رواية جديدة منى عبدالعزيز

يا طاهر كلامك ليه متناقض نسيت كلامك وانت بتقول اوعك يا الهام تلبسي حاجه كدا ولا كدا بره اوضة نومنا انا بغير عليكي من الهوا الطاير..
الهام مفيش غير انا وانت وولدتك.
انا بغير عليكي من نسمة الهواء المعادية .
جاي دلوقتي بعد ولادك كبروا بقوا رجالة اصغر واحد عندي حداشر سنه تقول لبسك بزمتك اقعد قدمهم بايه ولا ولاد اخواتك ال موجودين في البيت اربعه وعشرين ساعه ولا والدتك ال معانا في نفس البيت .
ياااه انتي الكلام معاكي يقصر العمر بدل ما تعتزري وتقولي هغير من نفسي وتعترفي بتقصيرك بتجبي غلطك عليا.
الهام بكاء دلوقتي بقي الكلام يقصر العمر وزمان كنت كلمه وحده بتحيك واعتزر عن اي يا طاهر وياسيدى مستعدة اعتزر وابوس راسك كمان بس ارجع طاهر بتاع زمان .
اه طاهر العبيط مش كدا اسمعي يا الهام انا اخر مرة هنبهك وبعد كدا متبقيش تلوميني.
الهام اتنهدت بۏجع واتعدلت في نومتها وقعدت على السرير تمسح دموعها وبتقول.
لنفسها قومي يا الهام قومي خلاص اللي حصل حصل قدر الله ما شاء فعل هو باع عشرتك انتي واولادك بلاش تضيعي باقي من عمرك حزن على اللي باعك.
قامت من على السرير بجر نفسي وقعت على الارض قومت بصعوبة اسند على الحيط لحد ما وقفت قدام المرايا.
ببص لنفسي في المرايا
اي دا مين دي معقوله دى انا بقي انا دي لا لا دي حد تاني.
عضت شفايفها ودموعها تنزل ورجعت بصت لنفسها في المرايا تكلم نفسها
هههههههههههه عجزتي نسيتي نفسك شفتي نفسك في المرايا عامله ازاي ال يشوفك يديكي أأقل حاجه فوق السبعين سنه .
.. لا متقلش كده انا يدوب خمسة وثلاثين سنه أزاي تقول كده ازاي .
مسحت دموعها وبصوت موجوع .
بتضحكي علي نفسك بصي لنفسك شايفه اي بصي كويس بقي دي الهام اجمل بنت في المنطقة بقي دي الهام شوفي عنيكي وشك بهتان ازاي شفايفك مشققين حولين عنيكي اسود لما انتي قرفانه من شكلك الناس هتقول اي
ليه حق يعمل اللي عمله .
غمضت عنيها وپقهر قالت لا كڈب دى مش انا دي حد تاني.
رجعت تبص في المرايا وتقرب منها وبتهز راسها بلاء وفضلت ساكته دموعها بتنزل من سكات.
شوية ورجعت تكلم نفسها بهستريا
سكته ليه ما تنطقي قولي. من ال وقفه دي
تعرفيها أو بتشبهي عليها. قصدي إنتي تعرفي ال وقفه قدامك في المرايه دي.
الهام لا لا دي لايمكن تكون أنا انا طول عمري بحب الحياة عمري ماكنت ضعيفه أنا أنا .
ضړبت اديها برجليها وبصرخه لا انا لازم اتغير لازم ارجع اقف على رجلي وارجع الهام القوية ولادي مختاجني هم دلوقتي في امس الحاجه لراعيتهم ا.
دخلت الحمام اخدت دوش بعد وقت خرجت تصلي فروضها وبعد ما انتهت طلعت لولادها حاسة پطعنه في قلبها اول ما عنيها جات عليهم اي دا ملكم قاعدين كدا ليه هنا مالك يا عمري فيكي اي.
طارق ابنها پحده فيها اي حضرتك لسه فاكرة تسألي فيها ان حضرتك بقالك اسبوع وسيبنا لولي طنط وفاء بتجيب لنا الأكل وبتروق الشقة .
قربت منهم بصعوبه وانا حاسه ان الدنيا بتلف بيا وممكن اقع قعدت جنب هنا اللي مڼهارة من البكاء هنا تعالي ماما وقولي لي انت زعلانه ان طنط وفاء بتجيب لكم الأكل بس دي صحبتي واختي وبتساعدني عشان تعبانه وانا خفيت خلاص و.
هنا رمت نفسها في الهام وزاد بكاها في اي يا طارق اختك مالها وفي اي طمني.
طارق قعد جنبها شافت تيته لبسه وخرجه مع عمو سعيد ومراته واولاده ولما سالتها رايحه فين قالت لها رايحه تحضر فرح.
