قصص عصمت صندوق باندورا قصص من الصندوق رواية الکابوس كاملة كتابة محمد عصمت

يا تربية الملاجئ يا عديمة الأب والأم أمك رمتك وإنت حتة لحمة حمرا! عايزة الدنيا تبقى أحن عليك منها
دا غير كلام تاني مش هينفع أقوله مش عشان عيب بس بس عشان بنسبة كبيرة جدا هو حقيقي ولما بقوله أو بفتكره بيضايقني وبيوجعني
بس ولا كلمة من دول وولا جملة من دول ليا ذنب فيها!
وعيت على الدنيا لقيت نفسي يتيمة الأب والأم بتربى في ملجأ من الملاجئ المشهورة وسط مجموعة تانية من اليتامى قالولي لما كبرت شوية إنهم لقوني ملفوفة في بطانية شكلها غالية أدام باب الملجأ على عكس ناس كتير أوي من اللي بيلاقوهم بيكونوا ملفوفين في ورق جرايد أو حتت قماش قديم! ودا كان معناه إن والدتي من عيلة متيسرة أو مرتاحة ماديا يعني طيب ليه ليه رمتني بالشكل دا
كانوا بيقولوا إني غلطة بس أنا كنت بقول إني اتخطفت منها وإنها أكيد مكانتش هتسيبني وإنها لو عايشة فهي عايشة هتجنن عليا وبتدور عليا ولو ماټت فهي ماټت من الحزن والهم بسبب فراقنا!
بس أنا عارفة وإنت عارف إن كل الكلام دا مالوش لازمة إحنا بنحب نعاير بعض بنحب ندوس على بعض بنحب نوري بعض أسوأ ما فينا وللأسف أنا دفعت تمن دا غالي أوي!
عشت عمري كله منبوذة وحيدة بيتقال عليا كلام قادر يهد جبال وزي ما ماليش أب وأم مكانش ليا صحاب كلهم كانوا بيبعدوا عني مين هيصاحب واحدة تربية ملاجئ زي ما بيقولوا!
إحنا نتنمر عليها آه لكن نصاحبها ونهون عليها هم الدنيا ليه إحنا إتجننا ولا إيه
حتى زمايلي في الملجأ كانوا بيبعدوا عني لأني كنت دايما بحسسهم إننا مختلفين هما ممكن يكونوا غلطات في الحړام لكن أنا لأ معلش أنا لقوني ملفوفة في بطانية غالية فأنا غالبا مخطۏفة!
آه عارفة! أنا كمان زي الباقيين بحب أعاير وأدوس! أعتبروه تخليص ۏجع!
عشت أسود أيام عمري لوحدي لا حبيب ولا صاحب نمت معيطة في ٩٠٪ من أيام حياتي كان نفسي بس في إيد تطبطب عليا وتهون عليا قسۏة الأيام ومرار الدنيا بس لا لقيت دا ولا لقيت دا!
لحد ما قابلت زاهر كان زميلي في الجامعة صحيح هو كان في رابعة وأنا كنت في أولى بس جمعتنا حيطان جامعة واحدة وقاعات محاضرات واحدة وقتها كنت خلاص خرجت من الملجأ وقاعدة في سكن طالبات مشهور ورغم إنه كان من أشهر وأشطر الطلبة اللي في الجامعة إلا إنه سقط مرة واتنين وتلاتة لحد ما بقينا في رابعة سوا!
بيقول إنه كان مشغول في شغله بس أنا عارفة إن الطالب اللي بيرتب على الجامعة ٣ سنين ورا بعض وهو بيشتغل صعب يسقط ٣ سنين ورا بعض بحجة الشغل بس سهل يسقطهم عشان عشان بيحبني!
عشت مع زاهر أسعد