اسكريبت سما و زياد كاملة بقلم الكاتبة المبدعة رزان عزالدين

ريان
نفسي تخف الغرور ده شوية
يابني الغرور ده صفة مبتتغيرش فيا
اومال
بعدين البنت اللي كانت بتقول لصاحبتها ان زياد مز جت وقفت قصاده وقالت بدلع
هاي
وعليكم السلام
ضحكت وقالت
البيتزا تحفة بجد تسلم ايدك
ابتسم وقالها
تسلمي
انت اسمك زياد صح
ايوا
انا سيليا
اتشرفت
فضلت تهزر معاه وتضحك وهو يضحك وانا كنت بغلي
ريان بصلي باستغراب وهمسلي
وشك بيطلع دخان ليه
قولتله وانا بجز علي سناني
انا
لأ خالص مافيش مش متدايقه ولا اي حاجة
بس انا مسألتكيش
ادااا انت غيرانه
انا
غيرانه
انا غيرانة
مستحيل انت اټجننت ولا ايه
اومااال انت هتقوليلي
فجأة سمعت البنت بتقول
انت مرتبط
لأ
وانا كمان ماتيجي نرتبط!!
هنا مقدرتش امسك نفسي ودبيت علي الكاونتر ولمېت حاجتي ومشيت وسط دهشتهم كلهم
ليه عملت كده
معرفش
او عارفة وبستهبل
روحت وانا متعصبة جدا
ايه دا في ايه ياسما
ابعد عني ياحمزة
دخلت الاوضة ورزعت الباب
غيرت هدومي وقعدت علي الكرسي وبعد خمس دقايق
طق طق طق
ادخل...
كان حمزة زي ما اتوقعت
قعد جنبي بهدوء وقال
احكي
رغم ان شخصيتنا مختلفة إلا انه بيفهمني جدا
انا معجبة بحد
اعجاب ولا حب
مش عارفة اعرف ازاي
لما بتشوفيه بتحسي بإيه
فكرت شوية وبعدين قولتله
بحس براحه...
كملي
حتي لما بشوفه من بعيد بحس براحه وكمان بتبسط حتي منغير ما اكلمه
يبقي وقعتي في الحب يا آنسة سمااا
قوليلي بقا متدايقة ليه برضو
واحده جت عاكسته وتتدلع عليه وهو بيضحك والضحكه من الودن للودن
وقال ايه بتقوله انت مرتبط
وهو رد قال ايه
معرفش خرجت قبل ما اسمع رده بس اكيد وافق
وانت متدايقة عشان حاجة انت مش متأكده منها
هزيت راسي ببراءة راح قام وقالي وهو خارج
الله يهديك ياسما
عدت الأيام وبطلت اروح المطعم
بصراحة ماكنتش طايقة خلقته فاتجنبته
بس في يوم كنت تعبانه جدا ومحتاجة اكل بيتزا فروحت احمممم اكيد يعني ماروحتش عشان وحشني اومال
السلام عليكم
وعليكم الس...سما!!
اه تخيل
مختفية يعني
عادي مشغولة شوية عامل ايه
الحمدلله كويس وانت ايه اخبارك
بخير الحمدلله
ها كالعادة ولا هتغيري
كالعادة
زيااااااااد
قاله وهو طالع من المخزن
ايه
بيتزا سوبريم
حاض...سما!!
انت كنت فين!!
مشغولة شوية
مالك
مافيش حاجة
متأكدة
ايوا
تمام خمساية والبيتزا تبقي عندك يا مزة
ريان زاعقله
زيااااااد
اقصد ياسما
راح يعمل البيتزا فريان ميل عليا وهمسلي
متقلقيش رفضها
هي مين
سيليا
وانا مالي
انا عارف انك محروقة وماكنتيش بتيجي عشان كده
احمم
ضحك وقال
روحي روحي اقعدي
بعد شوية جابلي البيتزا وزياد طلع بعد ما غسل ايده وغير هدومه
كان بيتكلم في التليفون وسمعته بيقول
ماشي انا كده كده جاي الشركة بكرا ونبقي نشوف المشروع ده
شركة
شكله بيشتغل شغل تاني
وانا مالي
جيه قعد قدامي وهو بيشرب ڤي كولا بعدين قالي
ماكنتيش بتيجي ليه
مانا قولتلك مشغولة
لأ اقصد السبب الحقيقي
ده السبب الحقيقي
بجد
اه
رياااااااااان
ريان كله هو كمان بعد ما غير هدومه وكان شايل علبتين بيتزا
عايز ايه من ريان
تعالي اتعامل مع سما عشان مش راضية تقولي مالها
اتعامل انت ماليش دعوة انا رايح لأمي
حط علبة من العلب قدام زياد وخد علبة معاه
متتأخرش...او أتأخر انا مالي
ماشي يا اخويا ياكبير
هات مفتاح العربية
وانا اروح مشي
انسي
وخرج من المحل وسمعنا صوت العربية زياد همس بغيظ وهو بيفتح علبة البيتزا
غدار
خد منها حته بعدين قالي
وحشت...لأ احممم اقصد يعني عاش من شافك
ارتبكت وقولتله
الله يشوفك
ربنا يكرم...ايييه!!
مصدقش يعني...يوووه مش بعرف ارد اسكت بقا
ضحك وقطم حته من البيتزا
كنا بناكل في صمت والحقيقة انا كنت مركزة معاه وهو بياكل
شكله كيوت اويي
بس هو
كان مركز مع التليفون
بصالي كده ليه
فوقت علي سؤاله وبصيت للبيتزا وكلت وانا وشي محمر
ساب التليفون علي جنب وسألني
انت عندك كام سنة
24
بجد يعني مش 34!!
بطل قلة ذوق
احمم مقصدش والله
مستفز
انا بهزر والله!
انت شكلك اصغر من سنك اصلا
بجد
ابتسم وقال
ايوا
انت عندك اخوات
ايوا
عندي نورا وحمزة
انت ترتيبك ايه بينهم
الكبيرة
هز راسه فسألته
عندك اخوات غير ريان
لأ
هو انتوا اشمعني فتحتوا مطعم بيتزا
بنحب نعملها جدا كنا بنعملها واحنا في البيت وكله بيشكر فيها فقررنا نفتح مطعم بعد ما اتخرج
انت خريج ايه
هندسة
ه ايه
الموضوع غريب شوية
انا خريج هندسة وشغال مهندس عادي