اخت خطيبي بقلم اسراء ابراهيم حصري علي موقع ايام

ماما اخرت عليك بالقهوة مش كدة
فهد بيضحك ويقرب أكتر
ايه مكسوفة مني يا ملك وبتتهربي
ملك ابتسمت ڠصب عنها والخجل ملي ملامحها
فهد انا
وفجأة بتدخل من باب الشقة يارا وبتقف مكانها وعينها بتوسع وهي شايفة فهد واقف قريب من ملك وعنيه بتلمع بلمعه هي عارفاها كويس
يارا بنبرة مليانة ڼار
انتو فعلا بتحبو بعض
ملك بتتوتر وتبعد خطوتين
احنا كنا بنتكلم يا يارا في ايه
فهد بيتعمد يقرب من ملك ويمسك ايديها
ملك خطيبتي واكيد طبعا بنحب بعض اومال ايه
ملك بتتكسف وتبص في الأرض وخدودها بتحمر ويارا تحس بڼار جواهاهي مش فاهمة سببها وبعدين ردت ببرود عكس اللي جواها وهي بتبتسم ليهم
فهد انت بتعمل كده عشان تغيظني مش كدة انا متأكدة اصلا انت عاوزني اغير واعرف قيمتك وكدة مش كدة
فهد ببرود
مين قالك كدة وليه فاكرة ان الدنيا بتدور حواليكي انتي بس الحقيقة اني اتخطيتك خلاص ولقيت الانسانة اللي قلبي حبها بجد ومعتقدش انك فارقة معايا اوي كدة عشان اغيظك انتي لبكي حياتك ربنا يوقفك واه نسيت اقولك حاجة اخيرة
قرب فهد من يارا وهو ماسك ايد ملك ومتبت فيها وقال ليارا بحدة وتحذير
لو فكرتي ترفعي ايدك تاني علي ملك صدقيني هتشوفي وش عمرك ما شوفتيه واظن انتي عارفاني وعارفة اني مبهددتش
يارا اټصدمت من طريقة كلام فهد ليها عن ملك وحست بڼار في قلبها وخصوصا نظرته لملك الواضحة إنها أغلى شئ عنده
ملك بتوتر وهي بتبص لفهد
فهد خلاص لو سمحت كفاية
فهد بصلها وابتسم ليها بس وقتها اتفاجأ بيارا بتقوله بصوت في رعشة
انت فعلا بتحبها!
فهد ابتسم ابتسامة قاصدة ټحرقها
رغم ان ده ميخصكيش بس هرد عليكي أيوه بحبها
ملك بصتله پصدمة وخجل يارا بتتشنج وقالتله ببرود كداب
كويس عشان محسش بالذنب من ناحيتك واقدر انا دلوقتي اكمل مع فارس حبيبي براحة
قالت كدة وسابتهم ودخلت اوضتها وملك بصت لفهد تشوف تأثير كلام يارا عليه بس كان باصص قدامه ببرود
ملك بحزن
ليه عملت كده ليه وجعتها بالشكل ده
فهد قرب منها وقالها بصوته الدافي
أنا مقولتش غير الحقيقة اني خلاص اتخطيتها يا ملك
ملك قلبها اتقبض وملامحها بهتت وكانها كانت مستنية انه يقولها حقيقة انه بيحبها مثلا ومتعرفش ليه اصلا فكرت فيه كدة وهي عمرها ما بصتله بالنظرة دي ووقتها اضايقت من نفسها اوي واستأذنت وسابت فهد ومشيت وهو متابعها باستغراب

