حكاوي ايلول اسكريبت كامل بقلم مريم منصور

رنيت عليه وكلمته كان هادي ادعي بقي يجي بنفس الحاله ويوافق نروح
والله هادي أو مضايق هيرفض
ده انت ممله بجد
رفعت عيونها من الكتاب
مش بقولك علي الحقيقة
انا متوتره خلقه ليه توتريني اكتر
بالعقل يعني مرضيش ماما تروح فرح بنت صاحبتها إلا وهو معاها وكمان نص ساعة
امه وبيخاف عليها ومن حقه
طيب وانت
ما عشان كده هخدك معايا واقوله اني مش لوحدي واتفقنا علي كده سوا
عشان الزعيق يحلو علي الاخر صح!
والله لو ما سكتي هفطسك مكانك
ضحكت وعلي ايه خلاص سكت
سبتها ونزلت لجنينه البيت افكر ازاي اقنعه اروح الفرح وكمان ابات بره البيت مع صاحبتي العروسه
هو اه ممكن يقلب البيت عليه وطيه وبشخصيتة الكاريزما دي مبيوفقش بس لأ بأس مع المحاوله
وقف قدامي وابتسم قاعده هنا ليه
عادي قاعده
قعد علي الكرسي اللي قدامي في سقعه دي كده!
منا اكيد متقله علي نفسي مش زي ناس
ليكي مزاج تلقحي
وانت مزاجك رايق وبتسأل
اكمني رايق فلازم تعكنني عليا!!
حد يقدر يعكنن عليك ده انت الكل في الكل ده احنا عايشين علي حسك واللهينهار ده
اتصلتي عليا ليه يا ايلول
شاورت علي حته من صباعي
كنت عايزاك في موضوع صغير قد كده وعبيط اوي
لو عبيط مكنتيش قعدتي بليل هنا تفكري
مين انا ! بجد حرام ده انا كنت قعده بتهوي ولا بيا ولا عليا قوم ايه
ايه!
انت اللي جيت تقعد عندي مش انا يعني انت اللي عايزني ها بقي قولي عايز ايه
سند ضهره علي الكرسي
حوريحوري براحتك
مسكت ضحكتي بالعافيه وانا بقوله
يطلع ايه التحوير ده
قدم ناحيتي شويه
ده انا حافظك وحافظ حركاتك دي كويس
استغفر الله بتظلمني عيني عينك كده
شكلك كده مطوله وانا جعان ولسه ورايا شغل
اعملك العشا
اسلوب جديد في تثبيت بس مش بطال والله
قطعت الخيار في الطبق وحطيته على سفره كان آخر طبق احطه وقعدت استناه ينزل
وكمان كوبايه نسكافيه
الټفت له وانا بتصنع الابتسامه
مش حرماك من حاجه اهو
متشكر
تعبت والله وانا بجهز
فعلا قد ايه صعب تقطيع الخيار وتحطي شويه جبنه ولانشون
واسخن عيش خد بالك
خبطت علي دماغه
فات من عقلي ده تعبتي أنت بردو
كله فداك والله كله فدا التراب اللي بتمشي عليه
ابتسم وهو عارف اني بكذب
طيب اقعدي كلي
مش جعانه
ليه كده ! ده انت حتي بتتغدي مرتين ووبتتعشي مرتين
وانا اقول نفسي مسدوده ليه اليومين دول
خربتي ميزانية البيت الصراحهانا بقيت ازود مصروف البيت تحسبا علشانك
بدرامه مش مسمحاك عشان بتبص في اكلي
اوعديني طبتلي دليفري
ادعيلي ربنا يتوب عليا منه قريب
ضحك
بصلي ركعتين قيام ليل مخصوص بكده بس مش محوق
اعيش واصرف براحتي
أنت تعملي كل حاجه براحتك فعلا
المهم عايزه اقولك علي حاجه
خدت نفس كبير
صاحبتي رنا فرحها بعد يومين وعايزه أحضره وكمان هنبات انا وصحابي معاها
قولت الكلام مره واحده عشان متوترش من نظراته ليا
بس دي مكنتش اقرب حد ليكي في الشله
اتفحصت ملامح وشه كويس بحاول افهم ايه مقصد كلامه
مكنتش قريبه فعلا بس صاحبتي
وعلي كده كلكم رايحين!
