رواية وسيطرت المشاعر الفصل الثاني عشر بقلم كامل بقلم زهرة الربيع

الربيع
عند ادهم اول ما رجع على البيت لقى مشاعر في الجنينه مع ابنها واخيرا كانت لوحدها قرب منها وقال.... ازيك يا مشاعر ...هو سليم رجع
مشاعر قالت بضيق.....اه رجع وطلع ياخد شور ..ومتعصب جدا مش فاهمه ليه
ادهم قال بتوتر..... هو انت زعلانه مني
مشاعر ابتسمت بسخريه وقالت... انت عملت حاجه تزعل
ادهم اتنهد وقال .....انا فاهم انك زعلانه لاني محذرتكش ..وانو كان لازم اقولك ان سليم عرف مكانك ... بس يا مشاعر صدقيني كده احسن.... والله انت متعرفيش سليم اتعذب قد ايه في بعدك وكان بيدور عليك قد ايه ....انا كان قلبي بيتقطع عليه وانا شايفو ھيموت و يلاقيك وانا عارف مكانك و مش قادره اقول له علشان امانتك اللي حملتهالي ...بس لما قدر يلاقيك بنفسه صعب عليا ابعدك عنه واقولك وتهربي منو تاني.... حقك عليا بس قلبي ما طاوعنيش اعملها..... كنت حابب تتقابلو وتتكلموا يمكن....
بس مشاعر قاطعته وقالت پغضب.... يمكن.... يمكن ايه يا ادهم ....هو انت مش شايف اخوك بيعمل ايه...ولا ما كنتش تعرف انه خاطب.... انا مش شايفه اي حاجه من اللي انت بتقولها ولا لندم ولا زعل عليا ولا اي حاجه ....عايش حياته طبيعي جدا ولا كاني كنت فيها.....انا كنت حاطه كل ثقتي فيك ومطمنه ان يوم ما هيعرف مكاني هتحذرني ....بس غلطت ما كانش لازم اوثق للدرجه دي..... في النهايه انت اخوه وانا زي ما قال بنت السواق .....اكيد هيصعب عليك اخوك انما اللي عامله فيا ما يصعبش عليك ابدا
ادهم نزل عيونه في الارض وقال... لو كان اللي بتقوليه ده صح ما كنتش سعادتك سنتين كاملين وخليت ابنه بعيد عنه كل الوقت ده... يا مشاعر انا كل اللي اقصده انه كفايه كده الهروب مش حل... وانا كنت دايما اقول لك الكلام ده وانت ما كنتيش تسمعي كلامي ...لازم تواجهيه لازم تتكلمي وتقولي له انت زعلانه من ايه.... انا عارفه انك مش هتصدقيني بس والله العظيم سليم بيحبك...... ولا غاده ولا 10 زيها يدخلوا قلبه انت في حته تانيه..... بس هو مجروح من اللي عملتيه ومعاه حق
مشاعر ضحكت بسخريه وقالت... معاه حق..فعلا
ادهم قال بسرعه....وهيفضل معاه حق لحد ما تتكلمي وتقولي ايه اللي مزعلك وايه اللي خلاكي تهربي من البيت....لو سمحتي متقسيش عليه اكتر من كده..والله سليم اتجرح جدا من اللي عملتيه و....
ولسه هيكمل بس قاطعو صوت سليم وهو بيقول بۏجع ....بس مش قد اللي انت عملته
ادهم و مشاعر التفتوله پصدمه وذهول وووووووو