
صفاء كنت هتتعب اكتر ... واحنا ماصدقنا
قاسم كسرت بخاطر البنت المسكينه دي.. وسعولي اقوم اراضيها حرام
حمزه بيفتح الباب عند احلام
حمزه مش راضي يسكت غير معاكي
احلام بتمسح دموعهاا هاتو .. انا اسفه عشان سبته وخليته يعيط مسكت وسام
حمزه مسك ايد احلام وباسها ربنا ميحرمناش من وجودك في حياتنا
احلام في اللحظه دي حست ان روحها بتروح منها ومعرفتش تقول ايه غير انها تسكت
قاسم بيخبط علي الباب
حمزه تعالي يا بابا اتفضل
قاسم انا جاي بنفسي اتأسف لمرات ابنى جرحتها من غير ما اقصد
احلام لا ياعمو متقولش كده .. انت مكنتش تعرف ..
قاسم بص لحمزه سبنا لوحدنا يابنى
حمزه حاضر .. عن اذنكوا
قاسم تعالي يابنتى اقعدي
احلام خير يا عمو
قاسم انا معرفكيش ومعرفش مين هما اهلك .. بس الواضح انك بنت حلال اووي
احلام ربنا يخليك ده من كرمك بس
قاسم ولدك بيشتغل ايه
احلام بابا تعيش انت
قاسم لا اله الا االله .. ربنا يرحمه يابنتى
احلام يارب ويرحم ميسا
قاسم ميسا كانت مرات ابنى زمان .. وانتى دلوقتى مرات ابنى اه احنا مش هننساها عمرنا .. بس وجودك هيغير حاجات كتير .. بصلها وضحك وعلي فكره ابنى حمزه عمره

ماحب .. اتجدعنى بقي واسړقي قلبه
احلام بس يا عمو
قاسم مافيش عمو .. قولي بابا قاسم .. انا من اليوم ده وانا مسؤل عنك انتى وحمزه وصفاء
احلام شكرا اوووي يابابا وحضنته فعلا انا كنت محتاجه احس بوجود بابا جمبي
قاسم ههههههههههه وانا ابوكي يابنتى واي حاجه تحتاجيها انا هجبهالك .. بس بمقابل
احلام . !
قاسم حبك لحمزه ووسام يفوق اي حب
احلام ربنا يقدرنى يا بابا
ادم وحمزه قاعدين ف الجنينه
ادم خالو تعالي العب معايا
حمزه مش هعرف انزل يا ادم هلعب معاك وانا كده
ادم اتسند عليا وانزل علي الارض
حمزه حبيبي انا مرتاح كده
ادم وحياتى يا خالو
حمزه ماشي يا سيدي .. حاسب كده انزل
ادم انت احلي خالو ف الدنيا
حمزه وانت اقصر ادم ف الدنيا
ادم قولي ياخالو هي طنط احلام دي حبيبتك
حمزه تنح بعد الكلمه دي واحلام كانت نازله سمعتهم بس يا ادم انت لسه صغير
ادم بس ماما قالت لنانا ان حمزه اتغير بعد ما احلام دخلت حياته
حمزه رفع حواجبه ماما قالت كده
ادم يبقي بتحبها ياخالو
حمزه ابتسم مش عارف يا ادم بس اول مره احس بالاحساس ده .. مش ببقي عاوزها تغيب عن عينى بقيت ارجع البيت ااواام عشان بتوحشنى .. بحب اسرح في عنيهأ .. وادخل اشوفها نايمه ف حضڼ ابنى وسام واحسه ابننا انا وهي .. بقيت اغير عليها اوي واللبس اللي بتلبسه مبقتش عاوز حد يشوفها غيري
ادم طيب ما تقولها ياخالو
حمزه ما اصلي ماينفعش
انتبه انه بيكلم ادم الصغير اللي مكلملش 8 سنين
احلام حست انها مبسوطه بالكلام ده وفي نفس الوقت مش عاوزه علاقتهم تزيد عن صداقه .. هي لسه خارجه من علاقه حب فاشله
حمزه انت ايه اللي بتتكلم فيه ده .. ها .. انت لسه صغير ومتفهمش ف الكلام ده
ادم ياخالو انت اللي بتتكلم مش انا
صفاء ايه اللي موقفك كده يا احلام
احلام اتخضت ها .. لا اصلي كنت بدور ع حاجه بس خلاص
صفاء ههههههه والله شكلها اټجننت .. صحيح يا احلام .. عامله ايه انتى وحمزه
احلام لا تمام
صفاء خديه ف يوم واخرجوا
احلام اصل وعاوزه تتهرب من الموضوع
صفاء هقولك كلمه تحطيها حلقه ف ودانك .. تعملي بيها ولا لا .. انتى حره .. حمزه محبش ف حياته ولادخلت حياته واحده قبل كده ..وعلي فكره .. متتخميش ف قسوه حمزه هو مبيعرفش يعبر عن حبه غير بالعصبيه والخناق
حمزه داخل هو وادم من الجنينه
احلام بس انا مش عاوزاه يحبنى ولا انا احبه
صفاء عشان هو مشلۏل يعنى
احلام لا طبعا بس انا مش عاوزه احب حمزه
حمزه ومين قالك انى بحبك ولا عاوزك تحبينى
احلام حمزه !!
