قصة بقلم نور محمد

عملية.. ولقيته بيصيف في المالديف
______
أنا شاب ببدأ حياتي بشتغل شغلانتين عشان أقدر أحوش قرشين أتجوز بيهم. علاقتي بعيلتي كويسة وبالذات ابن عمتي ديف. كنا متربيين سوا وكنت بعتبره أخويا.
في يوم ديف اتصل بيا وهو مڼهار من العياط.
صوته كان يقطع القلب
سام.. إلحقني. أنا في مصېبة. أنا عملت حاډثة بسيطة بالعربية ولازم أدفع تعويض وتسوية فورا وإلا هتحبس وأخسر مستقبلي. أنا محتاج 4000 دولار ضروري وهاردهملك أول ما المرتب ينزل الشهر الجاي. أبوس إيدك ما تفضحنيش قدام العيلة محدش هيقف جنبي غيرك.
أنا قلبي وجعني عليه. ال 4000 دولار دول كانوا كل اللي حيلتي في البنك تحويشة الخطوبة. بس قلت الأخوات لبعض ومينفعش أسيبه يتسجن.
حولتله الفلوس فورا وهو قعد يشكرني ويحلف إنه هيرجعهم سنت سنت كمان 30 يوم بالظبط.
عدى شهر.. شهرين.. ومفيش حس ولا خبر.
كل ما أتصل ب ديف ميردش. أو يبعت رسالة يقولي معلش يا سام الظروف صعبة الشركة أخرت المرتب اصبر عليا أسبوع.
أنا صبرت وقلت بلاش أضغط عليه.
لحد ما في يوم كنت بقلب في إنستجرام.
لقيت ديف منزل ستوري.
فتحت الستوري.. وكانت الصدمة اللي شلت تفكيري.
ديف مش في الشغل ولا ظروفه صعبة.
ديف كان في هاواي!
لابس مايوه وماسك كاس عصير وقاعد على البحر وكاتب على الصورة الحياة حلوة.. أحلى إجازة مع الصحاب.
دمي غلي. الواد خد فلوس شقايا وتعبي اللي قالي إنها عشان ينقذ مستقبله من السچن وراح يتفسح بيها ويبرطع في الفنادق!
عملت سكرين شوت للصورة فورا. وبعتله رسالة إنت بتهزر فين فلوسي يا حرامي.
رد عليا بكل بجاحة يا عم ما تبقاش قفوش دي رحلة مدفوعة من صحابي فلوسك هتاخدها لما أرجع.. بلوك بقى عشان متصدعنيش وأنا بستجم.
وعملي بلوك فعلا!
أنا كان ممكن أروح أعمل
محضر بس الإجراءات القانونية طويلة وممكن ماخدش حق ولا باطل لإني حولت الفلوس من غير ورق رسمي.
فقررت أخد حقي بالطريقة الصعبة فضحته قدام البنك المركزي بتاعه أمه وأبوه.
عمتي ليندا وجوزها بيل ناس محترمة جدا وأغنيا وبيخافوا على سمعتهم في العيلة زي عنيهم وميعرفوش أي حاجة عن وساخة ابنهم.
كان فيه عزومة
عشاء عائلية كبيرة بمناسبة عيد ميلاد عمتي ليندا وكل العيلة معزومة وديف كان لسه راجع من السفر وهيكون موجود.
رحت العزومة. ديف شافني وتوتر وحاول ياخدني على جنب ويقولي هتكلم معاك بعدين.
أنا زقيته ومشيت لوسط القاعة ووقفت قدام أبوه وأمه والضيوف وطلعت موبايلي ووصلته بشاشة التليفزيون الكبيرة اللي في الصالة زي ما بنعمل لما بنعرض صور العيلة.
وقلت بصوت عالي يا جماعة بما إننا متجمعين أنا حابب أوريكم صور رحلة ديف الجميلة في هاواي اللي هو دفع تمنها من فلوسي اللي سرقها مني بحجة إنه هيتحبس.
وعرضت الصور.. صورة ورا صورة.
صورة وهو ماسك سېجار غالي.
صورة فاتورة فندق ب 500 دولار في الليلة.
وصورة المحادثة اللي بيترجاني فيها أحوله الفلوس عشان الحاډثة المزعومة.
القاعة سكتت تماما.
عمتي ليندا وشها جاب ألوان وبصت لابنها بصة ړعب. أبوه بيل قام وقف وقال بصوت مرعب يا ديف.. الكلام ده حقيقي إنت نصبت على ابن خالك.
ديف حاول يبرر ويقول لا يا بابا ده.. ده سوء تفاهم.. هو اللي مديهملي هدية...
أنا قاطعته هدية إيه يا نصاب دي رسالة منك بتقول إنك هترجعهم كمان 30 يوم.
أبوه بيل طلع دفتر الشيكات بتاعه في نفس اللحظة.
كتب شيك ب 4000 دولار ورماه في وشي وقال لي حقك عليا يا سام أنا معرفتش أربي. فلوسك أهي وفوقيها اعتذار.
أنا خدت الشيك وشكرته.
بعدها أبوه بص ل ديف وقال له قدام الناس كلها
الرحلة