اسكربيت حواديت مريم واحمد كامل بقلم مريم سمير

اتكلم معاكي احكيلك أي حاجة اسمعك نحل أي مصېبة عملناها سوا معاكي عرفت إن الدنيا خفيفة مبقتش وحشة زي زمان بقيتي بتوحشيني من اول ما بسيبك علي باب العمارة بقيت عاوزك دايما معايا وابص جمبي ألاقيكي أنا بحبك اوييي يمرام تتجوزيني
كنت بدمع من كلامه اول ما قال مرام اتجمدت مكاني كنت مبسوطة مۏت بكلامه لحد ما فوقني لحقيقه الكدبة الي عشنا فيها سبع شهور!!
احمد أنا عاوزة اقولك علي حاجة مهمة
قولي مالك في أي
انت راجل مفيش منك صاحبي واخويا وبير أسراري والي بعرف اتكلم معاه علي طبيعتي ومش بعمل حساب أي كلمة بتخرج مني عشان عارفة أنه فاهمني وعارفني بس..
اوعي تقولي انك كنتي بتعتبرينا صحاب وبس واي اخوكي دي
لاء مش كد بس أنا.. مش مرام
بصلي وضحك يعني اي مش مرام
خدت نفس وطلعته بالراحة مرام دي اختي التوأم الي كلمتك انستا في الاول
هو انتي بتقولي اي لو مقلب يمرام في هو مقلب بايخ بطلي
أنا مريم مش مرام
انتي كدبتي عليا كدبتي كل دا كنتي مبسوطة وانتي فضلتي شيفاني قدامك مغفل
مش كد والله يا احمد أنا كنت..
سبع شهور محستيش فيهم انك عاوزة تقوليلي شيفاني مصدقك ف قولتي اشبع من اللعبة دي شوية
..
وبتعيطي قد أي انتي ممثلة شاطرة!
أحمد اسمعني عشان خاطري
أنا مش عارفك طلعت مش عارفك
سابني ومشي! اختفي!
رجعت البيت ودخلت اوضتي وفضلت اعيط ازاي اعمل كل دا ازاي مقولتلوش من الاول كنت خاېفة اخسره دلوقتى خسرته للأبد .
مالك يمريم في اي
احمد سابني معتش هشوفه تاني
طب اهدي اهدي أنا مش فاهمة حاجة!
أنا بحبه بحبه يمرام
بتحبيه!!
مكنش ينفع نعمل فيه كد مكنش يستاهل مني كد
أنا الي غلطانة حقك عليا يمريم حقك عليا
حضنتها وفضلت اعيط كأن مشهد مرام مع حبيبها الي سابها بيتكرر تاني كنت بنفس الحزن نفس اليأس حاولت كتير أوصله لكن مكنش بيرد كان حقه! بس مكنتش عاوزة تبقي دي نهايتنا نهاية قاسېة .
كنت بروح الكافية علي أمل بسيط أنه يغلط ويجي
لكن مكنش بيجي .
مريم إلبسي اي حاجة وانزلي تحت عوزاكي
مش عاوزة انزل يمرام أنا هنام
عشان خاطري عوزاكي ضروري تحت انزلي بس دقيقه واطلعي تاني
لبست الاسدال ونزلت ها يستي عاوزة أي
تعالي يا احمد
احمد طلع من عربيته! وفي لحظة وشي الي كان مليان زعل اتحول ل فرحة مكنتش مصدقه أنه قدامي
أي الحلاوة دي حتي بالاسدال دا انا يبختي
احممم نحن هنا!
اه مرام قالتلي علي كل حاجة و.. طب يمرام كلك نظر!
اه عاوزني اسيبكم واطلع
هعشيكي في فرحنا مرتين يريسة
ضحكت وطلعت ف رجعت بصتله احمد أنا..
ششش اكلتي
يادي النيلة علي كلام الاندر ايدج الي هيقفلني منك
ضحك منا بجرب هو انا لحقته يجدعان
سامحتني
للأسف مش هعرف اعيش مع حد تاني غيرك وحشتيني الصراحة
ابتسمت أنا بحبك اوي
مش أنا جبتلك كبدة وحواوشي من عند عم ابراهيم هو اه في المناسبات دي المفروض اجيب ورد بس قولت اكيد انتي مش هتعوزي غير تلبك معوي
طب وربنا ماي تايب
مريم ثواني هو انتي قولتي من شوية انك بتحبيني
مجبتش سجق لي
مريم سمير .