اسكريبت كااامل بقلم الكاتبة ريم خالد

ليه .!
رفعت أكتافي بعدم أهتمام_ أصل هعمل أي بعد ما أنزلهم مفيش جديد هيحصل يعني ..!!
_ ازاي بقا بالعكس هتحسي أن الحاجه بتاعتك بتطلع للنور ولما تشوفي رأي الناس فيها قد أي هي جميلة ومعجبين بيها هيزود ثقتك في نفسك وفي كتباتك وأحتمال كبير تتشهري وتلاقي ناس بتحبك ومستنين منك كل جديد ومنعرفش نكلم غير بمعاد بعد كدا ..!
ضحكت وأنا ببصله وبفكر في كلامه اللي أداني شجاعه كبيرة في نفسي وفي كتاباتي بيتنافي مع كلام معاذ اللي مكنش بيعمل حاجه غير أنه بيسخر مني ومن كل حاجه بكتبها وعمره ما في مره شجعني بالعكس خلاني کرهت الحاجه الوحيدة اللي كنت بحبها وهي الكتابة ووقفتها فترة طويلة ..
_ بتكتبي ايوه أعملك اي يعني ..
_بحب الكتابة يا معاذ وبكتب قصص قصيرة يعني ..!
_ ايوه هتعملي بيهم أي بعد كدا ..!
_ مش عارفة بس بفكر أبقي أنزلهم في جروبات للكتابة وكدا وحلمي يكبر ..!
ضحك بسخرية وهو بيقولي_ ريم مفيش حد هيهتم يقرأ الهبل دا ..! خليكي عاقلة شويه ..
شد من أيدي النوت وهو بيقرأ اللي فيها وكل شويه يضحك بسخرية ..
_ قومي ياريم أرمي النوت دي بلاش هبل ..!
قالها وهو بيرمي علي النوت بتاعتي ودخل الأوضة وهو بيتريق علي اللي أنا كتباه مسحت دموعي وأنا بمسك النوت بقطعها وبرميها بدموع فوقت من ذكرياتي علي صوته وهو بيصفر بأستغراب عشان يلفت نظري ..
قولت بحزن_ كلامك يتنافي مع كلام كتير سمعته من ناس كانوا قريبين مني في يوم من الايام ..
_ زي ما بتقولي كانوا قريبين يعني كلامهم عمره ما يكون مقياس يخليكي توقفي زي ما طلعتيهم من حياتك طلعي كلامهم السلبي برده من حياتك ..!
أبتسمتله بهدوء وأنا بهز رأسي بموافقة بص في ساعته وبصلي تاني وهو بيقولي بهدوء ..
_ يلا عايزه حاجه هدخل أنام ..!
أبتسمت وأنا بقوله_ لأ شكرا تصبح علي خير ..
_حطيلي المشبكين اللي حدفتهم بقا عشان الست الوالدة متقفش ..!
كان بيقولها وهو بينزل السبت ضحكت وأنا بحطهم ..
_ متلعبش بالمشابك تاني بقا عيب ..
_ حاضر يا طنط ..
ضحكنا وبعدها دخلت من البلكونه بعد كلامنا حسيت بطاقة إيجابية كبيرة أني أنزل كتباتي دخلت علي جروب كبير للكتابة وبدأت أنزل فيه أول حاجه كتبتها من زمان وقفلت تلفوني وأنا بحطه جنبي بهدوء وروحت في النوم .
بعد مرور تلات شهور قربت شويه من عمر وكان أول واحد يقرأ أي قبل ما أنزلها ويقولي رأيه بطريقة تشجعني أكثر كل مره كنت بفكر أرجع فيها ومنزلش فيها حاجه كان هو اللي بيثبتني بكلامه بدأت كتاباتي تتعرف وتتشهر وكنت فرحانه بكدا جدا معاذ مبقاش في أخبار عنه غير أنه في السچن وفي يوم كنت نازلة من بيتنا قابلني عمر علي السلم ..
