اسكربيت بقلم ريم خالد

فين..
_ لي في أي..
_ مفيش حاجة يماما قولي بس..
قالتلها مامتها مكانه وأخدت ريم البنت معاها لعنده وطلبت تدخله أول ما دخلت عنده قام وقف وهو مخضوض..
_ في حاجة..
شاورت ريم بعينيها علي البنت وهي بتقول..
_في حد بيهددها نفس اللي حصلي..
أخد نفسه وهو بيقولهم_طيب أقعدوا احكيلي يا انسه في أي..
بدأت البنت تحكي وريم وعمر مستمعين ليها لحد ما هي خلصت وهي بټعيط..
_أنا مليش حد ومش عارفه اققول لمين ملقتش غير ريم اللي ممكن تساعدني أول ما شوفتها..
رد عليها عمر بهدوء_ أنتي أسمك أي..
_ دنيا عبد الحميد..
_ متقلقيش يا دنيا دا عيل فاضي وأنا هتصرف معاه..
_يعني هتعمل أي..
دا كان صوت ريم اللي بتسأله بصلها شويه وهو بيقولها.
_ هتعامل معاه برا القانون عشان هو باين عليه بيتسلي مبقاش عاقل وبعد عنها هيبقي ليا تصرف تاني بس أنتي في الكلية بكره مش كدا..
_ايوه..
_ خلاص تخليه يجي بحجة أنك عايز تكلميه وأنا هكون موجود ونجيب آخره..
وافقت البنت وقامت هي وريم عشان يخرجوا لفت ريم لعمر قبل ما تخرج وهي بتقوله بأبتسامه اول مره يشوفها منها..
_ شكرا..
رد عليها بهزار _ بقيتي طيقاني خلاص..!
_أنا أسفه بس كانت أعصابي تعبانة..
قرب منها وقالها وهو بيبص في عينيها..
_سلامة أعصابك..
أبتسمت ريم وهي بترد عليه بهمس..
_ الله يسلمك..
سابته ريم وفتحت الباب وطلعت وعمر لسه واقف مكانه مبتسم وهو بيبص علي طيفها..
تاني يوم الصبح في كلية ريم واقفة مع عمر وهو لابس نظاره وواقف جنبها مربع أيده وبيبص علي الشاب اللي جاي مع دنيا وبيبص عليه بسخرية لحد ما وقف قدامه وهو بيوجهه كلامه لدنيا ..
_ أنتي جيبالي قريبك عشان يهددني ولا اي..
قلع عمر النظارة وهو بيقرب منه..
رد عليه ببرود_ لا يا روح أمك أنا مش جاي أهددك أنا جاي أحبسك..
رد عليه بسخرية_ لا والله وبتهمه أي بقا..
_ پتهمة تعاطي وبيع مخډرات دا أنت معروف أوي وسط الدفعة وحبايبك كتير كلهم اعترفوا عليك من غير أول قلم حتى مفيش واحد سألته عليك وقال في حقك كلمة طيبة دا أنت مشهور أكتر من فيفي عبده..
قال اخر كلمة بأستهزاء خلي اللي قدامه أتوتر ورد عليه..
_معندكش أثبات واحد علي اللي أنت بتقوله دا..!
رد عليه وهو بيضحك_ لا من ناحية الاثباتات متقلقش هنروح نشوفها مع بعض دلوقت..
زق عمر وجرى وعمر متحركش من مكانه..
زعقت ريم فيه وهي بتقوله_دا جرى الحقه..!
شاور بعينيه علي مكان معين بصوا لقوا عسكري ماسكه وجايبه ناحيتهم وقفه قدام عمر..
أتكلم عمر ببرود_ يعني ينفع كدا تزقني تكرمش القميص. خده يابني علي القسم لحد ما أجيلكوا..
مشي وريم ودنيا عمالين ييصوا عليه بأستغراب وصدمه.
_ أنتوا بتبصولي كدا ليه هو المچرم مش أنا..!
سألته ريم بأستغراب_ أنت ازاي عرفت كل دا.
رد عليها عمر ببرود_ هو أنتي شيفاني ازاي أنا ظابط مش بياع بليله..!
ضحكت ريم ودنيا وأتكلمت دنيا وهي بتقوله..
_ مش عارفة اشكرك ازاي ولله..
_ متشكرنيش دا حقك ودا واجبي اتجاهك..
أبتسمت دنيا وهي بتستأذن منهم وبتمشي وريم بتبص عليها وهي ماشيه سمعت صوت عمر وراها وهو بيقولها.
_ بس أي رأيك في الشو اللي أنا عملته..
ضحكت ريم وهو بتقوله_ بصراحة أتفجأت أنت قولت هتتعامل معاه برا القانون أومال لو اتكلمت معاه بالقانون هتعمل أي..
عمل نفسه بيعدل لياقه قميصه وقالها بغرور مصتنع..
_ أنا مبحبش أتكلم غير بالقانون وهو طلع مقفوش اوي والكل عارف أنه ديلر يبقي اتعب نفسي بالكلام معاه لي..!
ضحكت ريم وهو بيقولها بخبث..
_ماما أتعلقت بيكي اوي..
_ وأنا كمان أتعلقت بيها وحبيتها اوي حاجة كدا سكره..
قرب منها وهو بيقولها بغمزة..
_ طب مش عايزه السكره تبقي حماتك..!
بعدت عنه ريم پصدمة كانت لسه هتمشي من قدامه بس مسك أيديها وهو بيقولها..
_ أنا عارف أنك مش مستعده دلوقتي بس أنا مستعد أصبر وأستني بس أنتي أديني فرصه..!
أتنهدت ريم وهي بتقوله_أنا لسه متعافتش يعمر من اللي حصل..
_ هستني لحد ما تتعافي..
ردت عليه بحزن_هتستني كتير وأحتمال تزهق..
أبتسم _ وافقي أنتي بس وأنا اوعدك مش هزهق..
_ يعمر ..
رد عليها _ يريم ..
ضحكت ريم وهي بټضرب كف علي كف وبتقوله..
_ هتندم..!
غمزلها وهو بيقولها_ دا أنا بمۏت في الندم..
أن حد يحبك ويختارك بدون أجبار لا منك ولا منه بدون أذيه ولا خوف حد يحتويك بحنية وحب أفضل بكتير بكتير من اللي يجبرك تبقي معاه وأنت مش مرتاح أختار اللي تعيش معاه مطمن وقلبك بيحب وجوده مش بېخاف منه...
ريم_خالد
اللي يقرأ ميجريش قولي رأيك..