اسكريبت عشقته قبلها بقلمي اسراء ابراهيم

اسكريبت
عشقته قبلها
بقلمي اسراء ابراهيم
وقف عمار بعصبية وهو بيقؤل لفتون بنته
انتي اټجننتي يا فتون !! عايزة تتجوزي واختك معداش شهرين علي ۏفاتها لا والمصېبة الاكبر انك حاطة عينك علي جوزها
فتون اتنهدت بحزن وقالت بتوتر
يا بابا لو سمحت افهمني بس الاول
عمار زعق پغضب من غير ما يسمع
افهم ايه واهبب ايه تعالي يا الهام شوفي بنتك اللي عايزة تتجوز جوز اختها
الهام خرجت من القوضة علي صوت جوزها العالي وقالت پصدمة
تتجوز رائد وبصت لفتون وقالت پغضب يعني اختك لسة مېتة وتتجوزي يا بجاحتك ومييين جوزها اللي كانت بتحبه انتي ايه قلبك ده حجر من يومك وانتي بتكرهيها دايما كنتي بتحاولي تضايقيها ايه ده انتي ازاي كدة
فتون بصت لامها پقهر ومتكلمتش كانت ساكتة زي ما اتعودت دايما لما بتتخانق معاها عشان فاتن اختها وعمار كان قاعد بيسمع الهام مراته وساكت وبعدين رفع دماغه وبص لفتون وقالها
انا عايز اعرف ازاي تفكري في رائد وهو اصلا موقفه ايه من ده كله يعني عنده علم باللي بتقؤليه ده انطقي
فتون مسحت دموعها وقالت بهدوء نسبي
رائد ميعرفش حاجة انا اللي بقؤل لحضرتك عشان تبلغه بطلبي وتعرفه اني عايزة اتجوزه عشان نور بنت فاتن الله يرحمها متترباش بعيد عني لاني بحبها
ضحك عمار وهو بخبط علي ركبته بسخرية
والله عال اكلم جوز اختك اقؤله بنتي التانية طالبة تتجوزك انتي باينك اټجننتي يا فتون
فتون غمضت عنيها پغضب وحاولت تكتم احساسها جواها واتنفست بسرعة وقالت
لو سمحت يا بابا انا بكلم حضرتك عشان تبلغه ولو حضرتك معملتش كدة انا اللي هبلغه بنفسي
الهام قربت من فتون پغضب بعد ما سمعت كلامها ومسكتها من دراعها وهيا بتقؤل بحدة
جرا ايه يا بت انتي محدش مالي عينك اومال فين فتون اللي عاملالنا فيها طيبة وهبلة دلوقتي بقيتي بجحة وبتتكلمي وطلعلك صوت ثم ان نور اصلا كبيرة مهياش محتاجة اللي تاخد بالها منها ده عندها سبع سنين وكمان رائد قالنا انه مش هيتجوز تاني يعني مستحيل يجيبلها مرات اب
فتون بصت لامها بتحدي وقالت بثقة
وانا متأكدة ان رائد هيوافق بس بابا يكلمه وهتشوفي انه هيوافق
الهام بصت لفتون بشك وقالتلها
بت انتي انا مش مرتحالك قلبي بيقؤلي ان الموضوع ده في إنة بس انا مش هناولك اللي في دماغك يا فتون
عمار نهي الكلام لما وقف وقال بحزم
خلاص الموضوع ده يتقفل لحد ما اشوف هعمل ايه فيه كدة كدة البت مكنش ينفع تتربي بعيد عننا حتي لو هو صدق ومتجوزش زي ما قال
اتنهدت فتون براحة اول ما سمعت كلام ابوها وسابتهم ودخلت اوضتها بهدوء وهنا اڼفجرت في العياط زي عادتها لما بتتجرح منهم دايما بتبان قوية بس اول ما بتكون لوحدها ساعتها القناع ده بيقع وبيبان ضعفها مشيت فتون لحد المكتب ومسكت صورة فاتن اختها وبقت تبصلها بمشاعر مختلطة من جواها مش عارفة اذا كانت كره ولا حب ولا شفقة بس اللي متأكدة منه انها دايما كانت بتتمنالها المۏت ويمكن ده اللي مخلي احساس الندم ملازمها مسحت فتون دموعها وشالت الصورة تاني وبصت لنفسها في المراية وكانت بتدقق في ملامحها اوي دايما كانت پتكره نفسها عشان شبه اختها كانت امنيتها الوحيدة دايما انها تصحي من النوم في يوم بملامح مختلفة عن اختها فاتن بس للاسف اتكتب عليها دايما تفضل فاكراها وشايفاها طول الوقت بصت لنفسها پغضب ودورت وشها وهيا مقررة تكمل اللي بدأته للاخر
......... ...
