مزرعة الڠضب ملكة القلم

يترجاني أشتري المزرعة.
بس لعبها صح ربط البيع بشرط في الوصية. وأنا مضيت العقد من غير ما آخد بالي من الشرط.
بس هحلها إن شاء الله.
نهرت روز يده بحدة وقالت
آخر مرة تحط إيدك عليا. أنا بحذرك. أنا ماليش دعوة باللي حصل. حساباتك دي صفيها مع اللي عمل فيكم كده.
أما الشرط اللي في الوصية أنا معرفش عنه حاجة ولا فتحتها أصلا.
ثم تنهدت وقالت وهي ترفع حاجبها
آه فهمت. علشان كده المحامي كان مصر يفتح الوصية بعد ما تستلم المزرعة.
قال بسخرية
اسخري براحتك. حياتك اللي جاية مش زي اللي فاتت.
قالت روز
بقولك إيه يا بشمهندس يؤسفني أقولك إني مش هديك فرصة ټنتقم مني. هسيبلك المزرعة بس اديني فرق بيعها وخليني أمشي.
ضحك عاصي پهستيريا ثم تبدلت ملامحه وقال وهو يجز على أسنانه
نجوم السما أقربلك من الحلم ده. فلوسك راحت.
قالت
فلوسي بح! أنا أوديك في داهية بالقانون.
جلس عاصي ووضع ساق على ساق وقال بهدوء
تمام أنا مستني الداهية دي. ولسه هتفضلي تحت رحتي.
أغمضت روز عينيها وقالت
من فضلك اديني فلوسي. نكلم المحامي ونفتح الوصية ونخلص.
قال
مفيش فلوس. اعتبريها تعويض عن اللي حصل. وأيا كان في الوصية مش فارق معايا.
قالت
انت مريض. شوفلك دكتور يعالجك. أنا هكلم المحامي.
أوقف الجدال صوت والدتهم وقد ڠضبت مما يحدث أمام كل العمال.
قالت الأم بحدة وهي تنظر للجميع
أظن الكل عرف نفسه الكل يرجع شغله. وياريت نفض المهزلة دي.
ثم وجهت كلامها لروز
وانتي كمان يا دكتورة على شغلك دلوقتي. وبعدين نشوف حكاية الفلوس.
أنا هتكلم مع عاصي ونشوف إيه اللي لازم يتعمل. غير كده كل الإجراءات القانونية واقفة لحد فتح الوصية. يعني لحد دلوقتي عاصي مش المالك الرسمي.
تنهدت روز وهزت رأسها بالموافقة ونظرت لعاصي بنظرة كره ثم تركت المكان وهي في قمة ڠضبها.
خرجت مسرعة تحلف وتتوعد واتصلت بالمحامي لكنه لم يرد. زفرت أنفاسها بضيق وذهبت لاستكمال عملها.
الفصل الثالث
وفي داخل الفيلا نظر عاصي ولدته نظرة عدم رضا وقال
ماما انا عارفة كل اللي حضرتك عاوزة تقوليه بس من فضلك علشان انا مش حابب اكسرلك كلمة من فضلك ما ما تدخليش في الموضوع ده وسبيني مني ليها احنا اللي شوفنا بسببهم مش شوية
بس البنت ملهاش ذنب في اللي حصل زمان صحيح انا بكرهم كلهم لكن براحة عليها لحد ما نعرف الشرط اللي ابوها حاطه في الوصية
واحنا كمان ما كنش لينا ذنب وانا مش فاهم انتي مهتمة قوي بلشرط ده ليه انا كده كده اشتريت مزرعة وخلاص وهي هتشتغل عندي
لاء أوعا تستهون برضوان ابدا رضوان مش بيعمل اي خطوة مش محسوبه لما جه اختارك انت بلذات علشان تشتري المزرعة بتاعة كان عارف بيعمل ايه
بص يا عاصي رغم علامك و شهاداتك قدر رضوان يخدعك ويخبي عليك الشرط اللي في عقد أن انتقال مليكة المزرعة مربوط بلوصيه اللي كاتبها
اجاب عاصي بستهزاء
وايه يعني ليكن ما يكون المزرعة بتاعي
لا متستهونش قوي كده ممكن يكون حاطط شرط أن البنت الفلاحة دي تكون هي المديرة هنا وكل حاجة تمشي بموافقتها الاول
رضوان مش سهل ومش هيرمي بنته كده من غير ما يكون مأمن لها حياتها روز كانت روح رضوان اكتر حد حبه استحاله ما يكونش مأمنها
رفع عاصي حاجبيه وظهر على وجه علامات القلق وقال
تفتكري يا ماما دي تبقي مصېبة لو اللي قولتيه صح
قالت رنا وهي تمسح دموعها
