اسكربت اڼتقام صعيدي بقلم اسراء ابراهيم

اسكربت
اڼتقام صعيدي
ايه اللي رجعك يا نوح راجع تكسرني كيف ما كسرتني زمان
نوح بغموض
انا لا راجع اكسرك ولا كنت وعدتك بحاجة يا بت عمي بكفياكي بجي عاد ندب
فتون بقوة
عنديك حج بس انا اللي غلطانة اني علجت نفسي بحبال دايبة وفضلت عاشجاك خمس سنين وانت مسافر بس ملحوجة احنا نروح نجيب عمي ونقوله اننا رافضين ونفضها سيرة وبلاها الجوازة دي من اساسه
نوح بحيرة
كان بودي يا فتون لاني مرايدش اكسر جلبك ولا اخليكي تتعشمي بحاجة عمرها ما هتحصل بس للاسف ابوي حكم لاجل اني لازمن امسك من بعده وده اللي رجعني وغير كدة مكنتش هرجع
فتون بعصبية
اومال انت جاي ليه دلوك ايه اللي خلاك تهمل بيت عمي وتيجي اهنه تجابلني رايد تعرفني انك مرايدنيش تمام يا نوح حاجة تاني
نوح بتنهيدة
جيت عشان اتكلم مع عمي فهد واحدد معاد كتب الكتاب
فتون بقوة
وانا بجولك اني مش موافجة يا نوح وانا هتحدد مع ابوي وهجوله اني مش رايداك وهو عمره ما هيغصبني علي حاجة ابدا انت فاهم
نوح بلا مبالاه
تمام يا فتون ابجي جولي لعمي اني جيت ولو عرفتي تقنعيه ابجي بلغيني
فهد من وراهم وهو داخل من الباب
تبلغك بايه يا ولد اخوي
نوح بجدية
فتون بتجول انا ا مش رايداني يا عمي وبتجول انها رافضة الجوازة دي انت ايه رأيك
فهد بجدية
ومن مېتي البنتة عندينا ليهم رأي يا نوح
فتون پصدمة
انت هتجوزني ڠصب عني يا ابوي هتغصبني علي الجوازة دي
فهد بتردد
اانا خابر مصلحتك زي يا فتون اسمعي كلام ابوكي ووافجي علي نوح وريحيني ده لمصلحتك
فتون باڼهيار
لمصلحتي انت بتجول ايه يا ابوي انا بجولك اني مش عاوزاه كيف تجولي وافجي
فهد بضيق
بقولك ايه يا فتون جوازك من نوح هيتم مهما عملتي فوافجي بالرضا احسن يا بتي وبكفياكي عاد عند احنا مش هنلاجي احسن منه
فتون بصتلهم بحزن وقهرة وسابتهم وطلعت بس وقفت علي صوت نوح
نوح بخنقة
خلاص يا عمي انا مش هجبر فتون علي حاجة وانا رجعت في كلمتي ومش رايد اتجوزها وانا هتكلم مع ابوي
مشي نوح وكانت متابعاه فتون بحزن لانه لتاني مرة يكسرها ويتخلي عنها بس عادي دي مش اول مرة وهو اصلا مش عاوزها من البداية

كان واقف نوح قدام امه سيدة وهو مخڼوق ومضايق بعد ما جه من عند عمه
سيدة بلهفة
طمني يا ولدي فتون وافجت يا نوح انت ساكت ليه عاد
نوح بتنهيدة
موافجتش ياما وبعدين ليها حج لو انا مكانها مكنتش هوافج وانا عاذرها والله
سيدة بشفقة
خابرة يا ولدي انها مالهاش ذنب باللي حصل زمان بس انت كمان مكنش ليك ذنب يعني كنت هتعمل ايه غير انك تهملها عشان كلام ابوك
نوح بعصبية خفيفة
لا كان في ياما كان ممكن اعمل حجات كتير غير اني اهملها وامشي كانت عاشجاني وانا كنت بمۏت من جوايا وانا مش جادر اجولها اني عاشجها بس ابوي الله يسامحه هو اللي رفض وهددني اني لو مسافرتش هيروحلها ويجولها انه مش موافج ويبجي حصلت قطيعة بينا وبين عمي فهد
سيدة بقلة حيلة
طيب يبجي مين اللي غلطان عاد انت مكنش في يدك حاجة تعملها وقتها يا ولدي وبعدين ابوك الحمد لله اهو وافج وخلاص كلمك عشان تيجي تتقدملها
نوح بانفعال
بعد ايه ياما بعد ما فتون كرهتني بعد ما جالتهالي في وشي ايه اللي رجعك انا عارف اني خسرتها بس ربنا يعلم انه مكنش بيدي وحتي دي مش جادر اجولهالها عشان ابوي وعمي بس هو لو يريحني ويجولي ليه