رواية ميادة كاملة

انا عايزة قاسم عايزة جوزي
من ساعة ما دخلت الزنزانة و لحد ما المحامي بتاعي جالي و قعد معايا وانا ماعرفش حاجه عنها و بدئ يسألني
ايه اللي حصل يا قاسم انت صحيح
لاء انا روحت هناك لقيته اصلا
روحت عنده اصلا ليه
سكت و ماردتش عليه
البواب قال انك كنت طالع ليه
ايوة كنت ناوي بس مالحقتش
يعني مدام وعد مراتك
مش مراتي انا طلقتها و ماعرفش اذا كانت و لا لاء
لالالا استناني بقي كده عشان انا كدة توهت منك
هي وعد كانت هناك قبل انت ما تروح
ايوة
ليه كانت هناك ليه يا قاسم
و انا اعرف منين يا متر اتفضل شوف
طلعت موبايلي من جيبي و فتحته علي الرسالة اللي فيها صورتها
مين اللي بعت ليك الرسالة دي
ماعرفش رقم غريب و مش متسجل
طب اطمن انت كدة كدة هاتخرج منها
المهم هي دلوقتي لازم نعرف هي كانت هناك امتي بالظبط و مين اللي عايز يلبسها ليكو
لاء انت تخرجني من هنا و بس و ملاكش دعوة بيها
ماليش دعوة بيها ازاي بس يا قاسم دي باينة اوي ان في طرف تالت في الموضوع عايز يورطكم انتو الاتنين
وعد مش هاتخرج من هنا يا متر لو خرجت هاقتلها انا بايدي
دخلنا لوكيل النيابة و المحامي حكاله علي كل حاجه و بشهادة البواب وكيل النيابة امر بالافراج عني
و قبل ما اخرج من عنده دخلت هي
هدومها متبهدلة عليها شعرها كمان متبهدل عينها منفوخة من كتر الدموع وشها الجميل كله احمر
منظرها ده خلي قلبي حن ليها كنت هاجري اشدها من ايد العسكري اللي ماسكها و اخبيها جوة
بس هي سبقتني
و فلتت ايديها من العسكري و جريت عليا
لفت ايدها حاولين خصري بتحاول تخبي نفسها من كل الموجودين و هي بتصرخ و بتقولي
قاسم اوعاك تظلمني يا خوي اوعاك تطلجني اني وعد مرتك حبيبتك
فكيت ايديها من عليا و بعدتها عني
اخرسي يا خاېنة يا كدابة انتي خلاص مابقتيش مرتي اني طلجتك و لو خرجتي من هنا هاقتلك بأيدي
انتي سامعه يا وعد هاقتلك بأيديا دول
وقف وكيل النيابة و المحامي عشان يبعدوني عنها بس هي رفضت بعدي
و اترمت علي صدري تاني و هي بتمسك في قميصي
جامد
بيدك زي ما انت عايز بس اوعاك تصدق اني ممكن اخونك
اخيرا قدرو يبعدوها عني و قعدت قصادي
و وجه ليها وكيل النيابة اسئلته و هو بيوريها صورتها و الرساله علي موبايلي
ايه رايك في الصورة دي يا مدام وعد
اول ما شافتها ثارت و بقت تصرخ اكتر و هي بتبصلي
كدب و الله ما حصل و الله كدب دي اكيد مش انا
انا اول ما وصلت هناك لقيت الباب مفتوح دخلت و اني خاېفة لاني كنت سامعه حد بيتوجع
لقيته مرمي في الارض قعدت اصړخ و اقولة مين اللي عمل اكده
ماكنش قادر ينطج غير بكلمة واحدة شليها
شديت و الله هو دا اللي حصل يا قاسم
رفعت عيني في عينها و بكل هدوء سالتها
ايه اللي وداكي هناك اصلا و خرجتي من البيت ليه من غير ما تقوليلي
اني طلبتك و الله كتير بس انت مش رديت عليا
روحتي ليه هناك
ندى هي اللي اتصلت بيا و قالتلي الحقها لانها تعبانه اوي و پتنزف
وقفت زي المچنون و شدتها من شعرها وقفتها قصادي
كدابة يا وعد ندي النهاردة طول اليوم كانت معايا في الموقع و
سكت شوية افتكر اللي حصل و اخيرا قفلت عليها بايدي
و انا بنتبه لكلام وكيل النيابة اللي قالي و هو بيبتسم
اهدي بقي كدة عشان اصلا الحكاية دي كلها شكلها مدبرة حلو اوي
