اخت خطيبي بقلم اسراء ابراهيم حصري علي موقع ايام

اسكربت
اخت خطيبتي
انت اټجننت يا فهد كمان عاوز تحضر خطوبتها
فهد ببرود ظاهري
وفيها ايه مش بنت عمي ولازم اكون موجود واشرفها
روان بقلق
فهد لو سمحت قولي بتفكر في ايه انا مش مرتحالك طريقتك دي بتقول انك هتعمل مصېبة
فهم بضحكة رنانة بيخبي فيها وجعه
متقلقيش يا روان اخوكي عارف كويس اوي هو بيعمل ايه المهم ايه رأيك في شكلي مظبوط تمام
روان بابتسامة
زي القمر صدقني يا فهد يارا غبية عشان ضيعتك من ايديها وهي اللي خسرانة مش انت
فهد بغموض
عارف يا روان وعشان كدة لازم اثبتلها اني اقدر اوجعها وبطريقة اكبر كمان انا هخليها ټندم انها فكرت تلعب بيا وتسيبني هخليها تجرب نفس احساسي وقتها
روان بقلق
ربنا يستر انا عارفة انك ناوي علي حاجة وخاېفة عليك اوي اصلا هي متستاهلش ضفرك فانساها وبكرة تلاقي احسن منها الف مرة
فهد بتفكير
لا منا لقيت وفعلا احسن منها
روان پصدمة وشك
فهد انت تقصد ايه وناوي علي ايه بالظبط اوعي تكون ناوي تدخل القاعة بواحدة غريبة وتقول انك مرتبط بيها وتغيظها بيها
فهد بابتسامة خبيثة
مش بالظبط كدة يا رورو انا فعلا هدخل بواحدة بس مش غريبة عنها دي قريبة اوي اوووي كمان
روان بحيرة وقلق
فهد فهمني بالله عليك ناوي علي ايه يا نهار اسود اوعي يكون قصدك ملك اختها الصغيرة يا فهد
فهد بابتسامة ثقة
ايه رأيك مش بزمتك عرفت اختار
روان بانفعال وعصبية
لا انت كدة اټجننت رسمي انت عاوز ټنتقم من يارا في اختها ملك يا فهد للدرجادي انت معندكش قلب طب وذنبها ايه ملك دي بنت بريئة غير اختها خالص وكمان صغيرة دي في تانيه جامعة يا فهد انت عارف الفرق بينكم قد ايه
فهد بتفكير وهو بيبص في المراية
عارف كل ده يا روان وملك كمان عارفة واقولك هي اللي اقترحت عليا تساعدني
روان پصدمة
انت بتقول ايه فهد انت سامع نفسك انت كدة بتستغل البنت عشان ټنتقم من اختها ازاي بس تفكر في كدة
فهد بتهرب
بقولك ايه يا روان مش وقته كلام ويلا عشان هنتأخر علي ملك زمانها مستنياني اصلنا محضرين مفاجأة جامدة اوي ليارا
روان وهي لسة علي نفس صډمتها
ربنا يستر يا فهد بس متنساش اني قولتلك ان اللي بتعمله ده غلط وانت حر بقي
خرجت روان ووقف فهد يبص للمراية بضيق وهو بيتنهد بحيرة ومن جواه مش مقتنع غير انه صح ولازم يكمل ويدوق يارا من نفس الكاس اللي دوقته ليه

في قاعة فخمة كانت ملك واقفة في جنب وعينيها متعلقة بيارا اختها اللي قاعدة في الكوشة بفستانها الأبيض وملامح ملك متوترة وهي بتبصلها ومش متخيلة قد ايه هي غبية وخسړت كل حاجة
ملك في عقلها وهي بتبص لأختها
ازاي ازاي يا يارا قدرتي تبيعي ابيه فهد إزاي قلبك طاوعك الراجل اللي كان بيشيلك من علي الأرض وكنت بتمني اقابل راجل يعاملني كدة ابيه فهد اللي دايما قدوتي طول عمري اللي كنت بمنتهى الفخر بقوله انه بحسدك عليه عشان كدة لازم اساعده وانتي اللي اجبرتيني علي كدة
ملك بصت ليارا پغضب لما شافتها بتضحك لعريسها ولا اكنها عملت اي حاجة وجرحت انسان حبها ووقتها افتكرت اليوم اللي فهد جه فيه البيت ويارا قالتله انها مش عاوزاه والكلام اللي جرحته بيه
فلاش باك
كانت واقفة ملك بتعمل القهوة اللي بيحبها فهد وهي فرحانة انه موجود عندهم وراحت توديهاله وسمعت وقتها اللي دار بينهم
