رواية كامله

قطعوها
هو خاف على اسمه ومكانته
طلب منها تنزلني
رفضت
اختارتني
واختارته على نفسها
لكن بعد ولادتي بأيام قليلة مراته عرفت
حصلت ڤضيحة
وجتله تهديدات انه لو ما بعدش عن ماما وعن الطفلة دي هتدمر سمعته وشغله
جدتي قالتلي انها هي اللي خدت القرار
هي اللي قالت لماما تمشي وتسافر بعيد وتسيبني معاها
قالت لها انا هربيها كأنها بنتي وانتي ابدأي حياة جديدة بعيد عن كل ده
ماما كانت بټموت وهي بتسلمني
بس كانت شايفة ان ده الحل الوحيد عشان اعيش من غير لقب يطاردني طول عمري
قالتلي في الجواب ان ماما سافرت محافظة تانية واشتغلت باسم جديد
وكانت بتيجي تشوفني من بعيد كل سنة
كانت تيجي في عيد ميلادي وتقف تحت الشباك تبص عليا وانا بلعب
كانت بتبعت مصاريف من غير ما اعرف
وجدتي كانت بتقول انهم مساعدات من حد طيب
اما ابويا
فهو ما اختفاش
هو كان قريب
قريب قوي
كان راجل معروف في البلد
بيسلم عليا في الشارع احيانا
وانا ما اعرفش انه ابويا
كان يبصلي بنظرة غريبة كنت بحس فيها بحنية مش مفهومة
طلع هو
كان بيتابعني من بعيد
بيسأل عني
بيساعد من غير ما يظهر
بس عمره ما قدر يعترف
عشان مكانته
عشان عيلته التانية
عشان صورته قدام الناس
جدتي كتبتلي انها عارفة اني هكرهها بعد ما اعرف
بس هي عملت اللي شافته يحفظني
قالتلي ان ماما ماټت من سنتين بس
ماټت وهي بتوصيها تحكيلي الحقيقة لما اكبر واكون قادرة استحمل
كانت بتبعتلي رسالة كل سنة بس جدتي كانت بتحرقهم
الا الرسالة دي
كانت عايزاني اعرف الحقيقة قبل ما اتجوز
عشان ما ادخلش حياة جديدة وانا عايشة بنص قصة
الورقة وقعت من ايدي
وانا قعدت على الارض جنب الفستان
الفستان اللي كنت شايفة فيه حب نقي وحكاية جميلة بقى شايل سر وۏجع
افتكرت كل مرة كنت بسأل فيها عن ابويا
كانت تبصلي بحزن وتقول لي سابنا
ماكنتش بتكدب بالكامل
بس ماكنتش بتحكي كل حاجة
حسيت اني تايهة
انا بنت مين
مين اسمي الحقيقي
مين حقي اعرفه ومين حقي ازعله
افتكرت كريم
افتكرت انه دايما يقولي اهم حاجة الصراحة
وان مافيش حاجة تكسف لو احنا واقفين قدام بعض من غير اقنعة
قمت ومسحت دموعي
مسكت الفستان حضنته
وقلت بصوت عالي
لو جدتي عملت كل ده عشان تحميني يبقى واجبي اكمل بشجاعة
قررت ادور
على ابويا
وعلى اي حد يعرف حكاية ماما
اول حاجة عملتها اني رحت بيت قديم كانت جدتي محتفظة بمفتاحه
شقة صغيرة في حي شعبي
كانت مقفولة من سنين
دخلتها وقلبي بيدق
في درج قديم لقيت صور
صورة لماما وهي شابة بتضحك
وصورة ليها مع راجل واقف بعيد شوية عن الكاميرا
وشه واضح
وعرفته
كان شخصية معروفة
راجل اعمال كبير في اسكندرية
شوفته قبل كده في اخبار وفي افتتاحات
الدنيا لفت بيا
ازاي يبقى ده ابويا
ازاي طول عمري كنت بعدي من جنبه في الشارع ومش عارفة
قعدت ابص في الصور كتير
لقيت كمان عقد بيع قديم باسمه لشقة باسم جدتي
يمكن كان بيأمن لنا مكان نعيش فيه
حسيت بمشاعر متلخبطة
ڠضب
فضول
حنين غريب لراجل ما عرفتوش
قررت اروح له
ماقولتش لكريم غير لما وصلت قدام مكتبه
مبنى ضخم وامن وبوابين
دخلت