اسكربيت خېانة صعنت عشق كامل بقلم اسراء ابراهيم

إنها بداية جديدة أحسن بكتير
سرحت شروق في كلام يوسف وقررت انها فعلا تبقي قوية عشان تسترد نفسها وتبني حياتها
بعد حوالي ست شهور من طلاق طارق لشروق اللي كانت بتحاول تنسي كل اللي حصلها وتبدأ من جديد واللي ساعدها هو يوسف اللي كان جمبها لحظة بلحظة في كافيه هادي في وسط البلد شروق ويوسف كانو قاعدين على ترابيزة حنب الشباك اللي بيطل على الشارع والكافيه كان مليان ناس بس الجو حلو
يوسف بابتسامة وهو بيحط لها كوب الشاي قدامها فاكرة وإحنا صغيرين كنتي دايما تقوليلي إن الشاي بلبن بيهديكي لما تكوني متضايقة شوفتي أنا لسه فاكر
شروق بابتسامة ضعيفة
لسه فاكر معقولة ! ياااا يا يوسف أنا نفسي نسيت الحكاية دي
يوسف وهو بيبصلها بعمق
في حاجات متتنسيش خصوصا لما تكون مرتبطة بحد غالي
شروق اتفاجئت من كلامه وحست بارتباك غريب وقلبها دق بسرعة بس حاولت تدارى ده فأخدت كوباية الشاي وشربت منه عشان تعدي الموقف
شروق بابتسامة
شكرا إنك واقف جنبي الفترة دي بجد كنت محتاجة حد يفهمني
يوسف بلهجة جديدة علي شروق وهو يبصلها
مش محتاجة تقولي شكرا يا شروق أنا دايما موجود بس يا ريت تكوني بطلتي تزعلي نفسك عشان واحد ميستاهلش
شروق بحزن
مش عارفة يا يوسف الموضوع مش بالساهل زي ما انت فاكر بس كان جزء مني وصعب اني اتخطاه بسهولة
يوسف وهو مقاطعها بحنية
بس اللي مخافش يخسرك وخانك مكنش يستحق يكون جزء منك من الأساس
لحظة صمت بينهم وشروق رفعت عينيها تبص ليوسف ووقتها شافت في عنيه نظرة غريبة اول مرة تلاحظها اوي كدة ما شافتش زيها قبل كده منه كانت نظرة حنية وخوف عليها مش بس كأنها بنت عمه كأنها كل حياته
شروق بتردد
يوسف انت ليه دايما بتحسسني إنك شايفني أكتر من اللي أنا شايفاه في نفسي
يوسف بابتسامة مليانة صدق
لأنك فعلا كده شروق طول عمري بشوفك أقوى من اللي بتحسيه أرق من اللي بتوريه لاي حد أنا مش بجاملك بس لو تعرفي قد إيه انتي مهمة بالنسبالي
شروق حست كلام يوسف بيهزها من جوه لأول مرة حست إنها مش بس بنت عمه أو حد بيحميها حست إنه شايفها بشكل مختلف بشكل هي نفسها مكنتش شايفاه
شروق وهي بتبعد نظرها بتوتر
يوسف متقولش كده أنا مش أنا مش عارفة أرد
يوسف وهو يبتسم بهدوء
مش محتاج رد منك شروق أنا بس عايزك تبقي بخير دلوقتي بس كده
شروق حست بحاجة جديدة بتتولد جواها حاجة لخبطتها أكتر لأول مرة تلاحظ تفاصيل يوسف صوته الهادي نظراته اللي فيها أمان وحتى الطريقة اللي بيهتم بيها من غير أي مقابل كل حاجة مختلفة بس حلوة
شروق بابتسامة متوترة
ما تبقاش درامي كده يا يوسف انا كبرت على الكلام ده والدلال ده كله
يوسف وهو يضحك
كبرتي انتي دايما هتفضلي في نظري شروق الطفلة اللي مرىيها علي ايديه واغلب حد في حياتي
ابتسمت شروق ابتسامة خفيفة بس جواها بدأت تسأل نفسها هو ليه الكلام ده ووقتها بدأت تشوف يوسف مش بس ابن
عمها بس كحد أقرب بكتير من اللي كانت متخيلاه
بعد اخر مرة شروق كانت متلخبطة من مشاعرها تجاه يوسف فكانت بتحاول تهرب منه ومن مقابلته ووقتها يوسف بدأ فعلا يبعد لما حس ان شروق هي اللي عاوزة كدة بس الاندفاع والغيرة اللي حستهم لأول مرة خلوا قلبها ما يعرفش يهدأ
يوسف كان قاعد في الصالون بيشرب قهوته بهدوء بعد ما طلبت منه مرات عمه نهال انه يجي يتغدي معاهم فكان مشغول بالموبايل بس شروق كانت مش قادرة