اسكريبت حصرياً كامل بقلم الكاتبة المبدعة رنا يحيي

يا طنط أنا آسف
فتحت باب الأوضة وخرجت قام وقف أول ما شافني
ماما قالت هقوم اعملك حاجة تشربها
قعدت بعيد عنه اتنهد بصوت وقعد في الكرسي اللي قدامي
سبت قعدتك الجميلة ليه وجيت
رنا أنا آسف والله مرضتش اقولك عشان متزعليش
ضحكت ازعل لا ازعل ليه وأنا شايفه خطيبي اللي هيبقى جوزي بيكدب عليا ورايح يقعد ويضحك ويهزر مع اللي مامته عايزه تجوزهاله! مفيش حاجة تزعل ليه بتقول كده
دمعة خانتني مسحتها بسرعة وبصتله
يا حبيبتي أنت عارفه إني بحبك وإني مبشوفش غيرك
بتحبني بس تكدب عليا عادي أنت اصلا مش عارف تبرر
قومت وقفت وقولتله تصبح على خير
وقف ومسك ايدي رنا ممكن كفاية
اتصورت معاها ليه وأنت عارف إنها بتعمل كده عشان تضايقني
مجاش في بالي إنها هتنزلها يا رنا بجد أنا آسف حقك عليا
خلاص يا رنا متزوديهاش الواد جه واتأسف تعرف لو مكنتش جيت يا يوسف أنا رد فعلي كان هيبقى ايه خد اشرب الأول
يا طنط والله مرضتش اقولها عشان متزعلش
وهي دلوقتي بتتنطط من الفرحة مش شايف عينيها منفخة ازاي
بص على عيني وقرب وقف قدامي مسح الدموع اللي في عيني وهمس بصوت واطي
حقك عليا
لقيت ماما بتشده وبتضربه خفيف والا والا ارجع أنت هتستهبل
ضحكنا احنا الأتنين على ماما وبصلي
خلاص يا رنونتي
رنونتك
كتم ضحكته وبصلي قال بجدية
خلاص كده يا آنسة رنا
ضحكت خلاص مسامحه
غمضي عينك بقى
قولت بحماس ليه
غمضي بس
غمضت عيني ولقيته بيمسك ايدي وبيحط فيها حاجة
فتحت لقيتها شكولاتة كبيرة وجمبها وردة حمرا
بحبك أوي أوي
بص على ماما وفي حركة سريعة باس خدي وخرج من الباب
وقفت اتصنمت مكاني ولقيت ماما بتجري وراه
خد يالا ماشي يا يوسف اما اشوفك
قال بصوت عالي وهو على السلم روح قلبي يا طنط تصبحي على خير
ضحكت بصوت عالي وقعدت على الكرسي وأنا ابتسامتي من الودن للودن
ماما قعدت جمبي وابتسمتعلي في نظري أوي الولا ده
ابتسمت وأنا كمان
يلا يختي افتحي الشكولاتة دي واديني حتة
ضحكنا وقعدنا شوية نتكلم عليه ودخلت نمت
ظبطت تليفوني على معاد الشغل بتاعه ورنيت عليه
صباح الخير على الشقيان بتاعي
ضحك صباح النور يا رنونة
ها هتخلص امتى انهاردة
مش عارف ادعيلي رنا ممكن أطلب طلب
أكيد قول
ماما كانت عايزه تروح تشوف الشقة وكده ممكن تروحي معاها عقبال ما أخلص الشغل
سكت بحيرة وقولت بهزار معتقدش إنها تحب تشوفني في المشوار ده
خلاص أنا هتصرف
لا لا هروح ابقى كلمني قبلها يلا روح عشان متتأخرش
بحبك يا رنونة
ابتسمت وأنا كمان باي
مجاليش نوم قومت عملت فطار و قولت لماما اللي حصل
هتروحي
اه
خلاص هاجي معاك
جت الساعة 3 ولبست أنا وماما ونزلت كنا متفقين نتقابل قدام البيت
وصلت لقيتها هي وبنت خاله وخالته واقفين!
بصيت لماما بعصبية
بصتلي اهدي ومتبينيش إنك متضايقة
وصلنا وحاولت ابتسم ازيك يا طنط عامله ايه
نحمد ربنا
مدت ايديها وسلمت عامله ايه يا رنا
ابتسمت بسماجه الحمدلله يوسف مقاليش إنك جاية يعني
مامته ردت اه مهو يا حبة عيني في شغله الله يعينه مرضتش اقوله يلا بقى ولا ايه
طلعنا الشقة وفتحتها مكنتش مرتاحة
وقفت في ركن لحد ما يخلصوا وطبعا سامعه تعليقات بس مبردش ولكن ماما بترد!
ايه اللون الباهت ده في عروسة تعمل اللون ده
دي موضة يحبيبتي
ابنك مقالكيش عليها!
ضحكت جوايا على رد ماما
يوسف رن عليا بعدت عنهم ورديت
ايه يا يوسف
أنا خلصت وجاي اهو
تعالى انجدني بسرعة ارجوك
حاضر
قفلت معاه وفضلت مستنية لحد ما جه كنت أنا واقفه في ركن على جمب سلم على مامته وماما شوفت في عيونها الفرحة أول ما جه كنت حاسه إن في دخان بيطلع من راسي
قرب عليا واقفه بعيد ليه
بصتله أنا عايزه امشي
بصلي وكأن عيونه كانت