يعني لو الكل مش هيحضر فمحضرش انا كمان يعني ولا ايه !
مقولتش كده
اومال تقصد ايه
رجع بص للأكل واندمج وهو بيعمل سندوتش جبنه بيضه علي خيار خلصه وكله
وبعدها قام ونقل الاطباق جوا المطبخ فاتجهت وراه
انا بكلمك علي فكره
منا سامعك
طب رد علياانت ساكت وبس
بصلي وسند علي الرخامه
كنت باكل مش فاضي
وخلاص الحمدلله كلت يبقي ترد
اتعدل في وقفته
ومقولتيش من بدري ليه اظن اللي عنده فرح بيبلغ اللي عايش معاهم يشوف رأيهم او يمكن حد منهم يروح معاه
اندفعت منا هاخد سلمي
وقررتي من دماغك كمانوالله حلو اقدر اعرف ده من امتي
مقصدش بس قولت اخدها من باب تغيير جو مش ازمه يعني
انت شايفه كده يعني!
سكت وفضل باصص عليا مكنتش عارفه اعمل ايه ولا اتكلم ولا اسكت كنت مقلقه حتي وانا باخد نفسي
ساكت ليه
خلع ساعته وحطها في كف ايده
سلمي للأسف مش هتروح معاكي في حته اما انت يبقي عرفيني ميعاد الفرح وهوديكي واجيبك وقبل اي اعتراض اظن سايبلك مساحه تحضري الفرح كله لوحدك
كتر خيرك بجد شكرا
للعفو بعد اذنك ورايا شغل لسه
بعدت من قدامه وانا مټعصبه من طريقة كلامه
اتفضل
مشي خطوتين فانتبهت علي كلامه اللي لسه قايله
ازاي هتوديني وانا بقولك هبات معها يعني كلنا هنمشي من هناك علي الفرح!
وقف مشي وقال من غير ما يبصلي
واعتبرت نفسي مسمعتش
يعني ايه!
يعني مفيش بيات بره البيت
ومشي ف وقفت بسرعه قدامه تاني
علي فكره انا لسه بكلمك
واظن سمعتي كويس اللي قولته
صدقني هي معندهاش اخوات شباب والله وكمان باباها
قاطعني
سيبك من ده كله في الاول وفي الاخر اسمك بايتي بره البيت وانا معنديش الكلام ده ولا ينفع عيالنا
هو انت ليه مش سيبلي فرصه للنقاش ليه مش سيبلي اتكلم واقول اللي عايزاه!
و انا واقف بعمل اي دلوقتي
انت شايف ده نقاش يعني!
اومال احنا واقفين بنعمل ايه دلوقتي عرفيني يمكن مش واخد بالي!
بتقول حاجات تضحك الصراحه
اتنهد وبان في نبره صوته نفاذ الصبر
عشان تريحي نفسك وتريحني لأنها معضله كل مره باينأنت امانه في رقبتي ولو فيه حد تاني غيري مكنتش هعارض ولا حتي كنت هفتح بوقي بس بصي كده حواليكي! مفيش حد
عيني دمعت ڠصب عني
وانا مش ذنبي ان ماما اتوفقت وابويا رمي طوبتي من ساعتها
ضم حواجبه وملامح الدهشه ارتسمت علي وشه
أنت فهمتي ايه!
مسحت الدمعه اللي نزلت من عيني
انا مش عيله صغيره عشان تعمل فيا كده وكل شويه تفكرني اني لوحدي
هو انا قولت حاجه دلوقتي عشان توصلي السيره لخالتي وباباكي!!
