اسكريبت دعاء و آسر كاملة بقلم الكاتبة المبدعة رزان عزالدين

في عيشتي
صح قوليلي عاملة اكل ايه
ضحكت وقالت
مكرونة بالبشاميل وفراخ مشوية ومحشي
الله!
عدي شوية وقت وحطت الأكل وجيه قعد انا اوريدي كنت قاعدة اصلا
تسلم ايدك يا نانا
تسلم يا حبيبي
بعدين بصلي وقال
خلصي واطلعي اوضتك
...
سامعة!
ماشي بقا اسكت عايزة اكل
بصلي پغضب مكتوم وبدء ياكل
عدي وقت وخلصت غسلت مع نانا سمية اللي طلعت طيبة جدا وسكر المواعين وطلعت اوضتي
عدي ساعة وانا كنت قاعدة علي كرسي المكتب و بقرأ رواية وفجأة دخل الاوضة
خبط علي الاقل!
انا اعمل اللي انا عايزه!!
اتجاهلته ورجعت اقرأ
وقف قصادي وحط ايده علي دقني ورفع راسي بعدين قال بهدوء مرعب
وانا بكلمك بصيلي!
فضلت بصاله بلا مبالاة بعدين شيلت ايده وكملت قرائه في الرواية
فجأة خد الرواية ورماها علي الارض
قومت بعصبية وقولتله
انت بتعمل ايه!
شدي من ياقة التيشيرت وزاعق
عشان بعد كده لما اقولك حاجة تعمليها!
المرة الجاية مش هرحمك!!
انت مريض!!
انت اللي مستفزة!!
لأ انت اللي مريض!
بصلي پغضب وسابني وخرج من الاوضة
مسكت الرواية وانا متدايقة وحطيتها علي الرف ونمت
و اه نمت وانا بعيط
صحيت اليوم اللي بعده ببص جنبي لقيته فاټخضيت وصوت
اتفزع و وقع من علي السرير بعدين بصلي وزاعق
انت اټجننتي ي بت!!
انت بتعمل ايه هنا!
هو ايه اللي بعمل ايه هنا!
نايم جنبي ليييه!
قام وقف وقال
انت اتهطلتي ولا ايه انا جوزك!!
قولت بهدوء عكس صوتي العالي اللي من شوية
اه صح
اتأفأف بضيق وبعدين قعد علي السرير وهو بيدعك عينه
مسك تليفونه اللي كان علي الكومودينو وبص للساعة بعدين خرج من الاوضة وهو بيشتمني
ضحكت عليه وخرجت انا كمان بعد ما سرحت شعري
صباح الخير يا حبيبتي
صباح الخير يا نانا
انا حضرت الفطار تعالي اقعدي لغاية ما آسر يلبس وييجي
وبعد شوية فعلا آسر جيه
كلنا واول ما خلصنا قالي
انا رايح الشغل متحاوليش تهربي عشان الأمن برا ومش هيسيبوك
انت شغال ايه
توقعي
تاجر اعضاء
قربتي
مخډرات
صح
يلهوي!!!!
يلا سلام
يارب متجيش بالسلامة
اتجاهلني ومشي
ونانا سمية كانت بتضحك معرفش ليه
اليوم عدي وكان ممل اوي منكرش اني حاولت اهرب والامن مسكوني
ومنكرش اني دخلت اوضته وكسرتله كل حاجة...ينهار اسود ده جيه!
دعااااااااااااااااء
وفجأة الباب اتفتح جامد
انت اللي كسرتي المرايا وبهدلتي الاوضة!
ا...انا...
انت عبيطة!
مش اعبط من اللي خطڤني بدون سبب!!
وقف قدامي بالظبط وزاعق
انت محسساني ليه انك كنت بتحبيه!!
زاعقت بنفس النبرة
اه بحبه وعمري ما هحبك!!
كان بيتنفس بسرعة
فضل باصص في عيوني بعدين ضحك بسخرية وقال
وانا عمري ماكنت هسيبك لي
بعدين خرج من الاوضة
استغربت كلامه بعيدا عن اني قولتله اني بحب سيد عشان اعصبه
بس ليه عمره ما هيسيبني لي ليه
بعد ما يقارب ساعتين وانا بعيط الباب خبط
فتحته وكانت نانا سمية و وراها كراتين كتير
آسر قالي اديك دول ياحبيبتي
هزيت راسي دخلت الكراتين
كان فيهم روايات كتييير
رصيتهم في المكتبة وسيبت الباقي في كرتونته علشان مالهومش مكان
لبست الطرحة ودخلت البلكونة اكمل عياط هتسألوني بعيط ليه
عشان قرفت من كل حاجة
كنت هتجوز واحد مبحبهوش وابن عمي المجنوت خطڤني
وياريته خطڤني عشان بيحبني خطڤني عشان يعذبني
افتكرت بابا زمان لما كان بيقولي اتجوز اللي بحبه وبيحبني
لا انا بحبه ولا هو بيحبني وكمان تاجر مخډرات!
دخلت للاوضة ونمت
وصحيت تاني يوم علي خبط الباب
فتحته وكانت نانا سمية
صباح الخير يا حبيبتي
صباح النور يا نانا
يلا انزلي عشان تفطري
هستحمي الاول وهنزل
ماشي ياحبيبتي
دخلت استحمي وبعد نص ساعة طلعت كنت عارفة انه قليل الأدب وهيبقي في الاوضة فلبست في الحمام ولما طلعت مخيبش ظني وكان قاعد علي الكرسي فعلا
اول ما طلعت بصلي وانا بضحكت بسخرية عليه
منزلتيش تفطري ليه
معلش كنت بلعب
اتكلمي عدل!
حاضر آسفة كنت ألعب
قام وقف قصادي وقال پغضب
انت هتستهبلي!
قولتله وانا بنشف شعري ومش بصاله
اه
دعاء متستفزينيش!!
براحتي
بعد ما كان واقف جنبي راح عدي من ورايا و وقف قدام المكتب بصيتله
في المرايا