انا وخطيبة أخويا كتابة نسمه عاطف

قصة اليوم بعنوان هل أنا بنت ست مش كويسة عشان نفذت طلب خطيبة أخويا
تقول صاحبة الرسالة ...
احنا أسرة طبيعية جدا مكونة من أب وأم وأربع أبناء ولدين وبنتين أو أقدر أقول إننا كنا أسرة طبيعية جدا لوقت قريب.
احنا كبرنا في محيط الأسرة وبالوصول للجامعة والشغل كل حد فينا استقل بحياته بتجمعنا مكالمات شخصية وجماعية غير مكالمة ماما وبابا والعزومات الدورية.
لغايه ما دان أخويا اتعرف على خطيبته آش من سنة ونص!
آش كان واضح من أول يوم إنها عندها مشكلة مع أسرتنا والتواصل معانا ومع الوقت بدأت تضيق قايمة الأشخاص المستهدفين من المشكلة دي وتوجه ڠضبها تجاه ماما!
بتتملص من العزومات على اعتبار إنها كتير وغير مبررة! لو جت بتيجي تفضل تنفخ وتتأفف وتفضل على آخرها.
على الرغم من تصرفاتها دي ماما دايما كانت بتطلب مننا ما نضايقهاش بتقول لنا يمكن هي خرجت في بيئة مافيهاش ترابط كافي ومع الوقت هنتقبلها وتتقبلنا.
لغاية ما دان طلبها للجواز ووافقت!
كأن ده كان الإشارة الخضراء عشان آش تطلع كل الڠضب اللي جواها تجاه علاقتنا ببعض!
بعد إعلان الخطوبة بأسبوع آش كلمت ماما وطلبت منها تبطل ټخنقها هي ودان! لما ماما سألتها تخنقهم ازاي قالت لها إنها بتكلم دان مرتين تلاتة في الأسبوع عشان تتطمن عليه وإنه بيتكسف ما يردش عليها.
ماما اعتذرت لها! وقتها أنا حسيت إن الدخان بيخرج من وداني وكلمت دان حكيت له اللي حصل وأنا شاكة إنه ميعرفش حاجة عن اللي حاصل!
لقيت دان عارف اللي آش عملته! قلت له انت شايف إن ماما بتخنقك بمكالماتها سكت!
هنا قررت إني أتعامل بأقصى درجات ضبط النفس خصوصا إني الكبيرة ومش هحب إن الدنيا تخرب ف قلت ل دان إنه خروف حلوف فرحان إن آش ساحباه وراها زي البهيمة الغريبة! والبهيمة الغريبة ما بترتاح لا بتاكل ولا بتشرب طول ما هي غريبة!
المترجمة طيب دلوقتي هيمسكوا فيا ويقولوا لي هل صاحبة الرسالة الأمريكية قالت البهيمة الغريبة!
صاحبة الرسالة والله يا مترجمة يا أختي ماليش دخل بمشاكلك مع فانزاتك! احنا من كفر أبو تكساس وعندنا بهايم! وحدانا الحماة مش تتعامل كده الحماة تنشال على الراس! آني بنتيها وعايزة حجيها!
المهم إن دان قفل معايا وكلم أخونا الصغير أصغر واحد دون اشتكى له ف دون اللي لسه عايش في بيت بابا وماما لأنه على الرغم من إنه اشتغل سامحين له يعيش معاهم لغاية ما يحوش مبلغ يحطه مقدم بيت خاص بيه قال له انت مش مسيطر يا دان! أختك عندها حق آش دي عقربة ولا تتظاهر إنها مش عقربة هي متسقة مع ذاتها من أول يوم!
من بعدها دان تقريبا ما بقاش يتواصل مع ماما وماما كمان ما بقيتش تتواصل معاه إطلاقا!
تسكت بقى وتتبط أبدا! من غير