اميمه يلا ياسعاد .. الاكل اتأخر ليه كده
سعاد اسفه ياست هانم .. انا هحطه اهو
اميمه ايه يا داده ده امال بقي لو مكانش البيه الكبير تعبان
داده اشرقت امسحيها فيا انا ياست هانم بتوطي صوتها سعاد مقصوفه الرقبه لو تاخد بالها من شغلها زي ما بتاخد بالها من سهوكتها وشكلها .. كان الاكل خلص من الصبح
اميمه وانتى لزمتك ايه يا داده .. شدي عليها شويا
ااحلام حقك عليا انا يا طنط .. اانا اللي مستعجلتهمش اليوم
اميمه انا مش عاوزاكي تعملي حاجه غير انك تاخدي بالك من وسام بس
احلام حاضر
علي الاكل
قاسم يا ياولاد مافيش احلي من اللمه الحلوه
صفاء اللمه دي كانت نقصاك انت يابابا
قاسم ربنا يدينى طوله العمر وتتجدعن يا حمزه وتجبلي اخ تانى لوسام العب بيه ويلعب وسام معاه ... عشان يكون واحد من ميسا وواحد من احلام
حمزه بص لاحلام واحلام رجعت بصت للطبق بكسوف وهو فاضل ببصلها وهو بيتكلم ان شاء الله يابابا قريب اووي
اميمه قريب اوووي .. بصت لاحلام لتكونى حامل يا احلام .. الف نهار ابيض .
احلام بصت بتوتر لا حامل ايه مافيش حاجه من دي .. ماتقول حاجه يا حمزه
قاسم ومافيش ليه .. انتو متجوزين ومن حقكوا تجيب واحد واتنين وعشره كمان
حمزه بص علي احلام وكسوفها وضحك هههههههههههه مافيش يابابا حمل حاليا بس اوعدك قريب
اميمه ربنا يرزقكوا يارب
احلام بدأت تتعود ع وجود حمزه ف حياتها بقت تحس انه راجلها مبتحسش بالامان غير وهي معاه بتحب دايما تبصله وهو بيتكلم وبتبتسم لما تشوف ضحكته
كان فيه في بيت قاسم الاباصيري حفله فيها رجال الاعمال والقرايب متجمعين وكانوا في ناس كتيره اوووي
وسط الزحمه كانت عيون حمزه بتدور علي ااحلام
احلام لحظت كذا مره انه بيبص عليها كانت تتكسف وتضحك وتبص الناحيه التانيه .. ويقعدوا يبصوا لبعض زي العشاق .. وكانت احلام عينها ع حمزه وحست انها غيرانه عليه لما تشوف واحده ست تكلمه وهو كمان كان يلاحظ غيرتها ويضحك .. اليوم ده حس حمزه بأحساس حلو اوووي ناحيه احلام واستغرب من احساسه اول مايشوفه وازاي بيطمن اول مايبص ف عنيها
بعد كام اسبوع كان في عشاء عمل لرجال الاعمال ومراتتهم وكل العيله لازم تحضر ممكن نعتبرها حفله عمل
حمزه حضري نفسك عشان اليوم عندنا حفله
احلام بس انا مش هروح
حمزه ليه
احلام ووسام اسيبه فين
حمزه مجتش من ساعتين هنروح فيهم ونرجع
احلام اللي تشوفه
حمزه في فستان هيجيلك دلوقتى بلاش اللبس اللي عندك
احلام وماله بقي اللبس اللي عندي
حمزه يعنى جينز وتشيرتات وانتى المفرود حرم حمزه الاباصيري
احلام والله اللبس ده بيريحنى
حمزه خليها عليكي المرادي
احلام اللي تشوفه بردو
حمزه شكرا
امنيه ف البيت بتحاول تتصل ب زياد مبيردش عليها وبتتصل بأحلام بردو مبتردش
امنيه كده بردو يا احلام اتجوزتى واتشغلتى عن اختك خلاص
اتكلم مع مين انا دلوقتى
مسكت موبيلها وكلمت اخت زياد اللي هي ف الاصل صحبتها
امنيه الو .. انا مخنوقه اوووي وعاوزه اتكلم معاكي
احلام لابسه فستان وكعب ورفعه شعرها ديل حصان
حمزه ممكن تغيري الفستان ده
احلام وحش
حمزه حلو اووي
احلام طيب اغيره ليه بقي !!
حمزه عشان بغير عليكي !
