اسكريبت عشقته قبلها بقلمي اسراء ابراهيم

شاورلها بايديه وهو بيقوم وقرب من فتون وهو حاسس انه للاسف اب فاشل لانه مكنش عارف ايه اللي بيحصل في بيته فمسح دموع فتون بايديه وهو بيقؤل بهدوء
اانا مصدقك يا حبيبة بابا بس بعتب عليكي انك عيشتي كل ده يا فتون ومقولتليش انا المفروض امانك وحمايتك حقك عليا يا قلب ابوكي روحي اغسلي وشك وسيبيني انا وامك لوحدينا شوية
ابتسمت فتون بدموع وحركت راسها بموافقة وسابته وخرجت وفضلت الهام اللي كانت بتبص لعمار بقلق من رد فعله بعد ما عرف كل حاجه وفعلا قرب عمار من الهام پغضب فقالتله پخوف
صدقني يا عمار دي كدابة دي دي
وقفها عمار بصوته لما وقف قدامها
وهو بيقول بسخرية
وايه اللي يخليني مصدقهاش يا الهام محدش عارفك وحافظك قدي من اول ما اتجوزتك وانتي بان طبعك وحقدك من اهلي وكنت بسكت واقؤل بكرة تتغير وتبقي كويسة بس للاسف عمرك ما اتغيرتي بس عمري ما كنت اتخيل انك ممكن تفرقي في المعاملة بين بناتك وليه عشان فتون بطبعها هادية ومش بتحب المشاكل انتي ازاي كدة ازاي قلبك طاوعك انك تعاملي بنتك وحش وتطلعيها بالشكل ده ازاي تخلي اختها تكرهها وتعاملها وحش وكمان تشجعيها علي كدة دايما كنت بشوف فتون لوحدها وعمري ما شفتك واخداها في حضنك دايما فاتن هيا الاهم طب مجاش في بالك انهم ممكن يأذو بعض
الهام كانت بتسمع عمار وهيا قاعدة وحاطة وشها بين ايديها وحاسة بتأنيب الضمير كانت بتكلم نفسها وبتعاتبها انها ليه عملت كدة فتون زي فاتن بالظبط يعني غلاوتهم واحدة ليه حبت واحدة اكتر من التانية وفي نفس الوقت عمار اتكلم كأنه كان سامع افكارها وبيرد عليها
تعرفي انتي فرقتي بين بناتك ليه يا الهام عشان فاتن كانت شبهك وواخدة كل طباعك وانتي كبرتي الحقد والكره لاختها فيها من وهيا صغيرة لكن فتون كانت شبهي في كل حاجة كانت بطبعها هادية ومسالمة وعمرها ما تقدر ټجرح حد حتي بكلمة ودلوقتي يا الهام فاتن اهي راحت للي خالقها تقدري تقوليلي كسبتي ايه ياريت تراجعي نفسك قبل فوات الاوان وادعي ان فتون تقدر تسامحك عشان هيا اللي بقيالك دلوقتي هيا الوحيدة اللي المفروض كانت تهون عليكي فراق فاتن
غمضت الهام عنيها بحزن وندم بياكل في قلبها واتمنت لو الزمن يرجع وتقدر تغير كل حاجة بس للاسف
..........................
اتكتب كتاب رائد علي فتون اللي كانت في قمة سعادتها وكانت حاسة ان الدنيا بتصالحها بيه كان قلبها طاير من الفرحة عكس احساس رائد اللي كان حاسس انه خاېن لمراته اللي معداش علي مۏتها كام شهر بس عشان بنته كان لازم هيعمل كدة وفعلا اتجوز فتون وهو من جواه حاسس بقلق وتوتر لانه مكنش في بينهم كلام خالص طول فترة جوازه من فاتن ولانها كانت دايما ترد عليه بجمود ولو صادف واتقابلو فكان دايما عنده شعور انها بتكرهه لسبب هو ميعرفهوش فكان حريص انه يكون في مسافة ورسمية في المعاملة اتنحنح باحراج ودخل الصالون اللي كانت قاعدة فيه فتون وهيا باصة للارض وبتفرك في ايدها من التوتر والفرحة وهيا مستنية اللحظة اللي هيتكلم فيها معاها وهيا مراته وهو جوزها وحبيب عمرها قعد رائد وبعد ثواني نده علي فتون ببحة مميزة خلت قلبها يدق فرفعت عنيها ليه وفضلو باصين هما الاتنين لبعض شوية وللحظة سرح رائد في عيون فتون كأن عيونها مش غريبة عليه وقتها حس باحساس غريب ورعشة اتملكت قلبه فاتوتر وبص للارض وهو بيقول بجدية
احنا لازم نتكلم مع بعض شوية عشان تبقي كل حاجة واضحة من الاول انتي عارفة اني اتجوزتك عشان خاطر ...
