حكاوي ايلول اسكريبت كامل بقلم مريم منصور

لما بتشوفيني
ده اوبشن خاص بيك علي فكره
يعني مش اي حد بياخد مرتبه سددان النفس دي عندك إلا انا
بفخر تؤ شوفت مخلياك سبيشيل ازاي
ضحك وقبل ما يرد عليا تلفونه رن
بيرنوا اكيد استغربوا ليه مدخلناش
لحد دلوقتي
انت اللي جيت ورايا مقولتش تعالا علي فكره
ومين اللي وقف قدامي عمل فقره نكد وسؤال وجواب من شويه وعينها كانت بتطلع ش رار
ايه ده مين دي
كانت امي يا ايلول
ممكن تقوم وتخش تقعد معاهم انا اصلا مش فاهمه ايه التسيب اللي انتم فيه ده يعني ازاي تيجي عندنا وهي لسه مش خطبتك
يعني عيبه في حقي عايزاني اجبها واعرفها عليكم ومن غير ما اتعرف علي اهلها!
ده انتم من ايجيبت جدا مش معقوله بتخشوا بيوت بعض كده ومفيش حاجه رسمي
قام يلا عشان ھموت من الجوع والله
ما تخش تاكل انا مسكاك
منا مبعرفش اكل وانا عارف اني في حد بره قاعد لوحده كده
قمت وانا ببتسم له بمساجه اسمها مش هقدر اكل من غيرك يا ايلول الاكل ملهوش طعم من غيرك ولازم تبقي وسطينا
فعلا الاكل وهو محطوط عليه نكدك بيبقي أحلا بقالك شهر ونص حرمانه من كده
شوفت بقي فايدتي
مشي قدامي وهو بيتمتم يا ولي الصابرين
يعني انت كلامك معاها قليل
هو فيه حاجه
فتحت الاسبيكر وحطيت التليفون علي رخامه المطبخ هو لازم يبقي في حاجه عادي بطمن علي علاقتك مع خطيبه اخوكي عامله ايه
ما أنت مش طبيعيه من بعد ما مشيتي وعرفتي بكده
بجد!
اقول الحقيقه
مش عايزه اسمع لأ
فكلمت عادي ولا اكني بقولها اجلدي في ذاتي اكتر
انت بقيتي تسألي دايما عنهم وعلي طول في البيت عندنا ومش فاهمه ليه مشيتي من الاول ما ترجعي تاني
اتنهدت ما أنت السبب أنت اللي بوظتيلي دماغي وكل حاجه في حياتي اتقلبت بسبب كلامك
عشان كنتي غبيه وخلتيني ساعتها اتعص بت وقولت الحقيقة
وهي فين الحقيقة دي ما هيخطب ومدخل واحده في حياته ولا اكني موجود وشفافة مش زي ماقولتي
أنا عرفت ليه خلاص أنت مش طبيعيه خلاص
علي فكره انا مش بحب اخوكي ولا حاجه ولا فيه حاجه في دماغي ولا شاغل بالي يعني انا بس مستغربه أنه عادي خطب وعاش حياته مش اكتر
والله انزل اقوله أن ايلول طلعت مش طبيعيه بسبب كده
يالهوي هو خد باله هو كمان!
يووه ده بيقولي دي خوتتني من كتر الاسئله هي مالها فيها حاجه
أنت واخوكي بتألفوا انا عاديه وبحب اطمن عليكم
يعني عايزاني اصدقك واصدق انك كده طبيعيه
هو انت شايفاني مجنونه
ضحكت براحتك
قفلت معاها وانا بنكر كل كلامها وتلميحاتها الباينه من وسط الكلام
عقلي مليان دوشه كتير ولغبطه والوم محاوطني من كل اتجاه واحساسي بأني وحشه
جريت مسكت النوت بوك بتاعتي كانت ترشيح من دكتورتي اني اكتب فيها لما احس اني مش كويسه أو بفكر زياده عن اللزوم
بدأت اكتب بتردد وخوف شعوري ايه من ناحيته وليه تصرفاتي اتقلبت بالشكل ده ولازم افوق لنفسي لان ببساطه مبقاش ليا انا مكنتش بحبه ولكن هو كان بيحبي وكنت قدامه ومجاش صارحني اوضحلي بأنه ليه عرض عليا الجواز وايه الغرض الحقيقي من كده ولما رفضت محاولش معايا تاني محاولش حتي يفهمني !
اكيد قعد مع نفسه ووصل لقرار البعد حتي ما قبل حكايتنا تبدأ مسمحش حتي لتصرفاته يبان فيها ولو شويه حب! يمكن ساعتها كنت فهمته مع أن سلمي اكدتلي بأن تصرفاته بالشكل ده تجاهي يعني بيقولي افهمي انا هنا انا معاك انا بغير عليك انا بتونس بقربك وبشاكلك الدايم معايا وخناقتنا!
