رواية جديدة

ما انتي هتبقي وسطينا
لا انا حلوه كدا أنا عشت سنين كتير اوي من غير أهل من غير حد انا لوحدي
قلعت الدبله من ايديها وسابتني ومشيت
وبعدين
وبس يا ندى حيت قولت لماما وسلمي ومن ساعتها سلمى مبطلتش زغاريد زي ما انتي شايفه
حط رأسه بين كفوفه وبدأ ينهار كنت سامعه صوت انهياره وهو بيمسح دموعه بسرعه قبل ما اشوفهم ف قربت منه بهدوء وطبطبت على كتفه
منار بتحبك
لا خلاص منار مبتحبنيش أنا بس حاولت كتير اوي عشان تكون معايا صدقيني كان عندي استعداد احاول بقيت عمري بس اوصلها
حقك عليا أنا
فكرت كتير وانا قاعده قدامه بس وصلت لاخر كلامه قاله على لسان منار لما قالتله أنا عشت سنين كتير اوي من غير أهل من غير حد انا لوحدي وساعتها قولت اكيد في سر منار بتعشق يوسف مستحيل تسيبه كدا وقررت اني لازم اعرف في ايه
الفصل الثاني
يوسف هنزل أنا وبكرا هجيلك تاني نشرب قهوه سوا
طب انتي رأيك ايه منار بتحبني
منار بتحبك اكتر من نفسها
طب ليه عملت كدا!
معرفش بس اكيد في حاجه والموضوع هيتعرف
نزلت البيت ومسكت تليفوني واتصلت على منار بسرعه
السلام عليكم ورحمه الله وبركاته
عليكم السلام ورحمه الله وبركاته
مين مزعلك يا منار
محدش يا ندى أنا كويسه
طيب انا هلبس واجيلك حضريلي كوبايه قهوه
تنوري يا حبيبتي
منار صاحبتي قبل متكون خطيبه يوسف أنا واثقه أنها بتحبه وصعب تبعد عنه منار متعلقتش بحد بعد مۏت أهلها غير بيوسف ف لبست هدومي واستأذنت امي ونزلت روحت لمنار البيت
ساعه عشان تفتحي الباب
حقك عليا
دخلت الشقه ولقيت منار على غير العاده باهته ساكته مبتهزرش ولا تضحك
هان عليكي حبيبك هان عليكي يوسف
وزي ما اكون دوست على الزرار
لا مهانش عليا بس هان عليا نفسي وحبي أنا بحب يوسف اكتر ما بحب نفسي كان نفسي اعيش معاه باقي عمري كله واموت جنبه والله ما كنت بتمنى من الدنيا غيره ولما اتخطبنا قولت الحمدلله يوسف بيحبني ومامته وباباه واخته هيبقوا اهلي وفرحت عشان قولت ربنا عوضني عن اهلي اللي ماتوا وسابوني من وانا لسه عيله صغيره بس طلعت عبيطه والله عملت كل حاجه اتكلمت معاه قربت منهم قدمت عيني عشان يحبوني بس لا
كرهوني اكتر سلمى كانت كل يوم تنيمني معيطه زي العيال الصغيره ولما اقولها طب ليه عملتلك ايه تقولي انتي اللي جايه تاخدي اخويا حبيبي ف عمري ما هسيبهولك
طب وايه اللي حصل خلاكي تبعدي مره واحده
في يوم كنت قاعده في البيت ولقيت جرس الباب بيرن ف فتحته لقيتها سلمى
اهلا يا خطيبه اخويا
اهلا يا حبيبتي اتفضلي
ما انا هتفضل يا اختي بس قومي اعمليلي كوبايه شاي
عنيا حاضر
وقومت عملت احلى كوبايه شاي وحطيت كوكيز على الصينيه وحطيته قدامها بكل حب
بالهنا والشفا يا حبيبتي
شكرا طبعا انتي مش فاهمه جيالك ليه
لا بس