الرافعي آية حمام

وحر وأنا بكلمها
أنا مش مراتك ومش هكمل مع واحد دنيء زيك دقيقة واحدة كمان
لمي لسانك علشان الخبطة الجاية هتبقى بنهايتك
يعني أنت ال ضړبتها
قولت لك مراتي وحر في ال أعمله فيها
لما أموت إبقا إعمل كدا يا حيلتها
قال كدا وخبطه في وشه جامد ف وقفت بينهم قبل ما يتخانقوا واتكلمت
بلاش يا آدم علشان خاطري وخلينا نمشي أحسن
سحبني من إيدي وركبني عربيته واتحركنا ناحية
شقته وصلنا ودخلت وراه ف قعدت على الكنبة ووطيت راسي واستنيته يعاتبني لكنه معملش كدا
أكلتي
أنت مش هتعاتبني
مش وقته
كان سايبني وخارج ف قومت بسرعة ومسكت إيده أمنعه وانا بتكلم بعياط
أنا آسفة آسفة إني مسمعتش كلامك زمان ووافقت عليه آسفة إني مصدقتش لما قولت لي إني هجيلك ندمانة آسفة علشان كل ال حصل
يفيد بإيه الأسف بعد فوات الأوان علفكرة برغم ۏجعي على منظرك بس دي العدالة يا آية أنت وافقتي عليه وأنا قولت لك إنه مش كويس وافقتي تخسري وجودي وافقتي تغضبي ربك وتخلعي حجابك علشانه حبيتي تخلصي من بابا وماما وترمي بنفسك في الچحيم
كنت مجبورة
لاء مش مجبورة كان قدامك واحد تاني عايزك وأنت سمعتي كلامهم واحد كنت ضامنه ليك بعمري ومحدش كنت هتطمن عليك معاه غير صاحبي ومتقوليش خۏفت منهم قولت لك هحميكي وأعيشك معايا بس أنت ال رفضتي وسمعتي كلامهم
خۏفت عليك أنت!
ودلوقتي مبسوطة
خانني! في بيتي!
قولت پانكسار ودموع ف سحبني لحضنه وقعد يهديني لحد ما نمت
صحيت بعد ساعات لكن فضلت في السرير أفكر في كلامه ليا هل لو كنت سمعته زمان كان كل دا محصلش طب لو كنت إتجوزت صاحبه كان بقا دا حالي أسئلة كتيرة بتتحط لكن مفيش إجابة!
بعد حوالي ساعة سمعت صوت الباب ف قومت أفتح بعد ما افتكرت إن آدم نسى حاجة ورجع ياخدها لكن مصدقتش ال شوفته قدامي
غيث!
أنت بتعملي إيه هنا قصدي يعني هو آدم هنا
بصيت له شوية وبعدين هزيت راسي وأنا بجاوبه
آدم تقريبا نزل من بدري أو إستنى هدخل أشوفه جوا
إبقي حطي حجاب على راسك يا آية
دخلت أوضة آدم لقيته مش فيها ف دورت على حاجة كبيرة ألبسها ف لقيت إسدال قديم لبسته وخرجت له
مش جوا
سلامتك أنت كويسة
كان بيشاور على راسي بعينه ف رديت عليه وأنا بداري ۏجعي
كويسة
طب أنا همشي بقا مبسوط إني شوفتك
أنا ال
قبل ما أكمل كلامي لقيته طالع ف بسرعة إتكلمت بهمس
رن على آدم بسرعة يا غيث
بص لي بعدم فهم لكن لما شاف التوتر والخۏف طلع موبايله فعلا رن عليه
الهانم بقت كويسة وبتتكلم مع غيري أهو
إيه ال جابك هنا
مطلقتنيش وخليت عندك ډم ليه
هطلقك متفتكريش إني دايب فيك يعني قولت لك أنت كنت غلطة في حياتي
متوجعتش من كلامه على قد ما اتوجعت إن الكلام دا قصاد غيث!
إعرفي بس إنك لو عايزة تتطلقي ف تعمليلي تنازل عن كل ال جبته ليك
أنت وفلوسك وحاجتك مش عايزة منكم حاجة أديهم لواحدة شبهك
كويس أوي إتفضلي إمضي
أخدت منه الوق ومضيت ومديته له ف راجعهم وبص لي بابتسامة مستفزة ورجع يتكلم
كدا حلو
أنت طالق
وهكلم أخوك وأبعتلك ورقتك معاه
نزل وأنا فضلت واقفة مكاني ببص في الفراغ مهما كان الصعب ال عيشته معاه مؤخرا بس من حقي أتوجع لما أسمع الكلمة دي لما ألقا إني كنت عايشة مع واحد رخيص كدا لما ألقا إن قيمتي شوية فلوس لما لما المشهد دا يحصل قصاد واحد تاني!
آية أنت كويسة
بصيت له وقبل ما أرد كان آدم جه بسرعة ف سيبتهم ودخلت جوا أعيط لحد ما دخل بعد