قصة فرحة عمري كتابة حماده هيكل

قصة فرحة عمري كتابة حماده هيكل
كاملة

فرحة عمري
اسمي فرحة اتولدت بإعاقة في رجلي كنت عكس كل الأطفال في المدرسه واخده جنب وفي حالي مش بعرف العب ولو حاولت
بقع على وشي والعيال يضحكوا عليا بقيت دايما لوحدي
بدخل الفصل اخر واحده لان كلهم بيطلعوا السلم بسرعه
بعد الطابور وعلى ما اوصل اكون حاسه بتعب
وبشوف نظرة الضحك والسخرية في عيونهم
وبفضل وقت المرواح آخر واحده تخرج من الفصل
عشان انزل على مهلي بدل ما حد يخبطني ويوقعني
او يتريق على مشيتي ..
كانوا المدرسين بيعطفوا عليا وبيزعقوا لاي طالب
يتنمر عليا كنت بسمع كلام كتير زي العرجه
او المكسحه وكنت بعيط اوي لدرجة أني في ايام
كنت بتظاهر بالمړض عشان أغيب من المدرسه
أمي كانت اقرب حد ليا بتطبطب عليا وتاخدني في حضنها
وبتسرح لي شعري وبتحكي لي قصص وحواديت حلوه قبل النوم وياما كانت بتهون عليا اي حاجة وحشه كانت بتحصلي ..دا كان في البيت وفي المدرسه
كان في زياد طالب معايا في الفصل كان دايما
يلاعبني معاه ويتخانق مع اي حد يتمنر عليا
وكنا بناكل السندوتشات مع بعض ووقت الفسحه
كان بيسيب لعبة الكورة اللي بيحبها عشان يلعب معايا
لعب سهلة ومفيهاش مجهود عليا
في يوم قالي انا بحبك يا فرحة !
طبعا كان لعب عيال وقتها بس انا كنت مبسوطه
وطايرة من الفرحه ..في حد بيحبني وتقبلني لشخصي
ومبصش للأعاقة اللي عندي اللي انا مليش ذنب فيها
مرت الايام ونجحت واتنقلنا لبيت جدي ابو أمي
قريب من مدرستي الاعدادية
وفضلت اذاكر واجتهد وابعد نفسي عن اي حد
محبط او بيحاول يأثر عليا لغاية ما دخلت الثانوي
وفضلت اذاكر واجتهد وقررت أحقق حلم امي
لأني هبقى مهندسه ودا كان هدفي من اول يوم
دخلت فيه الثانوية كان في شاب معانا في المدرسه
قريب بنت زميلتي معرفش ليه وازاي اتشديت ليه
لقيت نفسي بفكر فيه من غير سبب
وهو كمان كان احيانا بيبص لي ويبتسم
الحقيقه أن في بنت حذرتني منه وقالت ياريت
تركزي في مذاكرتك افضل وانا حاولت بصراحه انساه
بس معرفتش لانه كان كل يوم في وشي في المدرسه
بالمناسبة انا على قدر معقول من الجمال
وروحي حلوه بشهادة ناس كتير حوليا
بس انا كنت واخده عهد على نفسي بأني مش هحب
ولا افكر في لعب العيال دا ولازم ادخل الهندسه
بس واضح اني طلعت غبية وحبيت طب انا ايه ذنبي
هو الحب بأيدي يعني !!
للأسف طارق الولد اللي انا حبيته كان تقيل اوي
كان نفسي يلمح او يقول كلمه بس محصلش
في يوم قررت اتشجع وبعد تفكير طويل
قررت اعترف له بحبه وياريت