قصة فرحة عمري كتابة حماده هيكل

ما عملت كدا
اول ما قولتله انا بحبك
ضحك ضحكة غريبة وقالي
بتحبيني انا يا فرحة ههههه
للأسف صدني وكان رد فعله عڼيف وقالي أزاي ييجي في بالك اني ابص لوحده زيك في يوم من الايام
ايوه بس احنا كان بينا نظرات و..
نظرات ايه !! دي كانت شفقة وعطف عشان حالتك
بس متوصلش للدرجه دي
يومها رجعت البيت ودخلت أوضتي وفضلت ټعيط
بحرقه شديده لأني رخصت من نفسي عشان واحد ميستاهلش والحق عليا اني مسمعتش تحذير صاحبتي
ليا ومشيت ورا قلبي زي الهبلة ولغيت عقلي تماما
الموضوع تعبني نفسيا فترة وهو ثقتي في نفسي
بس قررت أني ارجع اقوى من الأول واني لازم
أحقق حلمي واندمه على تقليله من شأني
طحنت نفسي في الكتب والمذاكرة وجت ايام الامتحانات
والحمدلله حبيت كويس جدا والنتيجه ظهرت وجبت
99 الكل كان مبهور بيا ومحدش توقع ابدا ان هنا
البنت المعاقة تجيب المجموع الكبير دا
والحلم اتحقق ودخلت هندسه وأمي كانت طايرة
من السعاده وربنا كرمني وفضلت انجح كل سنه
بتقدير عالي واتخرجت من للجامعه واتعينت
في شركه محترمه وكان مرتبي كبير
مكنتش مصدقة ..يااااه اخيرا الحمدلله على كرمك يارب
فعلا اللي يصبر ينول
شاب تاني ظهر في حياتي
قابلته واتعرفت عليه بعدها بكام شهر كان في فرع
تاني للشركه واتنقل قريب ..بس انا كنت قافله على قلبي
وقررت اني انسى موضوع الحب والهبل دا
حاول يقرب لي وانا كنت حاسه اني مرتاح ليه
وكأني مش اول مرة اشوفه ..حسيته مألوف
وارتحت ليه
بس لا انا مش هوهم نفسي دا أكيد مشفق على حالتي
ماهو ايه اللي هيجبره يتجوز وحده في حالتي
انا لازم افوق من الاوهام دي وأبطل هبل بقى
واركز في شغلي ومستقبلي وبس
بس بعد كدا حصلت مفاجأة
الباب خبط وكنت بلبس البيت عادي
فتحت الباب واټصدمت لما لقيته قدامي
ماسك بوكيه ورد ومبتسم ..من الصدمة قفلت الباب في وشه تاني ..وقلبي دق بسرعه كبيرة
رن الجرس تاني
جريت ع اوضتي وماما سألتني مين يا فرحة
دخلت الأوضة وقفلت على نفسي وانا هطير من الفرحه
معقوله جاي لي انا ..معقوله مش وهم ولا حلم !!
اتقدم لي وطلب ايدي من بابا
أستغربت ازاي دا حصل انا كلمته مرتين تلاته
في الكام شهر دول ..امتى وازاي حبني وجاي يتقدم لي كمان
الموضوع تم بسرعه شبكه وكتب كتاب وفرح وډخله
شهر العسل كان اجمل ايام حياتي
كان فخور بيا وعمره ما حسسني اني فيا عيب
كان شايفني ست البنات كلهم واني عوض ربنا ليه
والحقيقه أن هو اكبر عوض وكرم من ربنا ليا
زوجي دا
هو زياد زميلي ايام الابتدائية اللي قالي بحبك
وكنت فاكره انه لعب عيال بس طلع فعلا بيحبني
ورغم السنين اللي بعدتنا عن بعض الا انه قرر يتجوزني
وشايف أن سعادته مش هتكمل من غيري
وانا كمان شايفه انه هو سعادتي وكل حياتي .
حماده_هيكل