الصورة دي متركبة بص كدة كويس يا متر
اخد منه المحامي التليفون
و بص في الصورة كويس و بعدين بصلي و قالي
الصوره فعلا متركبه قصين وش المدام و حطينه علي جسم بنت تانية بص كويس يا قاسم
اخدت منه التليفون و بصيت فيه كويس
وعد
و الله مظلومة
قعدنا وكيل النيابة بهدوء بعد ما طلب ليها كوباية عصير و طلبلي قهوة
و انا لسه قافل عليها باديا جوة حضڼي و هي عمالة تبكي جامد و قالي
اهدي بقي كدة و حاول تهديها عشان الموضوع شكله صعب و عايزين نفهم منها ايه اللي حصل بالظبط
رد عليه المحامي
واضح اوي ان في حد كان قاصد يشرك قاسم بيه في الچريمة و الا ماكنتش جاتلة الرسالة دي
رديت عليهم و انا بهديها و بشربها العصير بايدي
هي مافيش غيرها بنت ال اللي اسمها ندى حبت تخلص من وعد و عصام واحدة و في نفس الوقت يبان اني انا اللي عملت كدة عشان ادافع عن شرفي
وكيل النيابة بصلي و قالي
و تطلع مين ندى دي بقي و ازاي هتثبت انها هي اللي عملت كده
دي تبقي السكرتيرة بتاعتي و كانت صاحبتنا و تقريبا كده كان في علاقة بينها هي و عصام
بس مافيش اي دليل عليها و مدام وعد بصماتها
مسكت في جامد و هي بتصرخ
لاء قاسم هما هايحبسوني اني معاملتش حاجة اني خاېفة
اهدى يا وعد بمۏتي يا حبيبتي لو حد لمس شعرة منك اعمل حاجة يا متر مرتي مش هاتتحبس
اهدي بس عايزين نفهم هي اصلا لما اتصلت بيكي كان من رقمها و لا رقم غريب
لاء كان رقم غريب
فين تليفونك يا وعد
ماعرفش تقريبا وقع مني هناك
وكيل النيابة هو دا
ايوة هو دا تليفوني
طلعت انا كمان تليفوني و شوفت الرقم اللي بعتلي الرسالة و طلع هو نفس الرقم
المحامي الغبية غلطت الغلطة دي و هي مش واخدة بالها
وكيل النيابة بس دا برضو مش اثبات انها
ممكن تقول انا كنت بعمل فيهم مقلب و وعد لما راحت
لان مافيش حاجة تثبت اصلا انها كانت هناك
ازاي الكلام ده
هي لما كانت معايا في الموقع خلصنا شغلنا هناك
و خرجت مع العميل و مدير شركة المقاولات نتغدي سوي و نكمل شغلنا و المفروض تكون هي رجعت علي الشركة بس انا اتصلت بمكتبي قولولي انها مارجعتش
وكيل النيابة بس ده مش سبب كافي و الله احنا هانستدعيها و ناخد اقوالها و نشوف
اكتب يا بني قررنا نحن وكيل نيابة استدعاء المدعوه ندي للشهادة
و حبس وعد عزوز المحلاوي اربعة أيام علي زمة التحقيق و يراعي التجديد في الميعاد
لاء قاسم
وقعت بين ايديا و فقدت وعيها
اعمل حاجة يا متر جولتلك مرتي مش هاتتحبس
المحامي يا فندم انت شايف حالتها عاملة ازاي طب حضرتك حتي اامر بتحويلها للمستشفى و حط حراسة عليها
وكيل النيابة انا كنت هاعمل كدة لان دي اصلا ماتستحملش القاعدة في الزنزانة
بصتله پغضب و هي في حضڼي و انا بحاول افوقها
وعد فوجي يا بت ماتخلعيش جلبي عليكي وعد جومي يا حبيبتي ماتخفيش مش هاسيبك ابدا
جسمها كان زي التلج و لحد ما اخدوها في عربية الاسعاف و وصلنا المستشفي و هي لسة ما فاقتش
كنت خلاص هاتجنن و انا شايف مراتي
نايمة علي سرير حديد في مستشفي السچن و ايدها اليمين متعلقة بالكلبش في الحديد بتاع السرير و ايديها الشمال معلقين ليها فيها المحلول
قعدت جانبها علي السرير و بدات امسح ليها شعرها من علي وشها
وعد فوجي بجي يا حبيبتي و رحمة امي و امك ما هسيبك هنا ليلة واحدة بس فوجي و