حبي الثاني

عشان عاوزاك في حاجة تانية بس بعد ما ناكل
استغرب عمر لكنه معلقش
عمر بجدية تمام هاخد شاور علي ما تحضري
الغدا براحتك عشان انا كمان عاوزك في موضوع
نغم بحماس ماشي علطول
دخل عمر اوضته وكانت متابعاه نغم بحماس وبعدين اتنهدت براحة وقررت تقوله اللي هي فكرت فيه وقررته فدخلت كملت الغدا وحطت الاكل عالسفرة وفي نفس الوقت خرج عمر وقعد بهدوء وبدأ ياكل من غير ما يرفع عنيه حتي ويبص لنغم
نغم بتوتر عمر انا اسفة
عمر وهو بيرفع عنيه باستغراب احم علي ايه
نغم بتردد عشان اخر مرة اتخانقنا فيها انا قولت كلام وحش ومينفعش يتقال انا عارفة بس حقيقي مكنتش اقصد
عمر بجدية لا عادي انا اصلا نسيت الموضوع وبعدين انتي قولتي اللي حاسة بيه ودي حاجة متخلكيش تعتذري
نغم بندم لا طبعا انا بس كنت تايهة لكن صدقني انا مكنتش اقصد اجرحك عمر انت بالنسبالي حاجة كبيرة اوي واللي عملته عشاني انا لو عشت عمري كله مش هقدر اسده ليك
عمر باندفاع لا متقلقيش مش هتضطري تدفعي تمنه وجودك هنا وجوازك مني وهو ده الموضوع اللي كنت عاوزك فيه
نغم پخوف انت قصدك ايه يا عمر مش فاهمة
عمر بجدية يعني انا اتكلمت مع ماما وعرفتها ان جوازنا ده مش هيستمر كتير وان مجرد ما نتم سنة مع بعض هطلقك وتبقي حرة وقتها وتقدري تتحرري من السچن ومش هيبقي في غلطة تفضلي تتعاقبي عليها
نغم باندفاع بس انا قولت الكلام ده وقت ڠضبي انت ليه مصمم تحاسبني عليه ليه يا عمر انا قولتلك اني مكنتش اقصد
عمر بلا مبالاه مش محتاجة تبرري يا نغم وحقك انك متفضليش رابطة نفسك بيا وحقي انا كمان اني اعيش حياتي مع الانسانة اللي اختارها قلبي
نغم پصدمة وتهتهة عمر انت مرتبط بحد
عمر بتلقائية طبعا وبعد اللي حصل و جوازي منك اضطريت اني ابعد بس خلاص انا روحتلها وكلمتها وفهمتها كل حاجة وهي قدرت الوضع وهتستناني لما نطلق
نغم بخيبة امل تمام يا عمر ربنا يسعدك ولو حابب ترتبط بيها من دلوقتي انا معنديش مانع تقدر تعمل ده
عمر بجدية ايه هو الموضوع اللي كنتي عاوزاني فيه
نغم بكدب كنت عاوزة اتقل من الجامعة دي وكنت عاوزاك لو تعرف تنقلي ورقي
عمر باستغراب ايوة بس دي خلاص اخر سنة ايه اللي جد انتي في حد بيضايقك هناك
نغم بتلقائية لا مفيش انا بس مش حابة الجامعة دي عموما خلاص مش مهم انا غيرت رأييي وهكمل فيها
عمر بجدية تمام عموما هشوف هقدر اعمل ايه يلا تصبحي علي خير
دخل عمر اوضته بعد ما خلص كلامه ووقتها دموع نغم نزلت لوحدها بتلقائية علي خدها ومسحتها هي بسرعة
بعد يومين كانت ماشية نغم بعد المحاضرة في الجامعة لحد ما وقف قدامها فجأة كريم فبصتله پغضب
كريم بسرعة اهدي بس وقبل ما تقولي اي حاجة انا عارف اني استاهل كل اللي هتقوليه بس ارجوكي اديني فرصة واحدة اشرحلك
نغم پغضب تشرحلي ايه انك وكداب انا بقي مش عاوزة اسمع منك حاجة ولو اخر راجل في الدنيا مش هسمعلك يا كريم فوفر علي نفسك بقي الشويتين دول وؤوح للسنيورة بتاعتك
نغم خلصت كلامها ومشيت فاتكلم كريم بلهفة انا ندمان يا نغم
وقفت نغم فجاة اول ما كريم قال كدة ولفت وبصتله
كريم بسرعة ايوة يا نغم ندمت وكل يوم بأنب نفسي الف مرة اني كنت السبب في اذيتك واني بعدت عنك صدقيني يا نغم انا لسة بحبك ونفسي تسامحيني وترجعيلي وقتها اوعدك اني