بعد يومين يارا بتفتح باب أوضتها وهي لابسة لبس شيك أويكان فستان غالي وشعرها مفرود و أول ما تطلع تشوف ملك في الريسيبشن بتظبط لبسها وهي كمان لابسة لبس خروج
يارا بنبرة مستغربة
انتي رايحة فين بالشكل ده
ملك بابتسامة
خارجة مع فهد خطيبي اصله هييجي ياخدني ونخرج هنجيب شوية حاجات للكلية بتاعتي
يارا بترفع حواجبها وتبتسم ابتسامة كلها سخرية
اه قولتيلي بس ده من امتي ان شاء الله
ملك ببرود
زي الناس ما انتي خارجة اهو ومحدش قالك حاجة
ردت يارا وهي بتقرب من ملك وتقول بصوت كله غيظ
طب متنسيش اني انا حذرتكوقولتلك افسخي الخطوبة دي وانتي ما سمعتينيش استحملي بقى اللي جاي
ملك بتبصلها باستغراب
انتي عاوزة إيه بالظبطمش انتي اللي سبتيه مش انتي اللي قولتي مش عايزاه طب ليه دلوقتي بتعملي كدة
يارا قربت أكتر وصوتها عالي شوية
عشان عارفة ومتاكدة إن فهد خطبك عشان يغيظني عشان يوجعني لاني أنا اللي سبتهعرفتي اصلا انتي صعبانة عليا
ملك بتضحك ضحكة قصيرة فيها ۏجع مكبوت
لا ما يصعبش عليكي غالي وبعدين انتي فاكرة الكون كله بيلف حواليكي
فاكرة إن فهد هيقعد متعلق بيكي لحد دلوقتي ولا إنه لما تبيعيه وتختاري حد أغنى هيفضل يحبك يا يارا فهد خلاص مش شايفك
يارا بتتوتر شوية بس تحاول تخبي
فهد مش شايفني لو فعلا زي ما بتقولي مكنش خطبك في يوم خطوبتي عشان يغيظني
ملك بحدة لأول مرة
انتي موهومة يا يارا ومتنسيش انك انتي اللي بوظتي كل حاجة انتي اللي بعتي مش هو
يارا بتربع ايديها ببرود
وماله لما سبته عشان لقيت الأفضل
وبعدين فارس مش أي حدفارس مستقبل وفلوس ومكانة حجات انتي عمرك ما هتفهميها
ملك ببرود
تمام روحي عيشي مستقبلك بقى ومتجيش هنا تسألي فهد عمل ايهوخطب مين انتي قولتي اختيارك
وهو كمان اختار اختارني يا يارا
يارا بتضحك ضحكة كلها ڠضب
اختارك انتي ده بيستغلك بس يا ملك بس انتي مش شايفة
ملك بهدوء
لو كان بيستغلني كان زمانه بعيد دلوقتي بس هو طول الوقت مهتم ومعايا وبيخاف علياوبيغيروبيهتم
معتقدش ان كلامك فارق معايا يا يارا فوفري علي نفسك واعرفي ان فهد عمره ما هيرجع يبصلك ولا هيغفرلك اللي عملتيه
يارا بصتلها پغضب
فهد لسة بيحبني يا ملك ومتخلنيش اخدها تحدي واثبتلك انه لسة بيحبني ده لو شافني دلوقتي بس هينسى اسمك
ملك بثقة مهزوزة
جربي واثبتي نفسك بس لما ترجعي زعلانة او بټعيطي ما تجريش عليا
يارا بتقرب لوش ملك ونظرتها فيها ڼار
طب انا هثبتلك ان كلامك كله غلط وان فهد متعلق بيا ولما اقرب منه هينسي كل حاجة انتي بس استني وشوفي
ملك بقوة
وانا واثقة ان فهد خلاص نسيكي وانه مش هيوافق ولا هيسمحلك تقربي
ولا هينسى اللي عملتيه وانتي عارفة ده كويس
يارا بتبتسم ابتسامة مليانة تحدي
تمام وانا هوريكيمين فينا اللي فهد فعلا شايفها
ملك ببرود
طيب سلام بقي عشان فهد بيرن عليا وواقف مستنيني
يارا بهمس لنفسها
تمام يا ملك انا هوريكي

فهد كان واقف قدام باب العمارة مستني ملك تنزل وفعلا شوية ونزلت بس كانت ساكتة وبتبص للأرض من ساعة ما خرجوا وفهد لاحظ تغيرها فاخدها وراحو كافيه وقعدو سوا
فهد بنبرة فيها قلق واضح
ملك مالك انا من وقت ما نزلتي من البيت وملاحظ انك متغيرة بس محبتش اضغط عليكي بس بصراحة مقدرتش مسألكيش
ملك بحيرة وهي بتفكر تقوله او لا
ها لا مفيش صدقني مفيش
فهد قرب منها بكرسيه
ملك بصيلي لو سمحتي هي يارا ضايقتك تاني
ملك بتوتر وهي بتفرع عنيها في عيون فهد
لا لا يا فهد خلاص الموضوع مش مهم اصلا
فهد عقد حواجبه بتفهم
تمام يعني ضايقتك قالتلك إيه المرادي
ملك بتهرب
مش مش وقته يا فهد لو سمحت خلاص
فهد حاول يقرأ تعبيراتها
لأ وقته انتي وشك متغير وصوتك متغير قوليلي اللي حصل
ملك فجأة بصتله وقالتله باندفاع
فهدهو لو يارا ندمت وحبت ترجعلك انت هتوافق
فهد غمض عينه لحظة وبعدين بصلها باستغراب
أنا مش فاهم السؤال ده طلع منين
وليه بتسأليني السؤال ده
ملك بتبلع ريقها
جاوبني بس
فهد بثقة وهو بيبصلها
ببساطة لأ يا ملك أنا مبقتش شايف يارا زي الأول لانها مبقتش البنت اللي حبتها
ملك بتردد
طبلو هي فعلا مبقتش فارقة معاكليه كنت مصر تثبتلها إنك نسيتها
ليه مفارقتش بهدوء
فهد قرب منها وقالها بتلقائية
يمكنكنت مجروح وكنت بطيب چرحي منها بطريقتي وكنت قاصد أدوقها اللي هي دوقتهولي بس مش عشان هي ترجعلي ولا عشان ټندم خلاص الموضوع انتهى