عمار دخل اوضته وقعد علي السرير وهو في حيره وڠضب وناده علي مراته
الهاااام
الهام وهيا جايه من الصاله
جايه ياحاج جايه ودخلت الاوضه وبصلها عمار بهدوء وقال
اقفلي الباب وراكي
الهام قفلت الباب وراها وقعدت جمب عمار وهيا بتقؤله بضيق ايه ياعمار هنعمل ايه في بنتك دي انا مش مرتاحه للحوار ده
عمار وهو بيتنهد بحيرة
مش عارف ياالهام بس بيني وبينك فتون معاها حق
الهام خبطت علي رجليها بشهقة وقالتله پصدمة
انت بتقول ايه دي معندهاش ريحة ډم تبقي اختها لسه مكملتش٦٠ يوم والبجحه عايزة تتجوز جوزها
عمار اتعدل في قعدته وقال لالهام بعقل
يالهام فكري فيها بعقل شويه لو جوز فاتن قعد شهر من غير جواز مش هيقعد التاني ولو قعد سنه مش هيقعد التاني كده كده هيتجوز بس هي مسألة وقت انتي عارفه مفيش راجل بيعرف يقعد من غير ست
الهام بصتله بضيق وهي بتفكر بصوت عالي وقالت
بس هو قال عمره ماهيتجوز بعد فاتن ولو قال هتجوز نبقي ناخد البت تعيش معانا وهو يتجوز براحته
عمار بسخرية وهو بيربع ايديه
افرضي قال هتجوز وبتني هتعيش معايا هتقدري تقوليلو لا دي بنته يا الهام
الهام پغضب ملوش سبب
اللي انت شايفه ياحاج بس هتقولو تعال اتجوز بنتي
عمار بص بعيد وقال بتفكير
اكيد لا يالهام انا هتصل بيه لو في البيت هروحله البيت واللي عايزة ربنا يكون
.................
في شقة رائد جوز فاتن
كان قاعد رائد مع بنته نور بيذاكرلها وفي نفس الوقت خرجت امه نهله من المطبخ وهي بتقول بابتسامة
انا خلصت الاكل ياحبيبي هسيبكم وامشي انا بقي عشان الحق اعمل لقمه لابوك
رائد باس ايد امه وهو بيقول بحب
تسلم ايدك ياست الكل وحقك عليا انا عارف اني تعبك معايا
نهلة بصتله بزعل وقالتله بحنان
متقولش كده يا حبيبي هو انا لو متعبتش عشانكم هتعب لمين وكملت كلامها بتردد
بس كنت عايزة اتكلم معاك يا رائد في موضوع
قاطعها رائد وهو بيقول لنور
نور روحي كملي المذاكره في اوضتك ياحبيبتي
نور خدت كتابها ودخلت
ورائد بص لامه وقالها
ماما قفلي علي الموضوع ده انا مش هتجوز ولا هدخل علي بنتي واحده غريبه
نهله اتكلمت وهي بتقعد جنبه علي الكنبه
يابني اسمعني انا بس صعبان عليا بنتك دي بتشحطتها معاك انت عندك شغل مش هتفضل قاعدلها وهي وراها مدرسه عايزة اللي يلبسها ويأكلها ويهتم بيها وانت في الشغل انت مش هتعرف تعمل كل ده وانت كمان عايز اللي تغسلك هدومك وترجع من الشغل تلاقي اكله كويسه
رائد صمم علي رأيه وقالها
لا ياماما انا عمري ماهبقي مطمن علي بنتي مع واحده غريبه ولا انا هكون مرتاح طلعي الموضوع ده من دماغك ولو حضرتك تعبتي انا هشوف واحده تيجي كل اسبوع تشوف طلبات البيت وتعملنا اكل بالاسبوع
نهله بصتله بحزن وقالت بزعل اخس عليك يا رائد انا لو هشيلكو العمر كله عمري ما هتعب انا بس قصدي ان انا لو عشتلكو النهاردة مش عايشه بكرة عايزة اطمن عليك واشوفك مرتاح
رائد وحس بنغزه في قلبه
بعد الشړ عليكي ياامي متقوليش كده ربنا يخليكي ليا
نهله ابتسمت وقالتله وهيا بتقوم من علي الكنبه
ماشي ياابني ربنا يطمني عليكو ياااارب ويقدملك اللي في الخير انا هقوم انا بقي عشان متاخرش علي ابوك
رائد كان لسه هيرد بس سكت لما لقي تليفونه بيرن فقال بابتسامة
ده عم عمار تلاقي عايز يطمن علي نور
نهله حركت راسها بموافقة وقالتله وهيا بتمشي