احلام صممت علي رأيها بس انا هروح كده وعندت معاه ومشيت
اجتمعوا كلهم ومشيوا واتقسموا علي عربيتين اميمه وقاسم في عربيه وحمزه واحلام ف عربيه
حمزه كان عمال يبص ع احلام من مرايه السواق ويبتسم وهي مش واخده بالها وشعرها بيطير ع وشها وبيطير ناحيته وكان شامم ريحة شعرها ومبسوط
جه ف مره شاف شعرها طاير علي عنيها قرب شويا وبعده عن وشها .. احلام اتبسطت اوووي من الحركه دي وضحكت ورجعت تانى بصت من الشباك
احلام قاعده ع الطرابيزه مبوزه وبتنفخ
حمزه وهو بيتكلم مع الناس لاحظها بيبصلها وبصوت واطي مالك
احلام مليت
حمزه ليه ماهي الناس بتضحك وتهزر اهو .. وفي ستات زيك اتكلمى معاهم
احلام اديك قولت ستات انا مش ست كبيره كده زيهم ياحمزه
حمزه طيب نص ساعه وهنروح
احلام انت مبسوط كده
حمزه اتعدل ف قاعدته مش فاهم
احلام يعنى بص ع الناس وهي قاعده شوكه وسکينه وبرتكول ف الكلام حتى بص ع وشوش الناس وهي بتضحك تحس انهم بيضحكوا بطريقه معينه .. الضحكه مش خارجه من قلبهم ياحمزه
حمزه عندك حق .. بس هي دي حياتنا
احلام تسمحلي اغير شويا حاجات فيها
حمزه ازاي
احلام انا وانت بس ينفع
حمزه بصلها بأستغراب ينفع بس انا مش فاهم حاجه
احلام استنى
مسكت بطنها ااااه الحقنى يا حمزه مش قادره
حمزه صدق في ايه يابنتى
احلام بطنى هتموتنى
اميمه انتى كويسه
احلام لازم اروح يا طنط مش قادره بطنى هتموتنى من الۏجع
حمزه طيب ابعت معاكي الشوفير يروحك
احلام داست ع رجله اااااااااه يابطنى
حمزه اتوجع بس مبينش بيوشوشها اعمل ايه طيب
قاسم خدها ع البيت يابنى
احلام اه اه لازم اروح البيت يلا
قامت احلام وماسكها بطنها
حمزه احنا اسفين يا جماعه ع اللي حصل بس شكلها تعبان بجد عن اذنكوا
خرجت احلام من المطعم مبسوطه وخرجنا
حمزه يابنت المجنونه ... انتى ممثله هايله بقي
احلام عيب عليك
حمزه طيب هتودينى فين
احلام هوريك الفرق بين الضحكه المستعاره والضحكه اللي طالعه من القلب
حمزه طيب يلا اركبي
احلام حمزه وعوجت بؤها
حمزه ايه تانى
احلام اخر طلب
حمزه قولي
احلام انسي مره واحده انك غنى واعتبر نفسك فقير ومش معاك غير حق الاتوبيس وتاكل من عربيه فول او ناكل من عربيه كبده ف الشارع
حمزه كبده يا احلام
احلام اه كبده .. انا اعرف واحد ف العباسيه الكبده بتاعته تجنن اسمه النتن
حمزه ههههههههههههههههه هتأكلينى من النتن
احلام وافق بقي
حمزه موافق بيبص للشوفير روح انت ولو حد سألك قولهم اخدت المجنونه دي عند الدكتور
احلام ماشيه وهي اللي ماسكه كرسي حمزه وبتزقه
حمزه هنروح فين
احلام بتوشوا وبتضحك الحسين
حمزه يابنت الايه جاتلك ازاي دي
احلام يعنى ايه جاتلي ازاي
حمزه انا عمري ما رحته تصدقي
احلام يعنى حمزه الاباصيري بجلاله قدره مرحش الحسين .. مدخلتش عليا دي
حمزه وغلاوه وسام عندي مروحتهاش قبل كده
احلام طيب استنى اوقف حاجه نركبها
حمزه ما كنا نخلي الشوفير يوصلنا
احلام قولت ايه اتعامل اننا فقرا
حمزه فيه بذمتك واحد فقير يلبس بدله زي دي ولا واحده فقيره ماشيه بكعب والنبي تتلهي
احلام شاورت لاتوبيس وخلت الناس ينزلوا يشيلوا حمزه يطلعوا
وحمزه مكانش مصدق انه راكب اتوبيس وانها اټجننت وعملت كده ..
الكمسري طالع
حمزه مطلعله 50 جنيه
احلام بتداري الفلوس وبتضحك ضحكه عبيطه وبتجز ع سنانها 50 جنيه ايه بس يا حمزه ..هات 2 جنيه
حمزه بس
الللي في الاتوبيس كانوا بصين لحمزه واحلام بصه استغراب وازاي ناس زي دي راكبه اتوبيس .. فيه حالتين يا مجانين يا ڼصابين
نزلت احلام وماسكه الكرسي وناس بتساعدها
حمزه حس بالعجز شويا وحس انه كسف احلام اوووي
حمزه ماتيجي نروح ..