اسكربيت حواديت مريم واحمد كامل بقلم مريم سمير

هتروحي تقابليه علي اساس انك أنا الموضوع بسيط
مرام مش عشان احنا توأم تعملي كد!! انتي في أي يبنتي
بالله عليكي يمريم أنا مش عارفة اخلص منه قابليه مرة واحدة بس وطفشيه وخلاص
وخلاص!! افرضي حبك او مثلا اتعلق بيكي أو..
يا أمي!! يحبني مين دا احنا بنتكلم انستا بقالنا شهرين بس وبعدين بطلي فلسفة اختك ومحتاجة منك خدمة اقفي جمبي
عشان تروحي تكلمي غيره! انتي هتبطلي أمتي مرام أنا حاسه بيكي عارفة انتي بتعملي كد لي بس الباقي ملوش ذنب
انتي الوحيده الي عارفة قد أي أنا كنت بحبه كان الشخص الوحيد الي وثقت فيه في الأخر خاني مع صحبتي! معرفتش انتقم منه معرفتش اقوله قد أي أنا بكرهه معرفتش اعمل اي حاجة غير اني اكون واحدة ضعيفة أنا معتش عاوزة ابقي ضعيفة كل الرجالة خاينين كلهم .
حضنتها كنت عارفة حجم الۏجع الي جواها عامل ازاي مقدرتش من يومها انسي وش مرام في اليوم دا عمري مشوفت حد حزين بالشكل دا كنت بنصحها بس هي كانت متعلقة ب حبال الحب! مكنش ينفع تحب كنت متأكدة إن دي اخرتها اصل مين تآمن ل راجل مين تصدق ان فيه راجل هيحبها لوحدها! هيخلص ليها بس! مفيش .
ولأجل إني لو وقفت في المرايا هشوف مرام اختي نسخة طبق الأصل بس عمرنا ما كنا واحد من جوانا كل واحدة وليها شخصية بعيدة جدا عن التانية مع ذلك هي أقرب صاحب ليا صاحبتي الوحيدة .
روحت الكافيه وقعدت علي الطربيزة طلعت كتاب أقرأ فيه لحد ما هو يجي طلبت قهوة مظبوط وحطيت السماعات في ودني بعد فترة فوقت علي صوت حد بيندهلي
مرام
حضرتك أحمد
أيوة ممكن
اكيد اتفضل
قعد قدامي فضل يبصلي كأنه مش مصدق اني جيت!
أخيرا اتقابلنا طلعتي احلي من الصور
متشكرة جدا من ذوقك
بس انتي مقولتيش قبل كد انك بتلبسي نضارة
عدلت نضارتي شكلي بيها مش قد كد
لاء شكلك بيها حلو اوي
ربنا يخليك شكرا تشرب حاجة
بص علي فنجان القهوة ورجع بصلي
بس انتي قولتيلي قبل كد انك مش بتحبي تشربي قهوة خالص!
حطيت ايدي علي دماغي وانا بكلم نفسي وبعدين بقي في مرام الي عكسي في كل حاجة ديييي!!!
بتقولي حاجة
جربتها وعجبتني
طيب هشرب أنا كمان قهوة
طلبنا اتنين ورجع بصلي كنتي قولتي انك بتزهقي من القراءة!
يعني ألطم علي وشي يجدعان
افندم
قصدي مفيش دا كتاب عاجبني قولت اقرأه
الصراحة كنت فاكرك تافهة شويه
نعم
بس طلعتي لذيذة أنا مش قصدي أنا آسف
لاء مفيش حاجة
أنا عارف اني مش بعرف اتكلم اوي بس.. انتي اول واحدة اكلمها
بصتله من فوق ل تحت متهزرش!! واحد زيك مكلمش بنت في حياته
من وانا صغير وانا مقفول عليا من المدرسه للبيت ومن البيت للمدرسة مكنش عندي صحاب لما كبرت وروحت ثانوي لقيت إن الكل بيصاحبني وقت الامتحانات بس بعدها مش بلاقي حد منهم حتي في الجامعة معرفتش اعمل اي صاحب أو حتي احب أي بنت ف لما لقيتك بتكلميني انستا مكنتش مصدق عشان كد طلبت اننا نتقابل
غريب اني الاقي واحد زيك دلوقتي
دي حاجة حلوة ولا وحشة
لاء طبعا حلوة انت معاك كلية اي
طب منتي عارفة يمرام!!
بص يا احمد اتعامل معايا اننا لسه متقابلين علي باب الكافيه عشان بس متجلطش
ضحك تمام أنا مش انسان عادي
للأسف
مهندس
يعني بالظبط
اممم سايكو مهو تلاقي الكلية الي عملت فيك كد اصل يعني دا السبب المنطقي لحالتك دي!
الفنجان بقوا تلاتة! قعدنا نتكلم خمس ساعات متواصلة من غير ما نحس كنت بسمعه وبس اصل هقوله حياتي ولا حيات مرام كان المفروض