_ نجيب محفوظ الغلابة تعالى هنا ..!
ضحكت وأنا بقرب منه حط أيده في جيوبه وهو بيقولي ..
_ رايحه فين ..!
رديت بأستهزاء_ ودا فضول ولا تدخل في حياة الناس ..!
رد بغرور_ دا سؤال تدخل في حياة الناس طبعا ..!
ضحكت وأنا بقوله_ نازلة أشرب

آيس كوفي في أي كافيه عشان مش بعرف أعمله في البيت ..
_ تصدقي أنتي أخدتيها من علي لساني أنا كمان عايزه أشرب آيس كوفي ..
_ يا جدع ..!
_ لا متقوليش باين أني بكدب ..!
ضحكت وأنا بهز رأسي نزلنا أحنا الأتنين ودخلنا كافيه قريب من العمارة قعدنا وطلبنا وكونا بنتكلم في مواضيع مختلفة وجه الآيس كوفي
بتاعنا.
_هو دا الآيس كوفي ..!
_ أيوه ..!
_ أي اللي أنتوا بتشربوه دا ..!
_ قهوة ولبن و مكعبات ...
قاطعني وهو بيقولي بغيظ_مش بقولك مكوناته دا ميتشربش ..!
رديت بعصبية مصتنعه_ لا مسمحلكش تتكلم علي الآيس كوفي كدا ..!
رد بفقدان أمل_ أنتي من سكان إيجيبت مش من مصر بتاعتنا لأ ..!
ضحكت وأنا بقوله_ خلاص أطلب حاجه تانية ..!
_ لأ هديله فرصة وأشربه عشان خاطرك ..
بصيتله بهدوء وأنا مركزه معاه وهو بيأخد بوق تاني ..
_ أنا بقول هو ميستهالش أديله فرصة تانية هو مش جوز خالتي يعني ..!
ضحكت جامد وأنا ببصله وهو بيبص للأيس كوفي بقرف بعدها خرجنا أتمشينا شويه وأحنا بنتكلم بدأ الجو يمطر من تاني الكل أستخبي من المطر إلا أنا وعمر كونا ماشين تحته وأحنا بنغني بصوت هادي والناس اللي في الشارع بدأو يقلوا وتقريبا مبقاش في غيرنا..
قولت بزعل_ الناس بتستخبي من المطر ..!
وقفت مشي وأنا برفع رأسي لفوق والمطر بينزل علي وشي حسيت بعمر وهو بيقرب مني ..
_ ريم ..
فتحت عيني بتوتر وأنا ببتسم..
_ أتعلمتي تعملي قهوة ..!
ضحكت وأنا بقوله_ أشمعنا ..!
غمز وهو بيقولي_ عشان أجي أشربها مع جدو ..
بعدت عنه وأنا بقوله بحزن وتوتر ..
_ اللي في دماغك دا مش هينفع دلوقت يا عمر ..!
مسك أيدي وهو بيقولي برجاء وهدوء..
_ أديني فرصة ..!
_ هتتعب معايا أنا لسه متعافتش نفسيا .!
_ هتتعافي وأنتي معايا .!
_ أنت تستاهل حد أفضل مني ..
_ مفيش حد أفضل منك أنتي أفضل من الكل ..
أبتسمت وأنا بببصله بكسوف وهو بيبصلي بحب مال عليا وهو بيهمس جنب ودني.
_ مقولتيش برده أتعلمتي تعملي قهوة ..!
ضحكت بكسوف وأنا بهز رأسي غمزلي وهو بيمسك أيدي وجرينا في الشارع اللي كانت فاضي من الناس وصوت ضحكنا بيندمج مع صوت المطر الشديد ..
وأعلم أن الحب ليس بأن يكون المحبوب بلا عيوب ولكن يظل محبوب رغم عيوبه ..
ريم_خالد