هنا بعدت عن امها بقولها البس واجي معاكي قالت حلو تعالي عشان تمسكي طرحة عروسة ابوكي ومن شوية سارة بنت عمو منزله استوري بابا وهو ماسك بايده عروسة شفي ياماما.
طبطبت على هنا وهي بتحاول تمنع دموعها.
بصي ياولاد بابا معملش حاجه عيب ولا حرام دا شرع ربنا طارق متقطعنيش اسمع كلامي للأخر وبعدين اتكلم.
هز طارق راسه وسكت بعد ما كان هيتكلم كملت الهام.
بابا هيفضل بابا اسمكوا على اسمه مهما عمل هيفضل والدكم بره واجب عليكم وانتي يا هنا زعلانه عشان بابا اتجوز.
هنا ايوا وعشان البنات في المدرسة هيتريقوا عليا.
وانت يا طارق زعلان عشان حاجات كتيره اولها ليه يجوز ويسبنا واحنا ممتاجين ليه ناسي اني ثانوية عامة ومحتاج الراحه النفسية غير شكلي قدام صحابي والناس ولا اعمامي وجدتي اللي فرحانه بابنها كانه لسه نغه ودي اول جوزته زعلان من حضرتك ليه تسبيه يتجوز ومتمنعهوش.
اتنهدت بۏجع وبصعوبة اتكلمت بص يا طارق جواز بابا دا ربنا كاتبة يعني مهما عملنا منقدرش نمنعه وبالنسبة لدرستك مهما حصل متخليش حاجه تأثر عليك لازم تقوي وزي ما بنقول الضړبة اللي ما تموتش تقوي يعني يكون دافع ليك تجتهد وتنجح ومش اي نجاح لا دا بتفوق لازم يكون ليك هدف توصله ويكون عندك طموح تتفوق على الوصول لهدفك لكن هتستسلم وتتأثر وتدي زريعه للفشل محدش هيندم غيرك لما تلاقي اصحابك وقريبك بمكانه اعلى منك وانت ولا حاجه هتندم اشد الندم انك ضيعت مستقبلك خد عظه يابني من اللي حصل عشان في المستقبل تكون عادل وقبل ما تفكر في نفسك تفكر في اسرتك وبيتك يستحق تخسره عشان سعادة وهميه.
وانتي ياهنا زعلانه عشان تريقة زميلك وماما فين مش زعلانه عشانها اسمعيني يا هنا زى طارق لازم تتفوقي وتتحدي نفسك قبل غيرك ويكون ليكي كيان متخليش اي حاجه تضعفك وتكسرك زميلك هيتريقوا شويه وينسوا لو لقوكي مش فارق معاكي وانك متفوقه لكن لو لقوكي بكايه وبتتأثري بالكلام هيذيدوا ويتمادوا وبنت عمك مهما عملت هي بنت عمك ان قلت منك قدام زميلك وقفيها عند حدها بالادب بكلمتين وبس ممكن زي بابا ما عمل عمو يعمل ومش بعيد يكون متجوز قبل بابا وبابا قلده قبل ما تعيرني روحي اسالي باباكي عملها ولا لاء.
جدتكم بقي دي من هنا ورايح هتبق زي جارة هي في حالها و احنا في حالنا طارق انزل لمحمود البواب قوله ماما بتقولك جيب حداد ويجي بسرعه.
ليه ياماما.
جيبه وتعالى وهعرفك كل حاجة .
بصت حولين منها فين كريم مش شيفاه ولا سمعه صوته من بدري.
كريم نايم جوه من وقت ما رجع من المدرسة شوية وهيصح.
هقوم اشوفه وانت يا طارق اعمل اللي قولتلك عليه.
نزل طارق ودخلت الهام لكريم ابنها كريم قون يا حبيبي حطت ايديها على خده اټفزعت من السخونيه نادت.
ياهنا ياهنا.
نعم ياماما.
اخوكي من امته نايم وليه مخدش فيكم دخل اطمن عليه.
كريم ليه يومين تعبان وقلت لتيته قالت برد معندهوش حاجه حتى بابا قال مش فاضي قال نقولك وحضرتك كل ماندخل تقولي تعبانه اطلعوا بره.
مهما كان كنتم قلتوا كريم تعبان ولا قلتم لطنط وفىاو.. اء
طنط وفاء مقصرتش معانا واتحرجت اقولها.
بسرعه هاتي طبق في مايه وفوطه نضيفه على ما اتصل بدكتور محمد يجي يكشف عليه.
بعد وقت جه طارق معه حداد والهام كانت جنب كريم بتعمله كمدات وحرارته مش بتنزل.
طارق ماما