ملك وائل مجدي حواديت ملك

مكانها.
ضحكت بقوة لكن بصة منه خلتني اوقف ضحك و قولت له بجد زائفة
سكت ولله اهو حبيبي غيور قوى.
انتهد بقوة
تعباني انت.
انا ده انا نسمة.
قال بسخرية
واضح واضح.
اهلا اهلا يا عيد اهلا.
ضحكت بمرح و هو بيشيل الماسك اللي اجبرتة يحطة على وشة اللي بيتشال بصعوبة بصلي بطرف عيونة پغضب روحت مسكت ضحكتي بالعافية و انا بشيل الماسك اللي على أنفي الصغير اما هو حط على وشة كلة ربنا يتولاه بقى.
فجاة بصلي و هو بيجز على سنانة و انا بلعت ريقي و قولت
بص هفهمك اصل انت مسالتنيش بيتحط فين بالظبط فاهم..... ياسين... اع...
جريت بسرعه و انا شايفة نظرة الاڼتقام في عينية
مش هرحمك غير لما احطلك على حواجبك هاا هواجبك.
صړخت بفزع و انا بقف وراه السفرة و هو الجنب التاني
عايزني امشي قرعة من غير هواجب.
ضحك بسخرية و هو بيحسس على دقنة العزيزة علية جدا
انا اللي امشي من غير دقن عادي صح.
عادشي اه.
تمام تمام جدا مليكة مفيش عيدية.
شهقتت پصدمة و قولت
نعم نعم يا خويا قالك مفيش عديها ده ورحمة ستي لعملك جناية.
بصلي بلطافة شديدة
يبقى اعملى الجناية عسل كده.
مشي دخل الحمام و انا جريت علية
ولا يالي قلبت على فارس كمل الشخصية للاخر كان جنتل يا بيه مش بيقول مش هديك عدية ياسين...
قولت و انا بدبدب على الارض بقمص و هو دخل و قفل علية باب الحمام بيحاول يغسل الماسك بدل ما يشيلة
ياسين.
بعد العيد باسبوع.
كنت ماشية و فرحانة بفكر ازاي اقولة الخبر ده هيفرح اوي لما يعرف اني.. اني حامل أخيرا.
كنت بدندن بسعادة و انا بحضر عشاء لذوذ
يا بنات يابنات يا بنات اللي مخلفش بنات مشبعش من الحنية و مداقش الحلويات..
حلوة الايام في عنيا..
طبطبت على بطني بحب و انا بقول بصوت عالى و بحط اخر طبق من العشاء علشان ياسين قرب خلاص
حسة انك بنوتة زي القمر عارفة انا اخترت احسن اب في الدنيا يا قلبي. راجل حنين عطوف جميل محب هنعوز ايه اكتر من كده مثلا.
فجاة الموبيل رن قومت اشوف مين كان حبيب روحي فتحت عليه و انا مقررة اتقمص الشخصية القموصة لانه اتاخر
انت فين يا بيه دي مواعيد دي ت....
قاطع كلامي صوت راجل غريب بيقول
المكروباص اللي كان راكبة صاحب التلفون اتقلب و كلكهم دلوقتي في مستشفى ياريت حضرتك تيجي تستلمي الچثة.
فوقت من ذكرياتي على صوت مريم و هي مڤزوعة
يلهوي مالك... مليكة.
ماخدتش بالي اني بعيط و ان دموعي نازلة بغزارة و بقوة سمحت لنفسي للاڼهيار و شهقاتي عليت في وسط الكافية مسكت ايدي و اخدتني لبرة الكافية و بتقول بفزع و هي حضناني
احكيلي مالك انا كنت سيباك كويسة ده كويس اني نسيت الموبيل بقى... مليكة.
صړخت پقهر
ماټ ماټ جوزي حبيبي ابو بنتي ماټ ماټ و سابني لوحدي من غير ضهر ولا سند ماټ حبيب الروح ماټ احن راجل في الدنيا كلها.
دموعها نزلت و همست
ادعيلة يا قلبي ادعيلة معلش هو في مكان احسن دلوقتي صح تتقابلوا في الجنة.
مامي بتعملي ايه هنا انا كنت بدور عليك جوة مش موجود.
اتجمد مكاني اول ما سمعت صوتها مسحت دموعي بسرعة و فضلت مدياها ضهري لدقايق بحاول استجمع شتات نفسي بعد ما غوصت في بحر ذكريات محبب لقلبي لكنة انتهى بأبشع ذكرى في التاريخ.
لفيت ليها و نزلت على ركبتي لها و قولت لها و انا بهندم هدومها
خلصتي لعب في الكيدز إريا بسرعه يعني غير العادة.
طبطبت على كتفي و قالت
مامي انت كنت بتعيطتي تاني
هزيت راسي برفض
لا
ابدا يا روحي ده بس طنط حكتلي على قصة فيلم خلتني اعيط.
بصتل لمريم و قالت بصرامة غريبة على طفلة
طنط متحكيلش لمامي حاجه تزعلها بعد كدة اوكي.
ضحكت مريم و نزلت على ركبتها قالت لها بحب
خلاثوا شقية انت اوكي يا حبيبت مامي انت.
ماشي.
سلمت على مريم و اخدنا ارقام بعض و بدانا نمشي انا و ياسمين بنتي شوية قبل ما نوقف اي اتوبيس.
مامي هو انا لو عايزة اقول حاجه لبابا هيسمعها
ابتسمت برعشة و قولت لها
طبعا.
وقفت و غمضت عينيها و قالت بحب
بابي انا كان نفسي اشوفك لكن ربنا اخدك لمكان احلى زي ما مامي بتقول دايما لكن حبيت اقولك اني بحبك و سنة جديدة سعيدة على حضرتك.
ابتسمت بحب لها و انا بطبطب على ضهرها و بصيت للسماء و همست بشوق
انا كمان بحبك يا ياسين بحبك و هفضل احبك.
الحياة كأن خبيث تعطيك كل شئ بصعوبة و في لحظة ما تاخذ منك كل شئ بسهولة شديدة حتى لو كان شعور
اتمنى تكون الحدوتة عجبتكم و متنسوش رايكم يا سكاكر قلبي
ملك_وائل_مجدي
حواديت_ملك
سلسلة_مليكة_و_ياسين 36
My Queen.