مجموعة اسكريبتات بقلم ريا مهلل

الأول
لسه بتحبيه!
قالها خطيبي لما شاف اللي كنت بحبه معدي وانا بصيت عليه
ضحكت وقولت احبه
قالي اهدي ده مجرد سوال
طيب ي سليم طالما لسه بحبه وافقت انخطب ليك ليه
ممكن علشان تنسيني بيه
قومت من جنبه بعيط وقولتله مش انا اللي انسي واحد بواحد ومشيت
سجده انا مقصدش حاجه بس نظراتك ليه خلتني اغير عليك
حقك تغير لو شوفتني معاه
اسف ي سجده
لا عادي حصل خير بس عايزه اقولك اني مكنش مني انا يعني هو سابني فضلت اقوله تعال تعال أتقدم قالي م جاهز كرامتي باظت بسببه حياتي أدمرت لكن ي سليم انت جيت في وقت انا كنت محتاجاك فيه جيت خلتني انسي كل صعب عدي جيت عوضتني عن كل حاجه
لو رجع هترجعي له
ضحكت بصوت عالي وقولت ارجعده مستحيل وانت موجود وصدقني لو مش موجود م هرجع عارف ليه
ليه
علشان الوقت اللي كنت مطفيه فيه هو مشي فيه الإنسان عنده طاقه ايوه انا فرفوشه جدا ولكن انا بني آدم وبشر لحم ودم يعني اكيد هيجي عليا وقت انطفي وهو كان عايزني نور له دايما واللي ميكنش معاك وقت م انت مطفي ميستحقش يكون معاك وانت بتلمع!
كملي
لا م عايزه اتكلم عنه تاني كفايه اللي سببه ليا
لا كملي عارف انك فاكره اني هزعل بس لا عايزك تتطلعي كل الحزن اللي جواك هسمعك
مقدرتش امسك دموعي وقولتله انا وحشه ي سليم
مسك ايدي وقالي لا ي سجده انت مش وحشه انت أجمل حاجه حصلتلي في حياتي
امال ليه كل حد بحبه يبعد عني
بصي ي سجده كل واحد فينا عنده رساله للتاني كل واحد فينا هيدخل حياه التاني هيديه درس وهيمشي وكدا هو وصل رساله م لازم اللي بنحبهم يكملوا معانا للنهايه
وانت ي سليم هتسبني زيه
ضحك وقالي اكيد
فتحت عنيا پصدمه وقولتله اي
ضحك علي شكلي وقالي انت مجنونه فيه حد يسيب روحه عايزاني اموت
انت مغرتش وانا جايبه سيرته ي سليم
لا غرت لكن م عايز تبقا حاجه جواك مخبيه او مشاعر مكتومه لناس عابره م عملت زي الرجاله التانيه وقولتلك م تجيبي سيرته ولكن حبيت اخليك م تخبي حاجه في قلبك
قولتله بحب يعني م هتبعد عني في يوم
طيب بذمتك حد يبعد عن الكاتبه القمر دي
قولتله لا بقولك اي احترم ضوابط الخطوبه احسن اعورك
لقيته ضحك وقالي ي شرس انت
قولتله بثقه امال ي ابني
سكت شويه وقالتله سليم انت معايا
قالي اه ولكن عندي طلب ي سجده
قولتله اكيد قول
سيره الشخص ده م تتفتح تاني مش هسمح لحد ياخذك مني او سيره راجل تاني تتجاب غيري
قولتله مكنتش عايزه اتكلم ولكن انت اصريت
لا احكي اللي عندك وانا خليتك تحكي للنهايه علشان نقفل الموضوع م تفكري فيه تاني
بصتله نظره كلها حب