اسكربيت بقلم ايه حمام

_بس..
_مبسش يا آية عارفة لو كنت لسة في الخطوبة كنت قولت مش مشكلة وهسيبك تفركشي لكن دا مكتوب كتابكم!
أنت متخيلة إيه ال هيتقال لو اتطلقتي دلوقتي!!
برضه كلام الناس برضه بنركز غيرنا هيقولوا إيه ورد فعلهم إيه مش مهم أي حاجة غير الناس وكلامهم!
قومت من قصاده ودخلت أوضتي بعصبية وقعدت أدعي ربنا يحلها من عنده.
_اتفضلي يا عروسة!
أيوا تم الأمر حتى لو كان ڠصب عني!
دخلت بتوتر وحاسة بقلق من ال جاي ف اتكلمت
_هدخل أغير ونخرج نصلي..
سيبته ودخلت عملت كدا وبعد ما صلينا
_الحمدلله يارب.
فتحت عيني وبصيت جنبي لقيت ماما وقربت عليا بسرعة واتكلمت بلهفة
_أنت كويسة يا بنتي
بصيت لها بلوم ودموعي نزلت
_متعيطيش يا حبيبتي أنت علشان نيتك سليمة
سكتت ف غمضت عيني وأنا ببتسم بۏجع وقبل ما أتكلم تاني دخل هو وبابا ومامته ومعاه بوكيه ورد قرب مني واتكلم بأسف
_حقك عليا يا حبيبتي
_أبعد عني وإرمي عليا يمين الطلاق حالا.
_استهدي بالله يا بنتي..
_محدش يتكلم خالص محدش يقول أي حاجة أنا كنت ھموت بسببكم
_غلطت وعرفت غلطي واعتذرت لك أهو وبوعدك إنها مش هتتكرر تاني وهعوضك صدقيني.
_وأنا مبقيتش طايقاك ولا عايزة أسمع اسمك حتى يا أدهم أنت نزلت من نظري وبقيت كارهة وجودك طلقني بالود وابعد عن حياتي بدل ما أعمل محضر فيك وهنتطلق برضه
بصوا لبعض شوية وأنا كنت ثابتة على موقفي لحد ما هو قال لفظ الطلاق وخرج هو ومامته ال بصت لي پغضب وكره وكأني أنا المذنبة مش ابنها!
بعد فترة خرجت من المستشفى ورجعت البيت وكعادة البيئة ال عايشة فيها محدش كان سايبني في حالي كل شوية أسئلة وأسئلة وأسئلة عن ال حصل وال هيحصل.. لكن لأني لا أبالي بالبشر ف مكنتش بهتم برغم جزء الۏجع ال جوايا لكني مبسوطة إن مكملتش معاه ووصلت لمرحلة كان هيبقى وقتها الۏجع أكبر وأكبر!
_عاجبك حالتك دي عاجبك قعدتك جنبي
_عاجبني يا ماما.
_ما أنت جامدة وقليلة الأدب وعمرك ما هتتغيري وإبقي قابليني لو حد فكر يرتبط بيك لما يعرف إنك اتطلقتي يوم فرحك.. كنت كملتي معاه وكنا هنجيبلك حقك منه ونخليه يحلف إنه ميضربكيش تاني بس إزاي لازم تقلدي ال بتسمعيهم وتسمعي كلام راسك!
_أنا واثقة في ربنا وفي نصيبي يا ماما وكدا كدا أنا سليمة ومغلطتش.
_مليش دعوة بال هيتكلم ليا دعوة بنفسي نفسي ال لازم أحافظ عليها وأصونها لحد ما ييجي الشخص الواعي ال يستاهلها.
_إبقي سلميلي عليه لو جه بقا.
قومت دخلت أوضتي وفتحت باب البالكونا ووقفت أتنفس جامد وأنا جوايا حاسة إن ال عملته دا هو الصح عارفة إني هتعب في الفترة الجاية من ال هقابله بس كفاية أكون راضية عن نفسي ومرتاحة نفسيا وأيا كان ال مكتوب ليا ف أكيد هو الخير!
_تمت.
آية_حمام.