بس انا عمري ما فهمت كده فهمت أنه شخص بيتحكم في تحركاتي
وتحركاتهم ولازم يعرف رايحه فين وجايه من فين فهمت بكده أنه الراجل واتقبل كل حاجه بيقولها و مقاوحش معاه بس انا بطبعي بقاوح وبعمل اللي في دماغي مهما لأن عارفه كويس أنه عمره ما قسي عليا اه بيزع ق بينتخانق بس بعدها بيباخد جنب ويبعد شويه وعادي كنت ببقي مطمنه ساعتها انه هيهدي مع نفسه ويجي يصالحني ويراضيني كالعاده! لحظه انا اول مره اخد بالي بتسلسل الجميل ده!
فات اسبوع من اخر مكالمه معاها ومن محاولاتي اني مفكرش ولا اشغل بالي بيه و بأني مردش عليه لكن فشلت اني معرفش افكر واعيد في دماغي كل مواقفنا واعيد كلامه وملامحه يمكن اعرف حاجه واجمع كل المواقف الافعال التصرفات النظرات يمكن اقدر افهم واتأكد منهم!
ايلول ممكن تردي عليا ضروري
كنت ماسكه تليفوني ببص علي اسمه في الشاشه وهو بيرن كنت متردده ارد ولا مردش بقاله كتير بيرن بس فاجأه جاتلي رساله منه بكده
فيه حاجه!
مبترديش عليا بقالك فتره ليه أنت كويسه
الحمدلله
اتنهد بجد يا ايلول!
هو هو انتم عاملين ايه
ماما تعبت النهارده وودتها للدكتور
قمت من الكرسي بخضه ايه اللي حصلها ازاي محدش يقولي هي كويسه ولا الدكتور قال ايه
بخير متقلقيش بس دلوقتي هي نايمه
ملها ايه اللي حصل تعبانه اوي ولا تعب عادي ولا فيه حاجه اكبر وأنتم مخبين عليا اتلكم ساكت ليه
مش مدياني فرصه ارد متقلقيش عليها
طيب طيب انا هنزل وجايه
الوقت اتاخر متنزليش انا هاجي اخدك
كنت لسه هاقطعه بأن الوقت متاخرش اوي وعادي لما اجي لوحدي بس فاجأه لساني سكت
وقفت قدامها اتأمل ملامحها وهي نايمه قربت عليها بقلق ومسكت أيدها
أيدها اللي ياما مسكت ايدي بقوه وتشجيع اني اكمل ايدها اللي طبطبت عليا بيها في كل موقف وجعني وقسملي قلبي ايدها اللي كانت بتمسحلي دموعي وبتقويني اقوم من تانيايدها الحنينه وهي بتشبكها مع إيدي في كل خروجه أو مشوار سوا أيدها منديلي وقوتي وصبري وعكازي في الحياه
فتحت عينها وبصتلي انت جيتي
بصتلها بعيون فيها دموع
مالك ايه اللي حصل عشان يغمي عليك
اتعدلت علي سرير وطبطبت علي ضهري
مټخافيش عليا انا كويسه
بس سيف قالي انك مش بتاكلي بقالك يومين ليه كده يا حبيبتي
بصت بعيد عنه هو السبب!
مسكت ايدي ارجعي علي البيت يا ايلول وحشتيني ووحشتي اسمع صوتك حواليا
فسمعت همهمه لصوته من ورايا بضيق وطلع!
هو انتم اتخنقتوا مع بعض بسبي صح
لأ
خالتو أنت مبتعرفيش تكدبي اصلا
قمت وسبتها ونزلت وراه تحت لقيته واقف مع سلمي ناحيه الصالون
انت معترض اني ارجع البيت تاني صح
بصلي فكملت واكيد اتخانقت معها بسبب كده ليه يعني مش طايق ارجع البيت لدرجه دي! اوكيه مش طايق بس متزعلش زينب وتخليها تتعب بالطريقة دي
خلصتي
لأ مخلصتش و احب اقولك عارف ده معناه ايه معناه اني هرجع البيت ولو مش عاجبك امشي انت
خلصت كلامي وسبته وطلعت لفوق وانا مقرره انام في حضنها ويانا يا هو عشان يبقي يزعل زينب حبيبتي تاني
مش هقدر والله ميرسي
هو ايه مش هقدر دي احنا عازمين عليك ببط ده عصير فراوله
باين انك متوتره!
خدت بالي اني صوتي عليها فبصيت بأحراج
اسفه مكنتش اقصد
فأبتسمت ليا فالټفت ل سلمي وقولت
اطلعي بقي اندهي لزينب
خبطتني في كتفي وهي بصلها تقصد هتطلع هي تصحي ماما وتعرفها انك جيتي مش كده يا ايلوله
مش طالعه انا هفضل قاعده
واۏلعي
ابوس ايدك اطلعي
مش طالعه
همست يعني ارنلك علي سيف واقوله علي معاملتك للبنت
يهدك ربنا انت وهو باذن الله
قمت وطلعت فوق ليها وانا بدعي ربنا يخلصني من من الخۏف منه ده
متقوللها نايمه
اه عشان ابنك يجي يلكف لينا ويزعق بقي علي طريقتنا معاها
يبقي يجرب
نقطينا يا زينب بسكاتك ده أنت راقده في السرير بقالك يومين بسبب أنه شد معاك شويه في الكلام
شخصيتي ضعيفه صح حساها محتاجه تبقي اقوي اكتر
حاسه اني لازم اوريه العين الح مره
مديت ايدي بمفتاح شقه تيتا وقربت عليها بهمس
استرجلي زيي وامشي وسبيله البيت وهو هيعرف قيمتك اللي عملي نفسه كاريزما ده
شهقت عشان يتجنن مش كفايه أنت عليه
الحق عليا اني بعرفك فن التعامل مع نوعيات العقول التعبانه يعني !