زعقت
اومال انت دلوقتي بتعمل ايه
خدي بالك صوتك عمال يعلا وانا ساكت
ضحكت باستهزاء وانا لسه مشاعر الڠضب مسيطره عليا
سوري مختش بالي أنه علي علي جناب حضرتك
أنت مبتهزقيش مبتهزقيش من نفس خڼاقه كل يوم دي
طول منا فيا نفس اوعدك مش هبطل غير لما انت اللي تبطل
انا تعبت وزهقت
تخيل دي نفس معاناتي منك كل يوم بجد
ايلول!
الټفت ل صوت خالتو المتعصب وهي بتنده عليا
فمسح علي شعره وبصلها وبصوت مغلوب وضعيف
امي مشيها من قدامي وطلعيها اوضتها
انا مش طالعه في حته واللي مش عجبه يمشي
يا ولي الصابرين
زهقت من دماغك ومن تحكمتها والعيشه كمان
صدقيني انا ماسك نفسي بالعافيه
بعصبيه فلتت مني
هتعمل ايه يعني
بعد اذنك اتفضلي اطلعي اوضتك وبقولها لآخر مره
فخالتو وقفت جنبي ومسكت ايدي وهمست
يلا نطلع يا حبيبتي كفايه زعيق
قولي لأبنك هو السبب في كل ده
قرب پغضب عليا ووقف قدامي ف خالتو وقفت بينا بسرعه
اهدي واوعي تعمل حاجه
انت مفكراني هضربها!
معلش تعالا علي نفسك وحاول تطلع انت
جاوبيني أنت فكرتي اني ممكن أمد ايدي عليها! صوتها اتوتر وحاولت تمسك
ايده
انت مش شايف نفسك متعصب ازاي
رجع خطوتين لورا پصدمه وخد نفس
طيب انا يستحيل أمد ايدي عليها ولا علي سلمي ولا علي اي ست في حياتي عموما
يا حبيبي ما
قاطعها و رفع صباعه ناحيتي وبصلي
أما بالنسبالك أنت انسي البيات ومرواح الفرح كمان واللي عندي قولته
قال كلامه وخرج من البيت خالص فبصيت ل سلمي أخته لقتها بتبصلي بضيق
انا معملتش حاجه عشان تبصيلي كده
عصبتيه ووقفتي تعندي قدامه وفي الاخر معلمتيش حاجه!
يعني يقولي ملكيش حد واسكتله!
وانت عارفه سيف ميقصدش وانه اكتر واحد فينا بېخاف علي مشاعرك في الموضوع ده
اه ما هو واضح
والله لو لسه مصممه في هبلك ده تبقي دي حاجه ترجعلك لكن تخلي ماما كمان تضايقه يبقي لأ ومش هسمحالك
هزيت راسي ليها
وطلعت علي اوضتي وانا مهدوده الحيل والفكر والمشاعر وكل حاجه بالرغم من اني بتخانق معاه كتير لكن عمري ما اتعودت علي كده وفي كل مره بخاف وركبي دايما بتخبط في بعضها زي العيل الصغير وبتوتر دخلت الاوضه وقفلت النور واترميت علي سرير سحبت الغطا عليا واتمنيت انام لأفضل فتره ممكنه
مسكت كوبايه الشاي بلبن
هم مش هيفطروا
سيف نزل من بدري علي الشغل وسلمي فوق في اوضتها
هو جيه بجد
جيه على الفجر كده ومتقلقليش كلمته وصالحته
طيب طمنتيني
فطرت وانا بحاول علي قدر الإمكان اتجنب الفكر فأني هعمل ايه واتصرف ازاي واروح الفرح
حطت ايدها علي ايدي
أنت عارفه كويس انه مكنش يقصد يضايقكصح
عادي
طب ساكته ليه ما دام هو عادي
عشان مفيش موضوع نتكلم فيه
لو قلقانه عشان الفرح متعلتليش هم انا هوديكي عادي
بصتلها بأبتسامه قولي بجد والله
بس تروقي كل الاوض اللي فوق دي
ايه!
