الغابة الملعۏنة قصة حماده هيكل

منه راجل عجوز وقال
اهلا يا ولاد انتوا دخلتوا الغابة
مع أهلكم ولا تايهين
الصراحه دخلنا لوحدنا وكنا عايزين نشرب ..لمحڼا البيت
وجينا نستأذن من صحابه ونطلب مايه
اهلا بيكم اتفضلوا ..فتح لنا الباب
ودخلنا كان البيت بسيط من جوه
سرير وطاولة وكرسيين
وراديو شغال عليه أغاني قديمه
من الستينات
شربنا وبعدها سألني
انت اسمك ايه وكام سنه
جاوبته وفضل يتكلم معايا
عن دراستي وأهلي
واني ولد شجاع ودخولي الغابة
مخاطرة كبيرة رغم تحذير أهلي ليا . كل كلامه كان موجه لي
ومسألش آشلي ولا كلمها في حاجه ..وهي كانت ساكته
سألته انت من امتى عايش هنا
وليه في الغابة ..انا توقعت انا مفيش حد عايش فيها غير الحيوانات والطيور ..و..
سكت ليه والأشباح مش كدا
اه انا بسمع اساطير كتير عن الغابة وان اللي بيدخلها مبيرجعش
كله كلام بس انا عايش هنا من سنين طويلة وبسمع زي الناس ما بتسمع
..انا جعان ايه رأيك تحب تاكل ..
لا شكرا ..احنا يادوب نرجع
عشان دا وقت عودتنا من المدرسه..يلا بينا يا آشلي
آشلي بصت لي وقالت بحزن
انا مش هرجع
ايه يعني ايه مش هترجعي
لأن دا بيتي
نعم ! بيتك ازاي
الراجل العجوز ابتسم
وبعدها ملامح اشلي أتبدلت
وبقت وحده تانية
سنها أكبر في تجاعيد على وشها
شعرها أبيض ..أسنانها نصها واقع
صوتها بقى أخشن
انا مش آشلي يا بروس
وقفت من مكاني وحاولت افتح الباب وأهرب لكنه اتقفل في وشي ..وملوش مقبض
متحاولش تهرب انت ولد ذكي
كنت مړعوپ وانا بقولهم انتوا مين وعايزين مني ايه
انا كنت عايش هنا من 50 سنه مع بنتي لكن حصل علينا
هجوم من عصابة مسلحه
اغتصبوا بنتي قدامي وقتلوها
ولما جيت ادافع عنها قتلوني انا كمان ..من وقتها وأرواحنا رجعت عشان ټنتقم من اللي عملوا كدا
لأن القضية وقتها اتقيدت ضد مجهول بسبب ظابط فاسد ..قررنا ننتقم من الجناه بنفسنا ..فضلنا نقتلهم واحد ورا التاني بمجرد دخولهم الغابة
ومن ساعتها طلعت الاسطورة دي أن الغابة ملعونه
يعني انتوا مش عايشين
للأسف لأ
طيب انتوا انتقمتوا من اللي عملوا كدا ..عايزين مني ايه
جدك كان الظابط اللي مسئول عن قضية قتلنا ..واللي كان السبب في ان القضية تتقيد ضد مجهول
جدي !! أزاي
أخد رشوه من واحد منهم
عشان يخفي الأدلة اللي ممكن تدين الجناه
بس انا جدي كان ظابط محترم
ومحبوب من الجميع وطلع معاش والكل بيحلف بأخلاقه
جدك هو السبب في كل اللي حصل ..الغابة اتحولت چحيم بسبب انه باع ضميره
دخولك الغابة كان فخ عشان ننتقم من جدك
مش فاهم
هتفهم بعدين ..
بعدها اتحط عليى وشي غطا ولقيت الدنيا ضلمت وفقدت الوعي
بعدها صحيت لقيتني نايم في أوضتي
أستغربت دا حصل أزاي ولا انا كنت بحلم وكل دا مش حقيقي ...نزلت تحت لقيت والدتي لابسه أسود وحزينه
انت فوقت يا بروس ..انت كويس
هو ايه الي حصل يا ماما
انت اختفيت 4 ايام عن البيت
ومرجعتش من المدرسه
دورنا عليك وقلبنا الدنيا
اتصلنا بجدك وعرفناه الي حصل
جه وفضل يدور مع والدك
والأهالي مع الشرطه ..وقرروا يدخلوا
الغابة
لانه المكان الوحيد اللي فاضل في المدينه واحنا كان عارفين انك عندك ميول تدخله.
رغم تحذيرنا ليك
جدك ضل طريقه واختفى كام ساعه وبعدها لقوا جثته
واضح أن رجله إنزلقت ونزل في منحدر
ودماغه اتخبطت في حجر وماټ
وبعدها لقوك ملقى تحت شجره من الاشجار ..وفضلت يومين في المستشفى تحت الملاحظه
والدكتور قال انك هتسترد وعيك قريب
يعني جدي ماټ
ايوه ...متزعلش يا بروس
هو قدره كدا المهم انك رجعت لنا بالسلامه
بس قولي ايه اللي حصلك هناك
لما دخلت الغابة
افتكرت كل اللي حصل وتأكدت انه كان حقيقي مش خيال
ولا حلم ..بس مقدرتش اقول حاجه
عشان صورة جدي في نظرهم تفضل زي ماهي
الظابط الشريف صاحب المبادئ
مش فاكر يا ماما
مش فاكر أي حاجه خالص
تمت
الغابة_الملعونة
حماده_هيكل