عشقت مربية ابني بقلم إسراء ابراهيم

قصد فارس
اسف يا فارس بيه
فارس بجدية
تمام هنا ياريت تيجي معايا عاوزك
هنا مشيت ورا فارس ووقفو بعيد شوية
هنا بعتاب
ممكن اعرف ليه تحرجني كدة قدامهم انا عملت ايه غلط
فارس بغيرة
انتي معملتيش حاجة بس انا مكنتش هقدر استحمل نظراته ليكي ولا هزاره معاكي وكان لازم اتدخل واعرفه انك تخصيني
هنا اتفاجأت بكلام فارس وابتسمت بتلقائية وقلبها دق
هنا بابتسامة
تمام بس ممكن اطلب منك طلب
فارس بسرعة
اكيد طبعا قولي
هنا بتردد
ممكن تحضر جلسة تصوير آدم وتتصور معاه عشان هو اكيد هيفرح
فارس بابتسامة وخبث
بس بشرط تتصوري معانا
هنا ابتسمت بخجل
موافقه طبعا
فارس ابتسامته وسعت واخد هنا وراحو لادم وبدأو يتصور معاه وفارس اتعمد يتصور مع هنا عشان كريم يعرف انها تخصه وهنا كانت عارفة ده وسعيدة بتصرفاته
بعد يومين كانت قاعدة هنا بتلعب مع آدم اللي كان بيضحك وسعيد ووقتها دخل من باب الفيلا هدي وتبقي بنت عم فارس اللي بصت لهنا بتقييم
هدي بغرور
انتي مين يا شاطرة المربية الجديدة
هنا بهدوء
حضرتك مين وبتسأليني ليه وانتي اللي داخلة علينا كدة المفروض انا اللي اسألك انتي مين
هدي پغضب
انتي عاوزة تسأليني انا يا شغالة انتي فين فارس يا فااارس تعالي شوف الاشكال دي اللي انت جايبها
فارس خرج من مكتبه علي صوت هدي اللي بتزعق واستغرب لما شافها
فارس باستغراب
هدي اهلا انتي جيتي امتي
هدى بنبرة مستفزة
من بدري يا فارس بس واضح إنك مشغول قوي لدرجة انك سايب الشغالين يتحكمو في البيت
فارس بجمود
مفيش شغالين هنا يا هدي وبعدين انتي اللي جاية علينا والمفروض كنتي ادتيني خبر قبل ما تيجي عشان اشوف ظروفي
هدي پصدمة
انت عاوزني اتصل عشان اجي ازور ابن عمي يا فارس مش كفايا بقالك شهرين مش عارفة اوصلك ولا حتي اكلمك
فارس ببرود
دي تبقي هدي بنت عمي يا هنا
هنا بابتسامة هادية
أهلا وسهلا
هدي مردتش علي هنا وبصتلها بغرور
فارس بصوت ثابت
خير يا هدى
هدى وهي تبص لهنا من فوق لتحت
أنا كنت حاية اشوفك بس بصراحة مستغربةبقي البنت الصغيرة دي هي اللي مسؤولة عن تربية ابنك
التربية مش لعبة يا فارس وخصوصا مع حالة زي آدم
هنا بتحاول ترد بهدوء
ادم كويس ومفيهوش حاجة اصلا زي اي طفل وثانيا أنا بشتغل شغلي بضمير وآدم اتحسن فعلا
هدى بابتسامة باردة
أكيد اتحسن لما يكون اللي بيهتم بيه شابة جميلة ولطيفة لازم يتحسن بس الأطفال محتاجين أم مش رفيقة
فارس رفع عينه وبص لهدي بنظرة قاټلة
لو جايه تقولي حاجة عن شغل هنا يبقى وفري كلامك
هدى باستفزاز
أنا بس خاېفة عليك البنت دي مش
من مستوانا ولا تربيتها زي تربيتنا دي بتشتغل عندك
هنا بتقوم من مكانها بهدوء
أنا هسيبكم تتكلموا براحتكم
فارس بقوة وهو بيبصلها
لأ اقعدي يا هنا بصي يا عدي البنت دي هي اللي خلت ابني يضحك من قلبه لأول مرة
وهي اللي رجعتني أشوف معنى البيت والحياه وانا مسمحلكيش تقللي منها
هدى بدهشة
فارس أنت بتقول إيه
فارس بثقة
بقولك إن هنا مش مجرد مربية
هنا هتبقى مراتي قريب
ومش هتمشي من البيت ده لإن البيت ده بقى بيتها
هنا بتتجمد في مكانها وعيونها توسع وهي باصة لفارس
هدى بانفجار
إيه إنت اټجننت دي
فارس بيقاطعها بحدة
كفاية لو على المستويات هنا أنضف وأشرف من ناس كتير حواليا وآدم بيحبها وأنا كمان بقيت مش قادر اعدي اليوم من غير وجودها واللي مش هيحترمها يبقي برة البيت ده
هدى بصوت مصډوم
انت بتطردني عشانها
فارس بهدوء قاټل
لو وجودك هيأذينا يبقى أه مع السلامة
هدى مشيت وهي هتفرقع من الغيظ وفارس بص لهنا اللي لسة واقفة مصډومة ولسانها مربوط
هنا بصوت واطي وهي بتحاول تستوعب
إنت كنت بتتكلم بجد
فارس بيقرب منها ويهمس
أكتر مرة اتكلمت