ما يحدث بشقة جاري قصة حماده هيكل

مراته وهي ماسكه
كفاية كدا يا ظالم
وفضل يشهق ولفظ أنفاسه الأخيرة
وماټ ..رفعته من فوقي..وقومت
وانا مذهول
انتي عملتي ايه
انا قټلته خلاص قټلته
كتمت نفسها وقولتلها بس وطي صوتك
وجريت بسرعه وقفلت الباب
مكنش لازم تقتليه
انا مش عارفه عملت كدا ازاي
بس هو كان هيقتلك
وانا خلاص جبت اخري منه وهو اصلا
ميستحقش يعيش
طب هنعمل ايه في المصېبة دي
مش عارفه ..انا هسلم نفسي
تسلمي نفسك أزاي لا انتي مكنتيش في وعيك
وكمان اللي زي ما يستاهلش ټتسجني عشانه
وكمان ولادك هتسبيهم لمين
طب اعمل ايه !!
متعمليش انا عايزك تساعديني نلفه
في ملاية وانا هاخده وأتخلص من جثته
بس انت ايه ذنبك! ليه هتورط نفسك
عشان لو مساعدتكيش انتي هتروحي في داهية
ومش بعيد كمان رجلي تيجي في الموضوع
لا كله الا الفضايح ..احنا لازم نتصرف
طيب في عندك أي حبل هنا
اه في حبل غسيل ..ثواني هدخل أجيبه
فضلت مستنيها وبعدها جات ومعاها
حبل لكنه كان معقود ومش قادرة تفكه
عنك انتي كدا
اتفضل
حسيت بحركه ورايا الټفت لقيت جوزها
تفاديا ضړبته ورجعت لورا بسرعه
ولكني أتكعبلت في طرف السجاده
قفز فوقي مرة تانية وهي جات من وراه
بعدها الكهربا قطعت ورياح قوية
فتحت الشبابيك ..وسمعت صوت صړاخها
وهي بتحشرج وبتقولي أهرب بسرعه
جريت على الباب وفتحته وخرجت منه
وبسرعه جريت على شقتي
اول ما دخلت حسيت الدنيا بتلف بيا
وقعت من طولي وصحيت الصبح
كنت حاسس بالام في جسمي كله
غيرت هدومي ونزلت بسرعه
سألت عم حامد البواب
هو في حاجة حصلت امبارح في العماره
حاجة !! حاجة زي ايه
اصلي كنت سمعت صوت جاي من الشقة اللي قصادي
اه قصدك شقة المرحوم عاطف
ايه هو ماټ
اه من سنتين هو انت متعرفش
من سنتين
ايوه مراته هربت منه وخدت الولاد وفضل شهور
معرفش يوصلهم .حس بالذنب انه ضيعهم
وطفشوا بسبب عمايله ..فقتل نفسه
أنتحر
ايوه ومن ساعتها والشقة بقينا نسمع
منها أصوات غريبة وصړاخ طول الليل
بس خلاص أحنا أتعودنا
انت بس عشان لسه راجع من السفر قريب
الموضوع غريب عليك
دي أغرب حاجه حصلت لي في حياتي
حاجة ايه يا بيه !!
لا مفيش ..سلام
تمت
حماده_هيكل