أخت جوزي بقلم عادل عبد الله

حسيت بقلبي بيدق جامد وعرقت في ثواني واتلخبطت وحسيت اني هتشل من الصدمة .
!!
رجعت لورا ونزلت بدون ما يحسوا بيا .
رجعت وخرجت من الشقة ونزلت علي السلم ووقفت قدام باب شقتي وكنت مترددة اطلع واواجهم و اخليهم يعرفوا اني شوفتهم ولا لأ .
طلعت تاني وعملت اني بنادي علي حماتي ودخلت الشقة شوفتهم طالعين
قولتلهم انتوا كنتوا بتعملوا ايه اتفاجئت بالبنت بتزعق وبتقولي انتي ازاي تدخلي الشقة من غير ما تستأذني انا لما تيجي امي واخويا لازم اقولهم علشان يتصرفوا معاكي !!
وبدل ما كانت هي اللي محل اتهام اصبحت انا اللي محل اتهام وبدافع عن نفسي !!
قولتلها انتي بتعملي كده علشان تداري على نفسك !!
لقيت خطيبها بيقولي ايه الكلام اللي بتقوليه ده محصلش حاجة علشان تقولي كده ده هي كانت بتوريني صورها وهي صغيرة انتي ليه ظنك سئ كده !!
و قعدنا نزعق انا وهي وبعدها نزلت واستنيت حماتي ترجع من بره .
ولما رجعت اخدتها في شقتي وكنت لسه بحكي لقيت بنتها نزلت وقلبت الموضوع وخلتني انا اللي غلطانة وقالت انها كانت قاعدة هي وخطيبها في الصالة واني بكد ب !!!
حماتي فضلت تز عقلي وقالت اني عايزة اسوء سمعة بنتها و انها هتتصل بجوزي تقوله علشان يتصرف معايا واخدت بنتها وطلعوا شقتهم .
وفعلا بعد نص ساعة جوزي اتصل عليا وفضل يز عقلي في التليفون ولما رجع اخر النهار كمل زعيق معايا !!
بقلم عادل عبد الله
حاولت اهديه و افهمه اللي حصل لكنه مرضيش يسمعني !!
و الخنا ق ما بينا زاد وصوتنا كان عالي راحت حماتي وبنتها نزلوا وزعقولي هما كمان وفي الاخر جوزي طردني من البيت !!!
ودلوقتي انا روحت عند اهلي ولما سألوني عن سبب المشكلة خۏفت احكي وقولت اني شوفتها وخطيبها في الصالة لوحدهم وامها وابوها مش موجودين في البيت .
ودلوقتي انا عند اهلي وبيز عقولي هما كمان اني دخلت بدون استئذان وجوزي اتصل بيهم وقالهم لما تربوا بنتكم وتعلموها الاصول قولولي علشان ارجعها !!!
ودلوقتي انا مش عارفة اللي انا عملته كان صح
ولا غلط ومش عارف اعمل ايه ياريت تقولولي رأيكم .
تفاعل حتي تصلك كل القصص الجديدة والحصرية .