رواية و القاسېة قلوبهم حكاية ٢ نور وكريم كامله لجميع فصول بقلم الكاتبة المبدعة ناهد خالد

تخصني غير الاكل واللبس وانا مش ده الاهتمام اللي كنت بطلبه انا كنت طالب ارجع الاقيكي تسمعيني لما احكي عن حاجه تسأليني عن يومي عامل ازاى اللي كنتي بتعمليه في اول الجواز لكن انتي مكنتيش بتعملي ده وكتير كنت برجع متخانق مع حد او في مشكله حاصله معايا ومتعصب وانتي متعرفيش حاجه ولا حتي بتساليني عشان افضفض عارف اني كنت غلط ومفهمتش ده غير لما بعدتي انا عاوزك معايا وفي بيتي حتي لو مش هتهتمي بيا كفايه انك موجوده وده اللي فهمته الايام اللي فاتت.
محسيتش بنفسي غير ودموعي نازله وبعيط بحرقه هو ازاي احنا ضيعنا كل ده بسبب سوء تفاهم ازاي كنت مهمله فيه للدرجادي قرب مني ومسح دموعي وهو بيقول
_بتعيطي لي دلوقتي انا قلت حاجه ضايقتك!
_مش مصدقه اننا بقالنا كل الفترة دي في مشاكل وتجريح في بعض بسببي وانا مش حاسه انا اسفه بس انا متخيلتش ان ده سبب ومحسيتش اني أهملتك للدرجه دي سامحني ياكريم انا اسفه.
_انا اللي اسف يمكن لو كنت قررت احكي لك من الاول واعاتبك كنت اختصرت كل المسافة دي سامحيني علي اي مره زعلتك فيها او جرحتك انا بحبك يا نور بحبك اوي والله.
حضنته بكل قوتي وانا بعيط واضحك في نفس الوقت وكأني بثبت له إني عمري ما هسيبه او اهمله تاني.
والقاسية_قلوبهم
حكايه٢
كريم_ونور
ولسه_للحكايه_بقيه
ناهد_خالد
حابه اقول حاجه
انتوا حكمتوا علي كريم من اول بارتين عشان شوفتوا الموضوع من وجهه نظر واحده وجهه نظر نور بس الموضوع له جوانب تانيه وده يعلمنا منحكمش علي الحاجه من ظاهرها ولا من سمعاها من طرف واحد لان محدش بيطلع نفسه غلطان...
هتقولوا نور مغلطتش! لا غلطانه عشان جوزها لو حق يحس باهتماها حتي لو بسيط بس لازم تهتم بيه وتحسسوا بوجودها وانها معاه.. وطبعا كريم طريقته في لفت نظرها كانت غلط اكييييد وسكوته عن معاتبها كان غلط اكبر...
ناهد_خالد

والقاسېة قلوبهم حكايه ٢ نور وكريم الخاتمه بقلمي ناهد خالد
بعد شهر
_اه وبعدين..
_بس ياسيدي قمت واخده منه الاتنين كيلو طماطم ب ١٠ ج مش الكيلو ونص زي ماهو كان عاوز يضحك عليا.
_نور ياحبيبتي هو انا اي دخلي في خناقاتك مع بياع الطماطم يعني هو لازم تحكيلي ال.....
بصتله برفعة حاجب وقالت
_في حاجه يا كريم!
ضحك ببلاهه وقال
_لا ياحبيبتي خالص وعملتي اي بقي مع بتاع الفراخ اللي كان عاوزك تاخدي الكيلو ب٣٠ قال فاكر هيعرف يضحك عليكي..
كتمت ضحكتها بصعوبه وقالت
_لا ياحبيبي انا جبتها ب ٣٠ فعلا ماهو ده سعرها الطبيعي...متحاولش تجتهد من عندك يا كيمو لو سمحت..
بصلها ثواني بسكوت وبعدها انفجروا الاتنين في الضحك وكريم بيقول
_يا عالكسفه الي أنت فيها ياحازم!
_عادي ياحبيبي بتحصل المهم قولي عملت اي في الملف اللي المفروض كنت تسلمه امبارح عدلت الخطأ اللي فيه
_اه فكرتيني بصي ياستي...
فضلوا اكتر من نص ساعه تقريبا بيحكلها عن الملف واللي حصل في شغله والولاد قاعدين جنبهم علي الكنبه بيتفرجوا علي الكرتون... قطع كلامه رنة تليفونه بص للأسم لقاها والدته
_ايوه ياست الكل ازيك
_اخوك طلق مراته ياكريم..
اعتدل في قعدته وردد بدهشه
_اي لي ياماما اي اللي حصل
_معرفش قالي انا زهقت وقرفت من طريقتها واسلوبها ودايما في مشاكل مع بعض وشايفه اني مليقش بيها عاوزاه يسيب شغله ويدور علي شغل بمرتب اعلي ويغير لها الشقه زي ما انت عملت ل نور ويجيب عربيه وحوارات كتير فوق طاقته مبقاش قادر يتحمل..
_خلاص ياماما لو هو كده مرتاح خلاص وكمان الحمد لله ان محصلش حمل