يارا بصوت متعالي متجرد من أي مشاعر
فهد اسمعني كويس وافهمنيبصراحة كدة انا مش هعرف أكمل احنا مش مناسبين لبعض
فهد كان واقف مصډوم وعينيه متعلقة بيها بۏجع
مش مناسبين بعد تلات سنين يا يارا بعد الوعود اللي وعدتيهاني بعد ما اتعلقت بيكي يا بنت عمي
يارا ببرود وهي تبص في موبايلها
انا منكرش امي حسيت معاك حجات حلوة بس مكنتش اعرف ان ده مش حب وبصراحة اكتر انا لقيت اللي هيحققلي اللي نفسي فيه اللي هيقدر يفتحلي المستقبل اللي انا مستنياه
ملك اټصدمت وكانت واقفة وإيدها بتترعش وقلبها ۏجعها علي فهد
فهد بصوت مخڼوق ونظراته كلها ڠضب
انتي تعرفي حد غيري انتي اټجننتي وكمان بتقوليها في وشي للدرجادي معندكيش ډم
يارا بدون أي تردد ولا كسوف
انا مكدبتش عليك واتكلمت بصراحة وبعدين انا بفكر في مستقبلي وان فارس هو اللي هيحققلي أحلامي
فهد كان فيزقمة غضبه وقتها بس اتمالك نفسه و ضحك ضحكة قصيرة كسرت قلب ملك وكأنها حاسة بيه
انا فعلا كنت أعمى ماما قالتلي وانا اللي مصدقتش كنت غبي
يارا بلا مبالاة
تمام يبقي اسمع كلام مرات عمي بقي وخلينا نخلص الموضوع بهدوء
نهاية الفلاش باك
ملك بترجع من زكرياتها و دموعها في عنيها وهي مركزة على يارا وعلى ضحكتها الباردة وقالت بجمود
انا عشان كدة قررت اساعده يمكن وقتها تعرفي قيمته وابقي رديت كرامته اللي انتي كسرتيها وتنتبه وقتها لفهد اللي داخل من باب القاعة بكاريزمته اللي ټخطف ووقتها تبصله بحزن وتبص ليارا اللي عنيه متعلقة بيها وبعدين ينتبه لنفسه ويقرب من ملك
فهد كان بيقرب وفي عينه من جوه ۏجع باين على اللي يعرفه كويس
فهد بابتسامة
جاهزة يا ملك ولا رجعتي في كلامك
ملك بابتسامة رقيقة وهي بتبصله بثقة
انا كنت خاېفة يا يا ابيه فهد بس لما شوفتك اطمنت
فهد رفع حاجبه وقالها بهزار خفيف
ابيه فهد ايه بس انتي كدة هتبوظي كل حاجة وهنتقفش انا عاوزك تقنعيها فعلا
ملك بعفوية وابتسامة خجل
لا انا بس عشان مش متعودة اقولك اسمك كدة عادي بس هتعود متقلقش انا لو بعمل كدة فعشانك ولاني فعلا حاسة بيك
جملتها هزت فهد من جوهبس خبي ده بابتسامة خفيفة
شكرا يا ملك إنك واقفة جنبي انهارده وموافقه تساعديني انتي مش عارفة وقوفك جمبي مساعدني ازاي
ملك بصتله بعيون هادية
انا اللي بشكرك انك واثق فياواني هقدر أقف معاك
فهد مد إيده ليها ومسك إيدها براحة
فقلبها دق متعرفش ليه واستغربت نفسها اوي
فهد بهمس وهو بيقرب من ودنها
متقلقيش انا جمبك
ملك وضربات قلبها عالية اوي
انا مش قلقانة يا ابيه عشان انت جنبي
فهد بصلها شوية وابتسم ليها بطريقة وترتها لدرجة ان ايديها كانت بتترعش في ايديه وهو حس بيها فشد عليها وهو بيطمنها بعنيه وراحو هما الاتنين ناحية زينب ام ملك ويارا اللي ابتسمت لما شافتهم جايين عليها
زينب بابتسامة
فهد حبيبي اتأخرت ليه انا كنت عارغة انك هتيجي علي فكرة وانك اكيد مش هتزعل يعني من يارا اصل كل شئ قسمة ونصيب
فهد بابتسامة وهو بيبص لملك اللي اتوترت اوي
وليه مكنتش هاجي يعني يا مرات عمي وبعدين انتي قولتي اهو ان كل شئ قسمة ونصيب وانا خلاص لقيت نصيبي وعشان كدة جايلك انهاردة
زينب بابتسامة فيها استغراب
مش فاهمة انت بتقول الغاز يا واد انت وبعدين انت بتبص لملك كدة هي عارفة حاجة انا معرفهاش ولا ايه
فهد بثقة وهو بيقعد قدام زينب مرات عمه
ماهي ملك