ابتسمت بفخر دي ضريبه أن هوديكي الفرح من وراه
لا خلاص مش عايزه اروح
أنت اللي خسرانه
اخسر وانا معايا صحتي احسن
طيب قومي يا بتاعت الصحه اطلعي احفظي القرآن عشان هيتسمع النهارده وقولي للأبله اللي فوق
منا محفظتش وبعدين بنتك مقموصه مني
والسبب
رفعت كتفي وانا بتووه في الكلام
ممكن نأجل التسميع عادي
السبب ايه
مش قادره بجد
القران مبيتأجلش عشان أنا مأجلكيش لأخرتك هتطلعي حالا وتحفظي
ده أنت خاله شريره زي ابنك والله
قولت كده وطلعت علي السلم اجري عشان متتهورش وتحدفني بحاجه وصلت بسرعه فوق وحاولت اتنفس براحه من الضحك هديت وقفت قدام باب الاوضه ورفعت ايدي وبعدين نزلتها وقررت ابعت مسدج ليها
احفظي قرأنك عشان هنسمع بعد الغدا
عملت سين في ساعتها ومردتشنفخت بضيق لنفسي
ده والله أنت واخوكي محتاجين شبشب ويدور الضړب فيكم علي قله الذوق دي
مسكت المعلقه الخشب
المراجعه متجبتش ليه
رمتلها بوسه
خلي قلبك طيب المره دي
ده انا كل مره بعدهالك
معلش معلش اعتبريني زي بنتك
يبقي ليك ملبسه واحده وسلمي اتنين عشان جابت الجديد والمراجعه
اصلا بسرق من الكيس قد كده فمش فارقه
حيوانه
الله يسامحك يا زينب
انا خالتك احترميني
من العين دي قبل العين دي يا زينبو
الجرس رن في ساعتها فقامت سلمي تفتح
اكيد سيف ونسي المفتاح كالعاده
والحقيقة انه عمره ما بينسي المفتاح بس دايما بيعمل كده عشان لو مش لابسه الحجاب بتاعي اقدر البسه اتأكدت من الطرحه معدوله كويس قبل ما الباب يتفتح
كان باين عليه الارهاق فعلا بس كان بيحاول يضحك ويهزر وهو داخل كنت مبسوطه أنه مش جاي مضايق أو مكشر بس ضحكته وقفت اول ما شافني قاعده في الانتريه مع خالتو فالټفت بوشي ليها وكنت هستأذن اني اطلع اوضتي بس

مسكت ايدي قبل ما اقول اي كلمه ومنعتني
مساء الخير عليكم
مساء النور يا حبيبي
ميل وباس ايدها كويسه
طبطت علي ضهره
طول ما انت كويس انا هبقي كويسه
اتجه للكرسي وقعد ووجه نظره ليا
عامله ايه!
بصتله شويه وسكتت فضحك وهو بيشاور بأيده قدامي
السؤال صعب ولا ايه!!
فأبتسمت الحمدلله بخير
كنت قاعده هاديه وساكته بتفرج عليهم وهما بيتكلموا وبيضحكوا سوا وبيهزرو بدأت عيني تدمع ڠصب عني من المشهد اللي شيفاه وزوري يوجعني من كتماني للعياط و ده كله بسبب بسبب شعور الوحده الملازمني دايما
عن اذنكم انا طالعه اوضتي
ضم حواجبه بأستغراب
لسه بدري خليكي قاعده
محتاجه انام شويه تصبحوا علي خير
معداش ساعه وباب اوضتي خبط عرفت ان هو من خبطته علي الباب لبست الاسدال بسرعه وسمحتله بالدخول
وقف قدامي وقال بنبره ندم استشفتها من صوته
انا اسف
ولا يهمك عادي
بصيلي طيب
رفعت عيوني له فاتنهد
أنت عارفه كويس اني مقصدش اي كلمه من اللي قولتها