يا ولي الصابرين
شوفي حتي بهت عليك في الكلام الحقي اهربي بقي يا بنت الحلال
سبيني افكر واقتنع الاول
مش كتير ها عشان العرض ده اخره يوم
طيب الحقي بقي انزلي و قوليلها تطلع
تعبت من كتر النزول والطلوع والله ارحموني اكمني ست غلابنه ضعيفه و
هديك فلوس تطلبي اكل
ابتسمت ليها وفلوس للرصيد عشان اللي معايا خلص و فيه اوردر سكيرتات انما ايه رهيب هيجي كمان يومين عايزه فلوسه بردو
ده أنت ست استغلاليه وبجحه قال ضعيفه قال
لعبت حواجبي بتسليه
هي الدنيا كده خد وهات تعملي ايه بقي يلا ربنا يتوب عليك مني
ورمتلها بوسه في الهوا ونزلت لتحت وانا مستمعته بتوفير فلوسي ونصبت علي خالتي حبيبتي
وبعد اسبوعين كانت المتابعه ليها عند الدكتور جهزنا كلنا ونزلنا سوا ووصلنا
كنت ملانه من كتر انتظاري ليهم يخلصوا ويطلعوا
هو الدكتور ده بيعوق علي طول كده
رد عليا وهو باصص في تليفونه
ما كنتي تخشي معاهم بالمره ما دام زهقتي كده
والله سامحين لواحد فقط يخش مع المړيض يا عسل
يبقي خلاص تسكتي
ايه اسكت دي هما يدوبك كلمتين قولتهم
ايلول
ايه
بجد مصدع
قمت من جنبه بقمص وسبت العياده ونزلت وقفت جنب العربيه ومسكت تليفوني اقلب فيه شويه
ايه اللي موقفك كده
مردتش فوقف قدامي
لو زعلتي من كلامي كان ممكن تقومي تقعدي في حته تانيه الريسيبشن كان واسع او قوليلي عايزه مفتاح العربيه اقعد فيها وكنت هدهولك
قفلت تليفوني وبصتله بضيق
أن شاء الله المره الجايه
طلع المفتاح من جيوبه وداس عليه وشاور بعيونه ناحيه العربيه
اتفضلي خشى
لأ مش هدخل
هو اي عند وخلاص
اصل العربيه دي بتخنقني زي صاحبها كده
ابتسم بجنب
غريبه مع أن صاحبها عسل ومسمسم ولذيذ والكل بيحبه
ما يا حرام هو مفكر كده بس في الحقيقة محدش بيطيقه خالص
خالص
اه للاسف
طب صاحبها بيقولك خشي اقعدي فيها عشان هو خلقه ضيق خالص
تاني! منا عرفتك اللي فيها بقي
فتح الباب يلا
طيب هما قدمهم كتير
تعالي اروحك لو زهقتي
الله يكرم اصلك يا استاذ سيف بس انا بسأل عشان الحق اروح شقه تيته
بصلي پصدمه نعم!
هروح اروقها وارتبها واجيب حاجاتي الباقيه منها بقالها اسبوعين متسابه لوحدها كده
وهي الشقه عيله صغيره يعني كلمتك وشكتلك
ما هو مفيش انسان طبيعي يمشي من مكان ويسيبه مبهدل كده وانا سبتها عشان جيت علي ملا وشي لما عرفت بتعب خالتو
والمطلوب
انك تشوف قدمهم قد ايه عشان لسه هتوصلوني
كمان!
خلاص معنديش مشكله اروح لوحدي عادي
كيس جوافه انا بقي عشان اخليك تروحي لوحدك والله حلو
انت عارف الجوافه بقت بكام
دلوقتي عشان تشبهلي نفسك بيها
مردش عليا بس شاور علي العربيه بأني اقعد فيها وطلع فوق للعياده
وقفنا قدام العماره فبصتلهم بأبتسامه وانا بفتح باب العربيه
تصبحوا علي خير
وقبل ما انزل قاطعني صوته اخرك الساعه 11 وهاجي اخدك
وتيجي تخدني ليه منا هاجي لوحدي
منا عارفك جدعه وشاطره وبتيجي لوحدك بس مقصدش 11 الصبح اقصد بليل
ده ازاي ده بقول اني لسه هروق الشقه مش هلحق انا اخلص
11بالظبط هبقي واقف هنا وهرن عليك
بصيت لخالتو ورا ما تتكلمي يا زينب هو ايه ده اللي هرجع