قاطعته فتون بإبتسامة وهي بتكمل كلامه ولما رفع رائد راسه وشاف ابتسامتها اتوتر اكتر وكانت عنيه مركزة علي ملامحها وهيا بتتكلم برقة
عشان خاطر نور متقلقش يا رائد
انا فاهمة وعارفة كل حاجة وكل حاجة هتبقي كويسة ونور دي بنتي و هيا كمان بتحبني قد ما انا بحبها وانا هبقي مطمنة عليها وهيا في حضڼي اكتر عشان كدة وافقت
بعد شوية انتبه رائد ان فتون خلصت كلامها فقام باحراج وقال
تمام يا فتون كدة انا ارتحت ان كل حاجة بقت واضحة لينا دلوقتي البيت بيتك تقدري تعملي اللي انتي عايزاه بس لو سمحتي اوضتي انا وفاتن ياريت متقربيش منها هو ده طلبي الوحيد
فتون قلبها ۏجعها لانها مكنتش متخيلة انه بيحبها اوي كدة ودموعها كانت هتخونها وتنزل
فقامت من مكانها وهيا بتقؤل بهدوء
ممكن اعرف هنام فيين
رائد حس انها اضايقت وانه جرحها فلعڼ نفسه لانه قالها كدة في وقت زي ده وقال بهدوء
انا وضبتلك اوضة جمب اوضة نور علطول وفيها حمام خاص بالقوضة عشان تبقي علي راحتك و
قاطعته فتون وهيا بتسأله بهدوء وبتتجاهل كلامه
ممكن انام مع نور في نفس القوضة ولا ممنوع
اضايق رائد من نفسه لانها حسسته انه بيتحكم فيها لما قالها متدخلش اوضته هو وفاتن وقالها بندم
فتون ده بيتك تقدري تنامي في المكان اللي يريحك وانا مش بتحكم او بأمرك بجد اعذري
قاطعته فتون وهيا بتمشي من قدامه بفستانها الرقيق
تمام متشكرة جدا ليك تصبح علي خير
سابته فتون ومشيت من قدامه ورائد نفخ بضيق من نفسه واتنهد بحيرة ودخل هو كمان اوضته
................................
قامت فتون من النوم علي صوت خبط علي باب اوضتها ورغم انها كانت طول الليل بټعيط عشان اللي قاله رائد ليها وحبه لفاتن اختها اللي باين من كلامه بس اول ما صحيت ابتسمت عشان بس هيا معاه في مكان واحد وعشان بقت مراته وقررت انها تخليه يحبها زي ما هيا بتحبه واكتر قامت فتون من السرير وهيا بتقؤل بهدوء
ايوة ثواني
فتحت الباب وبصت لرائد اللي بلع ريقه بتوتر اول ما شافها بشعرها لاول مرة فتون رغم انها نسخة من فاتن بس فتون اجمل من جوة وبرا كمان لان شعرها لون الدهب بطبعه مع بياضها وملامحها وعيونها اللي بتختلف عن عيون فاتن لانها لونها ازرق فكانت ملاك بجد اتنحنح رائد بتوتر وقال
اهلي واهلك بيخبطو ياريت تطلعي عشان نفتحلهم سوا عشان يعني ..
ابتسمت فتون بفهم وقالتله برقة
عشان ميشوفونيش وانا خارجة من اوضة نور تمام حاضر ممكن تديني دقيقة وهبقي جاهزة
حرك رائد راسه بتفهم وسابها ومشي وبعد شوية خرجت فتون وراه وهيا لابسة فستان جميل وكانت مسيبة شعرها وشكلها كان قمر اوي فاتوتر رائد اول ما شافها وفتح الباب ورحبو هما الاتنين بأهلهم وخاصآ نور اللي كانت فرحانة اوي بفتون وكانت طول الوقت قاعدة في حضنها لدرجة ان رائد استغرب لانه كان متوقع انها تعترض وترفض بديل لامها وانتبه لصوت نهلة امه وهيا بتقؤل لفتون بحب
بس بسم الله ما شاء الله عليكي يا فتون قمر يا حبيبتي والله
قبل ما فتون ترد اتفاجأت بالهام وهيا بتقؤل بابتسامة واسعة
طبعا ده فتون طول عمرها وهيا قمر وكان كل اللي يشوفهم هيا او