عاصي احنا عشنا حياة الظلم وعرفنا اد ايه صعب ليه عاوز تعيش روز نفس اللي عشناه خد بالك هي مش هقدر تستحمل اللي احنا استحملناه احنا كنا مجبرين نتحمل كبرنا علي كده بمعني اصح اتعودنا. انت بقيت مهندس زراعي و انا خريجة كلية العلوم
لكن هي مش هاتقدر روز كبرت في حياة مرتاحة متعرفش يعني تجوع مرة وتاكل مرة روز دكتورة مش حته فلاحة زي ماما ما قالت عليها
نظر لها عاصي وهو يستعد للخروج وقال
لازم تقدر و تتعود علي وضعها الجديد يا رنا زي ما احنا رضينا بس الصبر حلو لسة اللي جاي احلي تصبر عليا بس بنت رضوان كله في اوانه حلو
دخلت روز غرفتها وعلي وجهها علامات الڠضب والكره أخرجت هاتفها من جيب بنطالها واتصلت على المحامي وقالت بأسلوب أمر حتي لا تفتح مجال لأي أحاديث
صباح الخير استاذ فؤاد لو سمحت المالك الجديد وصل ممكن حضرتك تحدد معاد علشان نفتح الوصية
وصحيح انا فكرت في كلامك واقتنعت اسيب هنا خالص و اسافر بس حضرتك ياريت تكلم صاحب المزرعة يجبلي باقي حسابي من البيع علشان الاستاذ بيقول مهطرات انا مش فاهمة معناه فا ياريت حضرتك اللي تتعامل معاه مش انا
تنهد فؤاد وكأنه علي علم بالقادم وقال
_ ماشي يا بنتي اهدي بس وكل حاجة ليها حل انا هكلمك البشمهندس عاصي و هاخد منه معاد علشان نخلص
ماشي يا استاذ فؤاد بس ياريت يكون في اقرب وقت لان مش مستحملة القعدة هنا خلاص
ربنا يقدم اللي في الخير يا روز
أغلقت روز هاتفها ثم نظرت إلي ساعة يدها واطلقت شاهقه مكتومه وجرت مسرعة فكان معاد تغير دماضة الحمام التي كسر جناحها أول أمس
دخلت روز على عجل دون أن تنتبهي من الذي يقف في آخر حظيرة الطيور يتطلع على أشكال وأنواع الطيور المختلفة
حملت روز الحمامة الصغيرة وهي تبتسم وقالت لها بحب
عارفه أن انا اتاخرت عليكي معلش سامحني يومي كان طويل بس انتي خلاص بقيتي تمام عارفه انهم كسرو جناحك زي ما انا كمان اتكسرت بس تعرفي مش لازم تستسلمي لازم تخفي وترجعي تطيري تاني وانا كمان اوعدك أن مش هستسلم و هطير من هنا خالص وأبدأ حياة جديدة في أي مكان بعيد مع ناس جديدة لا يعرفوني ولا اعرفهم صحيح يعز عليا المكان هنا انا اللي عملت كله ده بس ما بليد حيله
ثم أكملت وهي تمسح دموعها وغير مبالية بمن يسمع حديثها مع الحمامة وقالت
بس تعرفي انا مش فاهمة ليه بابا اختاره هو بلذات علشان يبع له المزرعة وليه بابا ما قاليش حكاية البيع دي وياتري ايه الشرط اللي بابا حطة في الوصية
ثم نظرت للحمامة بابتسامة عريضة وقالت
ما علينا شكلي اټجننت وعماله اتكلم مع حمامه المهم أن انا كمان هطير زي ما هي هطير
ولكنها سمعت صوت يأتي من خلفها ويقول بثقة
نجوم السما اقربلك من حلم انك تطيري انتي هنا تحت رحمتي وبس وملكش خلاص مني
التفتت روز لمصدر الصوت وقالت
انت ايه اللي مدخلك هنا هنا بلذات انا منعه اي حد يخش في عصافير من سلالة نادرة لو طارت هنخسر فيها كتير ولازم تكون عارف. مش علشان اشتريت المزرعة يبقي ليك الأحقية تخش أي حته في أي وقت لاء يا بشمهندس كل مكان هنا وليه وقت لزيارته
اجاب ببرود تام
ها خلصتي كلام بصي بقا يا شاطرة انا اخش في المكان اللي يعجبني في الوقت اللي يعجبني واظن من حكم في ماله ما ظلم واتفضلي روحي غيري هدومك وشكلك الغريب ده علشان المحامي علي وصول بصراحة أنا مشفتتش حد بالمنظر وطريقة اللبس دي الفلاحين اللي شغالين في الأرض لبسين احسن من كده
نظرت له روز نظرات مفعمة بالڠضب وتجاهلت كلامه وتركته ورحلت
دخلت روز غرفتها ومازلت ملابسها في الحقائب لم تفرغها في الخزانة فقد اشتاقت لغرفتها وسريرها وكل محتويات غرفتها فهي كانت عاشقة لغرفتها الوردية فهي من قامت بدهان الغرفة بنفسها وتعليق ورق الحائط المزخرف عليها أدمعت عينيها ألقت تنهيدة حزن ودخلت الحمام تغتسل وكلماته ترن في أذنيها على مظهرها الخارجي الغير مهندم فهي فعلا لم تكن تلفتفت يوما بطريقة لبسها أو تسريحة شعرها فهي في معظم الأوقات رفعت عاليا ومخفي تحت كاب على رأسها
خرجت من الحمام ورمت كلامه عرض الحائط وارتدت ملابس أخرى مريحة لا تمد الأنوثة بأي مظهر ولم تضع على وجهها أي نوع من مساحيق التجميل ولكن كان جمالها طبيعي من حضڼ الطبيعة جمال هادئ خلاب يسرق النظر دون مجهود
وعلى النحو الآخر تدخل المزرعة فتاة في كامل زينتها وكأنها خارجة من عرض لأفخم الأزياء والإكسسوارات تتطاير منها رائحة العطر تعبق المكان تدخل بسيارتها وهي تتأفف من الحر تقابل في طريقها روز وهي تمشي على استعجال تحدث نفسها كالعاده تنده عليها بصوت متعجرف
انت يا يا انت اللي ماشي هناك ممكن سؤال
استشاطت روز أنها تحدثها بصيغة المذكر التفتت ونظرت لصاحبة الصوت وقالت وهي تزفر أنفاسها پغضب وتجز على أسنانها
نعم اي خدمة يا سكر
قالت صاحبة الصوت بعجرفة
معلش انا شكلي توهت في مغارة علي بابا دي انا عاوزة اوصل لفيلا عاصي بس بقالي ربع ساعة عماله اخش من مكان اطلع من مكان تاني وكاني في جنينة حيوانات والريحة تقرف معرفش انتم ازاي مستحملين تعيشوا هنا وسط الدبان والروائح المقرفة دي
نفخت روز بشدة وقد نفذت كل ذرة صبر لديها وقالت
حضرتك هتمشي علطول هتلاقي الفيلا في وشك اوك سلام
وصلت الفتاة للفيلا ورنت الجرس فتحت لها إحدى الخادمات بنبرة غير ودودة وقالت
ساعة علشان تفتحي الباب أوف جري وادخلي بسرعة.
جاء صوت من خلفها ضاحكا
أنتي دايما كده يا هبة متسرعة ومش طايقة نفسك. إيه اللي أخرك يا بكاشة
التفتت هبة نحو الصوت وقالت بشبه ابتسامة
يا خالتوا أنتم إيه اللي رماكم هنا وسط الحر والدبان والريحة بجد حاجة مقرفة فوق ما تتخيلي والغريب إصرارك إن لازم أجي. لو اتجوزت عاصي مستحيل أعيش هنا.
قالت خالتها
مش لما تتجوزيه الأول. خدي بالك ما تبقيش باينة قدام عاصي إنك قرفانة من المكان. هو بيحب المكان ده جدا خدي بالك من تصرفاتك. بقالي سنة بخطط عشان ياخد باله منك وأنتي بتبوظي كل اللي بعمله.
قالت هبة
خلاص هسكت هو مش شايفني من الأصل.
ضحك صوت آخر
ولا هيشوفك طول ما أنتي عاملة زي العروسة الحلاوة كده.
التفتت هبة وقالت
اتصدق إنك رخمة قوي مش شايفة لبسي وشكلي كل حاجة من أغلى الماركات.
رد الصوت
على فكرة يا هبة عاصي بيحب البساطة وكل البهرجة دي مش بتفرق معاه. أنتي عاملة زي اللي خارجة من مولد النبي شبه العروسة الحلاوة ملونة من كل حتة بس بصراحة صرفه ومكلفة.
انزعجت هبة وتصنعت البكاء بدلع وذهبت خالتها.
قالت هبة
شوفتي يا خالتوا رنا كل شوية تسمعني كلام يضايقني. هو أنا ذنبي إني أحلى منها وأنا بتحرك وهي ما بتخرجش من باب أوضته.
ابتلعت رنا غصة في قلبها ورسمت ابتسامة وضحكت على سطحية بنت خالتها ثم ذهبت تفتح الباب بعد سماع صوت الجرس.
فتحت رنا الباب وابتسمت للضيف كانت روز.
قالت بابتسامة
تعالي يا روز اتفضلي.
دخلت روز وهي تحاول إخفاء دموعها وشعورها بالغربة في البيت الذي تربت فيه كان

قويا. دخلت وهي تجر قدمها وكأنها